ایف 35 لائیٹنینگ
ایف-35 لائٹننگ دفاعی ٹیکنالوجی دے بین القوامی تعاون دی تریخ دا سب توں وڈا منصوبہ اے ۔ 21ویں صدی دے اس جدید ترین لڑاکا طیارے تے تحقیق تے تیاری دی مجموعی لاگت دا تخمینہ 272 ارب امریکی ڈالر توں ودھ اے ۔
[لکھو] تیاری
ایف 35 ، جس نوں " جوائینٹ اسٹرائیکر فاءٹر " وی آکھئیا جاندا اے ، دے منصوبے چ برطانیہ ، اٹلی ، نیدرلینڈ ، ترکی ، کینیڈا ، آسٹریلیا ، ڈنمارک تے ناروے شریک نیں ۔
نویں اندازے دے مطابق فضائیہ لئی تیار کیتے جان آلے طیارے دے قیمت ساڈھے 4 کروڑ جدوں کہ بحریہ لئی تیار کیتے جان آلے طیارے دی قیمت 6 کروڑ امریکی ڈالر ہوئے گئی ۔ اس طیارے دی تیاری لئی دو وڈیاں امریکی کمپنیاں بوئنگ تے لاک ہیڈ مارٹن دے وچکار 5 سال تک سخت کشمکش جاری رہی تے بالآخر پینٹاگون نے لاک ہیڈ مارٹن دے تیار کیتی گئے پروٹو ٹائپ ایکس -35 نوں امریکی فضائیہ تے بحریہ تے میرین کور لئی منتخب کر لئیا جسنوں ہن ایف-35 آکھئیا جاندا اے ۔
[لکھو] خصوصیات
اس طیارے دی خاص گل اس چ سٹیلتھ ٹیکنالوجی دا استعمال تے اس دی عمودی پرواز تے لینڈنگ دی صلاحیت اے ۔ ایہہ امریکی فضائیہ چ ایف 16 تے اے 10 تھندربولٹ ،جدوں کہ امریکی بحریہ تے میرین کور چ ایف 18 تے ہیریئر جمپ لڑاکا طیارےآں دی تھاں لئے گا ۔ اس طیارے چ جدید ترین ریڈار ، ایویونکس تے الیکٹرک وار فیئر سسٹم لگے ہوئے نیں تے ایہہ نا صرف ہن دے بلکہ مستقبل چ تیار ہون آلے مہلک روایتی ہتھیار ، کروز میزائل تے گائیڈڈ بمب وی لے جان دی صلاحیت رکھدا اے ۔
