آکسفورڈ یونیورسٹی

آکسفورڈ یونیورسٹی
University of Oxford

ماٹو:	اللہ میرا چانن اے۔
بنی:	1096
پڑھاکو:	41800
تھاں :	آکسفورڈ ، برطانیہ
ویب سائیٹ	[1]

آکسفورڈ یونیورسٹی پھلواری

آکسفورڈ یونیورسٹی برطانیہ دے نگر آکسفورڈ چ اک یونیورسٹی‏ اے۔ اے دنیا دی دوسری سب توں پرانی تے انگریزی بولن والی دنیا دی سب توں پرانی یونیورسٹی اے۔ ایتھے 11 ویں صدی توں پڑھائی ہو رئی اے۔ یونیورسٹی چ تیزی نال وادا ہویا جدوں انگریز بادشاہ نے انگڑیز پڑھاکواں نوں پیرس یونیورسٹی چ پڑھن توں روک دتا۔ 1209 چ ایتھے اک پھڈا پے گیا تے جس توں ایتھوں لوک کیمبرج نس گۓ تے اینج کیمبرج چ کیمبرج یونیورسٹی دی نیو پئی۔ دونویں یونیورسٹیاں رلدیاں وی نیں پر دوناں چ مفابلہ بازی وی بڑا پرانا اے۔ آکسفورڈ یونیورسٹی برطانیہ دیاں ودیا یونیورسٹیاں چ اتے رہن والی یونیورسٹی اے۔ آکسفورڈ لگاتار دنیا دیاں دس ودیا یونیورسٹیاں چ آرئی اے۔ اے یورپ دیاں ودیا تے کھوج پرکھ کرن والیاں یونیورسٹیاں چ آندی اے۔

[لکھو] تریخ

آکسفورڈ یونیورسٹی برطانیہ دے صوبے انگلینڈ دی کاؤنٹی آکسفورڈشائر دے شہر آکسفورڈ چ اے۔ آکسفورڈ یونیورسٹی دی نیو رکھن دا ٹھیک دن یا ورھ تے کسے نوں پتہ نیں پر ایتھے 1096 چ پڑھائی شروع ہوگئی سی۔ 1167 چ جدوں پیرس یونیورسٹی فرانس چوں بدیسی پڑھاکواں نوں کڈ دتا گیا تے اوناں چوں کئی آکسفورڈ آگۓ تے ایس یونیورسٹی نوں وادا دتا۔ ویلے نال ایہ یونیورسٹی وددی رئی تے ایتھے کئی پڑھائی دے ادارے وکھرے فرقیاں تے لوکاں نیں بناۓ۔