ہیلے کالج آف کامرس

4 مارچ 1927 نوں قائم کیتا گیا، ایہ ایشیا وچ تجارت دی تعلیم دا سبھ توں قدیم خصوصی ادارا اے۔ ایہ پہلاں یونیورسٹی دے پراݨے کیمپس وچ واقع سی، فیر 1981 وچ ایہنوں نویں کیمپس وچ مُنتقل کر دِتا گیا۔ ایہ کالج 37 دی مستقل فیکلٹی دے ناݪ تقریبن 3000 طلباء دی خدمت کردا اے۔

تریخی پچھوکڑ[سودھو]

پنجاب یونیورسٹی 14 اکتوبر 1882 نوں وجود وچ آئی تے فیکلٹی آف کامرس سیشن 1919-1920 دے دوران قائم ہوئی۔ 1922 وچ، فیکلٹی آف کامرس نے اس وقت پیش کردہ ڈپلوما دی بجائے کامرس وچ بیچلر ڈگری شروع کرن دی سفارش کیتی۔ ہیلے کالج 4 مارچ 1927 نوں اس وقت دے گورنر پنجاب تے یونیورسٹی دے چانسلر سر میلکم ہیلے دے نام اُتے قائم کیتا گیا۔ تن سال بی. کارن اس زمانے وچ ڈگری کورس متعارف کرایا گیا سی۔ کالج دا بنیادی مقصد کامرس دے شعبے وچ بہترین تے اعلا درجے دی تعلیم تے تربیت فراہم کرنا سی۔

سر گنگا رام نے 1927 وچ کالج دے قیام لئی "نابھا ہاؤس" تے ہاسٹل دی پراݨی عمارت عطیا کیتی سی۔ بعد وچ پنجاب یونیورسٹی نے اک ہال، چار کلاس روم، دوسرا ہاسٹل تے دیگر دفاتر دا اضافا کیتا۔ لیکن طلباء دی تعداد وچ بتدریج اضافے ناݪ ایہ احاطے کالج دی ضروریات نوں پورا کرن لئی ناکافی سمجھے گئے۔ کالج نوں نیو کیمپس وچ مُنتقل کرن دا خیال 1977 وچ ایہدی گولڈن جوبلی تقریب دے دوران بہت پروان چڑھیا تے 23 ستمبر 1978 نوں ایہنوں نیو کیمپس وچ منتقل کر دِتا گیا تے عارضی طور تے ہاسٹل نمبر 15 وچ رکھیا گیا۔ موجودہ احاطے دا افتتاح یکم جنوری 1981 نوں ہویا سی۔ بعد وچ اگلے دو سالاں دے دوران پہلی منزل تے اک علیحدا کیفے ٹیریا شامل کیتا گیا۔ لائبریری نوں 6048 مربع فٹ دے تعمیر شدہ رقبے ناݪ جگہ مِݪی تے جولائی 1985 وچ ایہدیاں ساریاں کتاباں سٹی کیمپس توں نویں عمارت وچ منتقل کر دِتیاں گئیاں۔ اک خوبصورت ٹیبل ٹینس کورٹ 1987 وچ M/S Sends Industries Limited نے عطیا کیتا سی تے کالج نے اسکواش ریکیٹ کورٹس وی بݨائے نیں۔ اس وقت ایہ کالج خوبصورت سرسبز و شاداب ماحول وچ اک وسیع و عریض علاقے اُتے پھیلیا ہویا اے جیہدے اک پاسے نہر تے دوسرے پاسے یونیورسٹی لاء کالج اے۔

حوالے[سودھو]