تھوم
| تھوم ٹبر | |
| |
| پچھان | |
| دیس: | بوٹے |
| برادری: | پھلوالے بوٹے |
| ٹبر: | نرگس ٹبر |
| نکا ٹبر: | تھوم ٹبر |
| ٹوکرہ: | ؟ |
| سائینسی ناں: | Allium sativum |
'تھوم یا لسن تھوم ٹبر دے اک بوٹے دا ناں اے۔ ایس دے پتے تے جڑ کھانیاں وچ ورتے جاندے نیں۔ ایہ وشکارلے ایشیاء دا واسی اے تے انسان ایہنوں پچھلے 7000 وریاں توں ورت ریا اے۔ پرانے مصری ایہنوں جاندے سن تے ایہ کھانیاں تے دوائیاں وچ ورتیا جاریا اے۔
وکھالہ
[سودھو]ایہ گنڈوالا سدا اگا رہنوالا بوٹا اے جیہڑا 30 توں 90 سینٹی میٹر تک اچا جاندا اے۔ پدھرے نیلے ہرے پتے 15 ملی میٹر تک چوڑے ہوندے نیں۔ ایہدی زمین وچ گنڈ بندی اے جیدے اندر چکر وچ تھوم دیاں تریاں ہوندیاں نیں۔ ایہناں دے دوالے اک پتلی چٹی یا لال لفافی ہوندی اے۔ لمی سدھی ٹاہنی اتے چٹا پھل لگدا اے۔
تریخ
[سودھو]لسن اک فصل اے جیدا مڈھ وشکارلے ایشیاء توں بندا اے۔ ایہدی جنگلی ونڈ مک گئی اے۔ ایہ پرانے ویلیاں توں کھان پین یا دوائی لئی ورتیا جاندا اے۔ اہرام بنانوالے کمیاں دی روز دے کھاپین وج لسن وی سی۔ رومی تے یونانی ایس دے روگاں نوں مکان والی صفت نون جاندے سن۔ پہلی صدی دا رومی حکیم پیڈیانوس ڈائیسکوریڈس اپنی کتاب ڈی میٹریا میڈیکا وچ تھوم نوں کئی روگاں لئی فیدے والی شے لکھدا اے۔
