ہیری پوٹر اینڈ دی آرڈر اف فینیکس (فلم)

وکیپیڈیا توں
Jump to navigation Jump to search
ہیری پوٹر اینڈ دی آرڈر آف دی فینیکس
فائل:Harry Potter and the Order of the Phoenix poster.jpg
فلم دا پوسٹر
ہدایتکار ڈیوڈ ییٹس
بنان آلے
اسکرپٹ مائیکل گولڈنبرگ
بنیاد جے کے رولنگ دی رچنا 
ہیری پوٹر اینڈ دی آرڈر آف دی فینیکس (ناول)
ستارے
میوزک
عکسبندی سلاوومیر اڈزئک
ادارت مارک ڈے
محصولی
ادارہ
ونڈن آلے وارنر بردرز پکچرز
تاریخ نمائش
  • 28 جون 2007 (2007-06-28) (ٹوکیؤ)
  • 11 جولائی 2007 (2007-07-11) (امریکہ)
  • 12 جولائی 2007 (2007-07-12) (انگلینڈ)
ویلہ
138 منٹ[1]
دیس
بولی انگریزی
لاگت $150 ملیان[3]
باکس آفس $939.9 ملیان[3]



ہیری پوٹر اینڈ دی آرڈر آف دی فینیکس (Harry Potter and the Order of the Phoenix) 2007 وچ بنی اک انگریزی خیالی فلم اے۔ اسدی ڈریکشن ڈیوڈ ییٹس نے، اسنوں لکھیا مائیکل گولڈنبرگ نے اے اتے اسدی ونڈ وارنر بردرز نے کیتی اے۔ ایہہ فلم جے کے رولنگ دے اسے نام دے ناول اپر مشتمل اے۔ ایہہ ہیری پوٹر فلم لڑی دی پنجویں فلم اے۔ اس لڑی دی صرف ایہہ اکو فلم اے جسنوں کہ سٹیو کلووس نے نہیں لکھیا اے۔ اس فلم دی اساری ڈیوڈ ہیئمین اتے ڈیوڈ بیرن نے کیتی اے۔ اس فلم دی کہانی وچ ہیری پوٹر دے ہوگورٹز سکول دے وچ پنجویں سال نوں وکھایا گیا اے۔ اس فلم وچ جادو وزارت ولوں لارڈ وولڈیمورٹ دی واپسی نوں خارج کیتا جاندا اے۔

اس فلم وچ ہیری پوٹر دا کردار ڈینیئل ریڈکلف ولوں نبھایا گیا اے۔ اس توں علاوہ اسدے دوستاں وچ رون ویسلی اتے ہرمائینی گرینجر دا کردار ترتیب وار روپرٹ گرنٹ اتے ایما واٹسن ولوں نبھایا گیا اے۔ ایہہ فلم ہیری پوٹر اینڈ دا گوبلیٹ آف فائر توں اگلا حصہ اے اتے ہیری پوٹر اینڈ دی ہاف بلڈ پرنس اسدا اگلا حصہ اے۔

اس فلم دی شوٹنگ باہرلیاں تھاواں لئی انگلینڈ اتے سکاٹلینڈ وچ کیتی گئی اتے اندرونی تھاواں دی شوٹنگ وارنر بردرز سٹوڈیؤز، لیوسڈےن وچ فروری توں نومبر 2006 تک کیتی گئی۔ اس فلم دی پوسٹ-پروڈکشن کئی وزوئل افیکٹاں لئی اس پچھوں کئی مہینیاں تک چلدی رہی۔ اس فلم دا بجٹ 75 توں 100 ملیان یورو دسا گئیا اے۔[4][5] وارنر بردرز نے انگلینڈ وچ ایہہ فلم 12 جولائی 2007 نوں اتے شمالی امریکہ وچ 11 جولائی نوں رلیز کیتی سی۔ ایہہ پہلی ہیری پوٹر فلم سی جسنوں آئیمیکس 3ڈی وچ وی رلیز کیتا گیا سی۔

دسمبر 2017 توں، ایہہ فلم سبھ توں زیادہ پیسہ کماؤن والیاں فلماں وچوں 42ویں نمبر تے آؤندی اے اتے اسنوں نقادی پدھر تے بہت ہی تعریف ملی اے۔ اس فلم نے پہلے پنج دناں دی اوپننگ وچ 333 ملیان ڈالر کما لئے سن اتے کل ملا کے 940 ملیان ڈالر کمائے ہن۔[6][7] اس فلم نوں 2008 وچ دو بافٹا فلم اوارڈاں لئی نامزد کیتا گیا سی۔

کہانی[لکھو]

آرڈر آف دی فینیکس، جو کہ اک خفیہ ادارہ اے جسنوں ایلبس ڈمبلڈور نے قائم کیتا سی، ہیری پوٹر نوں دسدی اے کہ جادو وزارت لارڈ وولڈیمورٹ دی واپسی توں بے خبر اے۔ سنستھاں دے مکھیالے وچ ہیری دا قریبی سیریئس بلیک اس کول ذکر کردا اے وولڈیمورٹ اک اجیہے مادہ دی تلاش وچ اے جہڑا پچھلے حملے وچ اس کول موجود نہیں سی۔

