ہارا
ہارا، پنجاب وچ گوݪ شکل وچ مِٹی دے بݨے ہوئے بھڑولّی وَرگے بھان٘ڈے نُوں کہیا جان٘دا اے، جیس وچ پاتِھیاں جݪا کے، دُدھ نُوں کاڑھنی وچ پا کے تتّا کِیتا جان٘دا اے۔ ہارے دی ورتوں کھیر بݨاؤݨ لئی تے پاݨی گرم کرن لئی وی کِیتی جان٘دی سی۔ ہارے چِیکݨی مِٹی تے توڑی ناݪ بنائے جان٘دے سن۔ ہارے دو قِسماں دے بݨائے جان٘دے سن۔ اک ہارا، زمِین وچ گڈّ کے رکھݨ واݪا بݨدا سی، دُوجا چکواں ہارا بݨدا سی۔ چکویں ہارے نُوں جِتھے مرضی رَکھ کے ورتیا جاسَکدا سی۔
چکویں ہارے دی بݨتر
[سودھو]چکواں ہارا بݨاؤݨ لئی ٹُٹی ہوئی چاٹی دا گَݪ لیا جان٘دا سی جِیہنُوں کلینڈر کہن٘دے سن۔ کلینڈر دے اُپر ہارے دا تقرِیبن 18 انچ قطر دا گوݪائی دار تھلّا بݨایا جان٘دا سی۔ جَد اہ تھلّا سُکّ جان٘دا سی، فیر اوس اُپّر 2/22 ک انچ موٹی گوݪ کَن٘دھ اونّی ہی بݨائی جان٘دی سی جِنّی کھڑی رہ سکے۔ جَد اوہ کَن٘دھ سُکّ جان٘دی سی فیر اوس اُپّر اونّی ہی ہور کَن٘دھ بݨائی جان٘دی سی جِنّی کھڑی رہ سکے، فیر اوہنُوں سکایا جان٘دا سی۔ ایس حساب ناݪ ہارے دِیاں کن٘دھاں نُوں تنّ ک فُٹّ تکّ اساریا جان٘دا سی۔ ایس طرحاں چکواں ہارا بَݨدا سی۔ چکویں ہارے دی خُوبصُورتی لئی اوہدے اُتے بغیر توڑی توں مِٹّی لائی جان٘دی سی۔ کئی سواݨِیاں ہارے دی شکل نُوں ہور سوہݨا بݨاؤݨ لئی پانڈو مِٹّی دا پرولا وی پھیر دین٘دِیاں سن۔
زمِینی ہارا
[سودھو]جے زمِین وچ گڈّ کے رکھݨ واݪا ہارا بݨاؤݨا ہُندا تاں اوہدے ہیٹھ چاٹی دا گݪا (کلینڈر) نہِیں لایا جان٘دا سی۔ ایہدی اساری چکویں ہارے دی طرحاں ہی ہُندی سی۔ اس اسارے ہوئے ہارے نُوں فیر کَن٘دھ کوݪ زمِین وچ گڈّ دِتا جان٘دا سی۔ ہاریاں دے اُتّے رکّھݨ لئی مِٹّی دے جاݪی دار چاپڑ وی بݨائے جان٘دے سن۔ کئی ہاریاں اُپّر چَھتّ پا کے مورِیاں واݪی لکڑ دی چھوٹی جہی دروازی وی لائی جان٘دی سی۔