الپ ارسلان

Wikipedia توں
جاؤ: پاندھ, کھوج

الپ ارسلان اک سلجوق سلطان سی جہڑا اپنے چاچا طغرل بیگ دے بعد تخت تے بیٹھا ،اسنے 1063ء توں 1072ء تک حکومت کیتی ۔ ایہہ بہت بہادر تے بیدار مغز بادشاہ سی ۔ مشہور مدبر نظام الملک طوسی نوں اپنے باپ چغری بیگ دی شفارش تے وزیر سلطنت مقرر کیتا ۔ اس دے دور چ سلجوق سلطنت دیاں سرحداں بہت وسیع ہوئیاں ، ہرات تے جند( ماوراءالنہر) نوں اپنی سلطنت چ شامل کیتا تے فیر فاطمی حکمران نوں شکست دے کے مکہ تے مدینہ اپنی قلمرو چ شامل کیتے ۔ اس دے نال اسلامی دنیا چ سلجوقیاں دا اثر تے اقتدار ودھ گئیا ۔ بازنطینی سلطنت نے سلجمق سلطنت تے حملہ کیتا تے الپ ارسلان نے 26 اگست 1071ء چ جنگ ملازکرد چ اوہناں نوں عبرت ناک شکست دتی تے قیصر روم رومانوس VI نوں گرفتار کرلئیا ۔ قیصر روم نے نا صرف تاوان جنگ دتا بلکہ خراج دین تے وی رضامند ہوئیا تے اپنی دھی دا ویاہ سلطان دے پتر نال کردتا ۔ آرمینیا تے جارجیا (گرجستان) دے علاقے وی سلجوق سلطنت دے حوالے کردتے ۔ خوازمی ترکاں دے خلاف مہم چ قیدی بنا کے لئیائے گئے خوازمی گورنر یوسف الخوارزمی دی تلوار نا ل شدید زخمی ہوئیا تے 4 دن بعد 25 نومبر 1072ء چ صرف 42 سال دی عمر چ انتقال کرگئيا ۔ الپ ارسلان نوں مرو چ اسدے والد چغری بیگ دی قبر دے برابر دفن کردتا گئیا۔