ہوگورٹز وچ، ہیری ویکھدا اے کہ جادو وزارت دے مکھی کورنیلیئس فج نے کالے جادو توں رکھیا لئی نواں استاد چنیا گیا اے جسدا نام پروفیسر ڈولوریس امبرج اے۔ ہیری اتے اسدا اک تکھا ساہمنا ہندا اے جس کرکے اوہ ہیری نوں اسدے جھوٹھ بولن لئی سزا دندی اے کہ اوہ اپنی جادوئی قلم نال اک سندیش لکھے۔ ایہہ کرن نال ہیری دے ہتھ تے داغ پے جاندے ہن۔ جدوں رون اتے ہرمائینی نوں لگدا اے کہ ہیری دے ایہہ داغ ودھ راے ہن تاں اوہ اسنوں ڈمبلڈور کول جان لئی کہندے ہن پر ہیری اوہناں دی ایہہ گل نہیں مندا کیونکہ ڈمبلڈور پچھلیاں گرمیاں توں اس توں دور ہی رہا سی۔ جویں-جویں امبرج دا قابو سکول اپر ودھن لگدا اے تاں رون اتے ہرمائینی ہیری دی طالب علماں دی خفیہ ادارہ بناؤن وچ مدد کردے ہن تاں کہ اوہ اپنی رکھیا کر سکن۔ اس ادارہ نوں اوہ ڈمبلڈور دی فوج کہہ کے بلاؤندے ہن۔ امبرج سلائیتھیرن طالب علماں نوں اس گروہ دا پردافاش کرن دی ذمہ واری دندی اے۔ اسے دوران ہیری اتے چو چینگ اک دوجے دے نیڑے آؤن لگدے ہن۔

ہیری نوں اک مورت وکھائی دندا اے جس وچ کوئی آدمی آرتھر ویسلی اپر حملہ کر رہا اے۔ اس گل نوں دھیان وچ رکھ کے وولڈیمورٹ ہیری نال اپنے اس تعلق نال اسدا نقصان کر سکدا اے تاں اوہ سیورس سنیپ نوں ہیری نوں وولڈیمورٹ توں اپنے دماغ دی رکھیا کرن دے پاٹھ دین لئی کہندا اے۔ ہیری اتے وولڈیمورٹ دے ایہناں تعلقاں کرکے ہیری اپنے دوستاں توں وی الگ ہون لگدا اے۔ اسے دوران بیلیٹرکس لیسرانج، جہڑی کہ سیریئس بلیک دی پاگل پران بھکشی چچیری بھین اے، [[ازکابان] توں ہوراں 9 پران بھکشیاں سمیت بھجّ جاندی اے۔ ہوگورٹز وکھے، امبرج اتے اسدے ساتھی طالب علم ڈمبلڈور دی فوج دا پتہ لا دندے ہن۔ پھج ڈمبلڈور نوں گرفتار کرن دا حکم دندا پر اوہ بھجّ جاندا اے۔ امبرج سکول دی نویں مکھی بن جاندی اے۔ ہیری اتے چو وچالے درار پے جاندی اے کیونکہ ہیری نوں لگدا اے کہ چو نے اسدی گروہ بارے امبرج نوں دسیا اے۔ ہیری نوں سنیپ دیاں یاداں توں پتہ لگدا اے کہ کیوں سنیپ اسدے پیؤ نوں نفرت کردا سی۔

ہیری نوں اپنے دماغ وچ اک ہور مورت وکھائی دندا اے۔ اس مورت وچ وولڈیمورٹ سیریئس نوں تسیاے دے رہا اے۔ ہیری، رون اتے ہرمائینی امبرج دی فائرپلیس تے اسنوں چکنا کر جاندے ہن کہ اسدی فائرپلیس ہی اے جس اپر نگاہ نہیں رکھی جا رہی۔ پر امبرج اوہناں نوں ایہہ نہیں کرن دندی۔ امبرج ہیری نوں تنگ کردی اے، جتھے ہرمائینی امبرج نوں مناہی والے جنگل وچ ڈمبلڈور دے خفیہ ہتھیار دی تلاش وچ اپنے پچھے لے جاندی اے۔ اوہ اتے ہیری اسنوں ہیگرڈ دے بہت وڈا بھرا گراپ کول لے جاندے ہن جہڑا کہ امبرج دے بے عزتی اتے حملہ کرن مگروں غصے وچ آ کے اسنوں اگواہ کر لیندا اے۔ ہیری، ہرمائینی، رون، لونا، نیول اتے گنی، سیریئس بلیک نوں بچاؤن لئی جادو وزارت ول جاندے ہن۔

