گھوڑا ٹرین

آزاد انسائیکلوپیڈیا، وکیپیڈیا توں
گھوڑا ٹرین
انتظامی تقسیم

گھوڑا ٹرین اک انوکھی تے دنیا بھر چ گھوڑےآں نال چلݨ آلی اکو ٹرین آ۔ جڑاں والا دے تریخی پنڈ گنگا پور (591 گ ب) چ اک تریخی ورثا اے جیہنوں گھوڑا ٹرین دے نام نال یاد کیتا جاندا اے۔ ایہ گھوڑا ٹرین 115 سال پہلاں گنگا پور توں بچیانا نوں چلدی سی۔ گھوڑے نال لوہے دی پٹڑی اُتے چلݨ آلی ایس ٹرین نوں مقامی لوک بچیانا منڈی توں تقریبن 2 کلو میٹر سفر طے کرن لئی استعمال کردے نیں ۔

سر گنگا رام دا حیران کُن تے دنیا بھر چ منفرد کارنامہ گھوڑا ٹرین دا اغاز سی ۔ 1898 وچ سر گنگا رام نے اپنی زمین لئی پاݨی دی تھوڑ نوں پورا کرن لئی گنگا پور پِنڈ توں پاݨی لجاݨ لئی اک موٹر منگوائی جیہڑی بہت بھاری سی ۔ ایہنوں گنگا پور لے کے جاݨا بہت اوکھا سی ۔ موٹر گنگا پور توں 3 میل دے فاصلے تے واقع بچیاݨا ریلوے سٹیشن تک مال گڈی وچ منگوائی تے ایہنوں گنگا پور تک لیاؤݨ لئی 3 میل دا ریلوے ٹریک بݨوایا تے ایہدے اُپر چلاؤݨ لئی ریل دے پہیاں آلی اک لکڑی دی ٹرالی بݨوائی جیہنوں گھوڑا کِھچدا سی ۔ موٹر نوں گنگا پور تک لیاؤݨ توں بعد گھوڑا ٹرین گنگاپور دے وسنیکاں نوں بچیاݨا ریلوے سٹیشن تک لیاؤݨ تے لجاݨ لئی استعمال کیتی جاݨ لگ گئی ۔ 1898 توں چلݨ آلی ایہ گھوڑا ٹرین اک قدیم تے انوکھی سواری اج وی لوکاں نوں فائدہ دیندی آ ۔ موٹر پنڈ پہنچ گئی تے پٹڑی پہ گھوڑا ٹرین تو‏ں کمرشل بنیاداں اُتے لوک گھر تو‏ں گھر تک آندے جاندے رہ‏‏ے۔ لگ بھگ اک صدی تک چݪݨ دے بعد گھوڑا ٹرین رک گئی۔[۱][۲]


ہور دیکھو[سودھو]

  1. سرگنگا رام
  2. لاہور تے گنگا پور - Pakistan – Dawn News