ہرندر سنگھ محبوب
 | |
|---|---|
| جم | ہرندر سنگھ 1937 لائلپور، (برطانوی پنجاب، ہن پاکستان) |
| موت | 15 فروری 2010 (عمر 73 سال) |
| کم کِتہ | لکھاری، شاعر |
| بولی | پنجابی |
| مادر علمی | مہندرا کالج، پنجابی یونیورسٹی، پٹیالہ |
| صنف | نکی شاعری |
زندگی
[سودھو]ہرندر سنگھ محبوب دا 1937 وچ جم چکّ 233, برطانوی پنجاب (ہن پاکستان) وکھے ہویا سی۔ مڈھلی تعلیم پرائمری سکول، پنڈ روڈی محمد پورا، چکّ نمبر۔ 24 توں پاس کیتی اتے جڑھانوالا ہائی سکول وچ داخل ہو گیا۔ پھر 1947 وچ بھارت دی ونڈ توں بعد بھارتی پنجاب وچ اپنے نانکے پنڈ مراجھ، ضلع سنگرور آ گئے۔ دھوری مالوا خالصہ سکول توں اس نے چھیویں جماعت پاس کیتی۔ محبوب دے پروار نوں 1950 وچ امرگڑھ دے نیڑے جھونداں پنڈ زمین الاٹ ہوئی۔ اسنینے اٹھویں تے دسویں گٹھ دی تعلیم پبلک سکول امرگڑھ توں لئی۔ پھر سرکاری پرائمری سکول، محل کلاں (برنالہ)، مڈل سکول پھازلی اتے دھرمگڑھ وکھے استاد وجوں سیوا کیتی۔ اس دا ویاہ بیبی کلدیپ کور نال ہویا۔ پھر اس نے بیئے پرائیویٹ پاس کیتی اتے مہندرا کالج پٹیالے توں ایمئے کیتی۔ مگروں انگریزی دی ایمئے وی کیتی۔
لکھتاں
[سودھو]- سہجے رچیو خالصہ
- جھناں دی رات (ساہت اکادمی انعام حاصل)
- الٰہی ندرِ دے پینڈے
شاعری-نمونہ
[سودھو]اس روہی چوں آ رہیاں نے
موت مری دیاں واجاں
دور نگارے سورمیاں دے
گونجن سن فریاداں۔
کچے گھراں دے بوہیاں دے اگے
روندیاں ماواں آئیاں
کنکاں پکیاں دی رتے کیوں
درد عمر دے لیائیاں؟
ساڈے وڈے وڈیریاں توں نے
مرگاں نال یرانے
ماواں روہیاں نوں نہ چھڈّ کے
وسنا دیس بیگانے۔
‘مائی کنی پیار دی نکی
نین نمانے دوئے`
ماں دے ترس دے کھنبھ نتانے
دیکھ بچڑے روئے۔
سورج پراں تے پانی لائے
جد پردیسوں چلی
وطناں دے وچ رولے مچے
کونج نمانی کلی۔ (صفعہ 20 ‘ون ویراگ`)