معرا نظم

معرا نظم نظم دی اِک قسم اے۔

ویروا

معرا نظم اجہی نظم نوں آکھیا جاندا اے جیدے وچ سارے مصرعے اِکو بحر تے وزن وچ پروئے ہوندے نیں، پر اوہناں وچ ردیف تے قافیہ نئیں ہوندا۔ ایس صنف وچ خیالاں دی لڑی ردیف تے قافیہ دی اوکڑ توں بِناں قائم رہندی اے۔ اصل وچ ایس صنف دی اختراع ردیف تے قافیہ دی اوکڑ نوں دور کرن واسطے کیتی گئی اے۔ کیوں جے بعض ویلے شاعر دے ذہن وچ بڑا اُچا خیال آوندا اے پر اوہ مناسب ردیف تے قافیہ نہ لبھن پاروں اوس خیال نوں چھڈنا پیندا اے۔ معرا نظم وچ ردیف تے قافیہ دی پابندی توں بِناں اوہ خیال پیش کیتا جا سکدا اے۔ پنجابی ادب وچ معرا نظم دیاں بڑیاں سوہنیاں مثالاں لبھدیاں نیں۔ پنجابی ادب وچ صفدر میر تے نجم حسین سید نے بڑیاں اُچیاں معرا نظماں لکھیاں نیں۔

نمونہ

• اِک بوہے دے کھلن نال
  ہزاراں بوہے کھلدے جاون
  میرے ہتھ وچ سگرٹ سلگے
  دھواں سوچاں بَن دا جاوے

ہور ویکھو

• یک مصرعی نظم
• آزاد نظم