ایہہ چھ جنے رازاں دے ڈیپارٹمنٹ وچ داخل ہندے ہن جتھے اوہناں نوں اک بھوکھبانی بارے پتہ لگدا اے، جس پچھے وولڈیمورٹ پیا ہویا سی۔ اتھے اوہناں اپر پران بھکشی حملہ کردے ہن جس وچ لوسیئس میلفوئے اتے بیلاٹرکس لیسرانج وی ہندے ہن۔ لوسیئس ہیری نوں دسدا اے کہ اسنے صرف اک سپنا ویکھیا اے کہ سیریئس نوں کوئی تسیاے دے رہا اے اتے ایہہ وولڈیمورٹ دی چال سی کہ اوہ پران بھکشیاں دی گرفت وچ آ جاوے۔ ہیری لوسیئس نوں اوہ بھوکھبانی دین توں منع کر دندا اے اتے اس پچھوں اوہناں وچکار جھڑپ ہندی اے۔ پران بھکشی ہیری توں بنھاں ساریاں نوں بندی بنا لیندے ہن اتے ہیری توں منگ کردے ہن کہ اوہ اپنے دوستاں دی جان بدلے بھوکھبانی اوہناں نوں دے دیوے۔

ہیری مجبور ہندا اے کہ اچانک سیریئس اتے ریمس لیوپن گروہ دے میمبراں ٹونکس، شیکلبولٹ اتے میڈ-آئیڈ موڈی نال اتھے آ پہنچدے ہن۔ جویں ہی پران بھکشیاں تے حملہ کردے ہن لوسیئس بھوکھبانی سٹّ دندا اے جس نال اوہ ختم ہو جاندی اے۔ جویں ہی سیریئس لوسیئس نوں مارن لگدا اے، بیلیٹرکس اسنوں مار دندی اے۔ اس پچھوں وولڈیمورٹ ظاہر ہندا اے اتے ہیری نوں مارن دی کوشش کردا اے پر اچانک ڈمبلڈور فلو نیٹورک دے ذریعے اتھے پہنچ جاندا اے اتے ہیری نوں بچا لیندا اے۔

وولڈیمورٹ اتے ڈمبلڈور دے وچالے تکھی جنگ ہندی اے جس نال اتھے کافی تباہی مچ جاندی اے اتے بیلیٹرکس اتھوں بھجّ جاندی اے۔ کیونکہ ایہہ دوویں اک-دوجے دے برابر ہندے ہن، وولڈیمورٹ ہیری دے دماغ وچ داخل ہو کے ڈمبلڈور نوں روکن دی کوشش کردا اے پر ہیری دا اپنے دوستاں اتے سیریئس نال پیار وولڈیمورٹ نوں اسدے سریر وچ بنائی رکھن توں روکدا اے۔ وزارت دے وزیر اتھے پہنچدے ہن پر اس توں پہلاں وولڈیمورٹ غائب ہو جاندا اے۔ فج نوں ایہہ مننا پیندا اے کہ وولڈیمورٹ واپس آ گیا اے اتے اسنوں اسدے عہدے توں لاہ دتا جاندا اے۔ ڈمبلڈور ہیری نوں دسدا اے کہ اسنے استوں اس لئی دوری بنا کے رکھی ہوئی سی کہ وولڈیمورٹ اوہناں دے تعلقاں توں کوئی فائدہ نہ چکّ سکے۔ ہیری بھوکھبانی دی سطر پڑھدا اے؛ کوئی زندہ نہیں رہِ سکدا پر دوجے بچ جانگے۔

پاتر[لکھو]

سانچہ:Further

باہرلے لنک[لکھو]

حوالے[لکھو]

  1. "Harry Potter and the Order of the Phoenix (12A)". British Board of Film Classification. 24 مئی 2007. http://bbfc.co.uk/releases/harry-potter-and-order-phoenix-film-0. Retrieved on 27 دسمبر 2015. 
  2. 2.0 2.1 "Harry Potter and the Order of the Phoenix (2007)" (in en). http://www.bfi.org.uk/films-tv-people/4ce2b8ace11ac. Retrieved on اکتوبر 18, 2017. 
  3. 3.0 3.1 سائیٹ غلطی:ناں منیا جان والا <ref> ٹیگ کوئی لکھت نئیں دتی گئی اتے پتے bom-hp5 لئی۔
  4. Cornwell, Tim (24 جنوری 2007). "Oscars signal boom (except for Scots)". The Scotsman (Edinburgh). http://news.scotsman.com/filmandtvawards/Oscars-signal-boom-except-for.3340535.jp. Retrieved on 24 جنوری 2007. 
  5. Haun, Harry (20 جون 2007). "Harry the Fifth". Film Journal International. https://web.archive.org/web/20070626042023/http://www.filmjournal.com/filmjournal/features/article_display.jsp?vnu_content_id=1003600960&imw=Y. Retrieved on 26 جون 2007. 
  6. "Worldwide Openings". Box Office Mojo. http://www.boxofficemojo.com/alltime/world/worldwideopenings.htm. Retrieved on 21 دسمبر 2015. 
  7. "2007 Worldwide Grosses". Box Office Mojo. 6 مارچ 2008. http://boxofficemojo.com/yearly/chart/?view2=worldwide&yr=2007&p=۔htm. 
  8. "Top actress "will play Umbridge"". BBC. 21 اکتوبر 2005. http://news.bbc.co.uk/cbbcnews/hi/newsid_4360000/newsid_4365800/4365880.stm. Retrieved on 23 اکتوبر 2006.