مکناس
مکناس اتلے مراکش دا شہر تے مکناس تافیلات علاقے دا صدر مقام اے ۔ مراکش دے راجگھر رباط توں مکناس دا پندھ 130 کلومیٹر تے فاس توں 60 کلومیٹر اے ۔ مکناس مولاۓ اسماعیل (1672ء توں 1727ء تک) دے ویلے چ مراکش دا راجگھر رہیا اے ، جتھوں راجگھر بعد چ رباط منتقل کیتا گیا ۔ 2004ء دی مردم شماری دے موجب شہر دی آبادی 5 لکھ 36 ہزار 322 اے ۔ ش ہر دا ناں ایتھے آباد بربر قبلیلہ مکناسہ دے ناں اتے رکھیا گیا اے ۔
علاقے جتھے مکناس شہر آباد اے تے اسدے آلا دوالا 117ء چ رومی سلطنت دا حصہ رہے ۔ شہر دی نیہہ 8ویں صدی عیسوی چ ایتھے قلعہ یاں قصبہ دی تعمیر نال رکھی گئی ۔ بربر قبیلہ مکناسہ 10ویں صدی عیسوی چ ایتھے آباد ہويا تے شہر ہولی ہوولی قلعے دے دوالے پھیلن لگا ۔ اس شہر دا سنری دور مولاۓ اسماعیل دی حکومت دا ویلا سی ، جدوں اسنے اس شہر نں مراکشی سلطنت دا راجگھر بنایا ۔