گنگا پور

آزاد انسائیکلوپیڈیا، وکیپیڈیا توں
Jump to navigation Jump to search
گنگا پور
Ganga Pur
Austrian horse railway1.jpg

دیس : پاکستان Flag of Pakistan.svg
صوبا : پنجاب Flag of Punjab.svg
ضلع : فیصل آباد
تحصیل : جڑاں والا
لوک گݨتی : 10988
بولی : پنجابی

گنگا پور پنجاب دے ضلع فیصل آباد دی تحصیل جڑاں والا دا اک پنڈ اے ۔ دنیا دی انوکھی تے تریخی گھوڑا ٹرین ایس پنڈ وچ چلدی اے ۔ 1898 وچ سر گنگا رام نے اپنی زمین لئی پاݨی دی تھوڑ نوں پورا کرن لئی گنگا پور پِنڈ توں پاݨی لجاݨ لئی اک موٹر منگوائی جیہڑی بہت پعھاری سی ۔ ایہنوں گنگا پور لے کے جاݨا بہت اوکھا سی ۔ موٹر گنگا پور توں 3 میل دے فاصلے تے واقع بچیاݨا ریلوے سٹیشن تک مال گڈی وچ منگوائی تے ایہنوں گنگا پور تک لیاؤݨ لئی 3 میل دا ریلوے ٹریک بݨوایا تے ایہدے اُپر چلاؤݨ لئی ریل دے پعیاں آلی اک لکڑی دی ٹرالی بݨوائی جیہنوں گھوڑا کِھچدا سی ۔ موٹر نوں گنگا پور تک لیاؤݨ توں بعد گھوڑا ٹرین گنگاپور دے وسنیکاں نوں بچیاݨا ریلوے سٹیشن تک لیاؤݨ تے لجاݨ لئی استعمال کیتی جاݨ لگ گئی ۔ 1898 توں چلݨ آلی ایہ گھوڑا ٹرین اک قدیم تے انوکھی سواری اج وی لوکاں نوں فائدہ دیندی آ ۔