ترکی

ترکی
Republic of Turkey
Türkiye Cumhuriyeti

چنڈا	نشان
راجگڑھ:	انکرہ
تھاں:	783,562 مربع کلومیٹر
لوک گنتی:	73,722,988
کرنسی:	لیرا
بولی:	ترک بولی

وکیمیڈیا کامنز چ مورتاں: ترکی

ترکی اک یوریشیائ دیس اے۔ ایدی آبادی 7 کروڑ 5 لکھ اے۔ ایدا دارلحکومت انقرہ اے۔ استمبول ایدا سب توں وڈا شہر اے۔ ترکی دا 97 فیصد ایشیہء چ اناطولیا تے 3 فیصد یورپ چ رومیلیا تے مشتمل اے ۔

[لکھو] آلادوالا

ترکی دیاں سرحداں اٹھاں دیساں نال ملدیاں نیں ، جنہاں چ شمال مغرب چ بلغاریہ ، مغرب چ یونان ، شمال مشرق چ گرجستان[جارجیا] ، مشرق چ آرمینیا ، ایران تے آذربائیجان دا علاقہ نخچیوان تے جنوب مشرق چ عراق شامل نیں ، استوں علاوہ شمال چ بحیرہ اسود ، مغرب چ بحیرہ ایجئین تے بحیرہ مرمرہ تے جنوب چ بحیرہ روم نال ملدیاں نیں ۔ اتنے بحتریں محل وقوع دی وجہ توں ترکی زمانہ قدیم توں ایشیاء تے یورپ دے درمیان اہم ترین علاقہ رہیا اے ۔

[لکھو] نواں ترکی

ترکی اک جمہوری ، سیکولر تے آئنی جمہوریہ اے جس دا سیاسی نظام 1923ء چ سلطنت عثمانیہ دے خاتمے دے بعد مصطفی کمال اتاترک نے ترتیب دتا ۔ اوہ ترکی نوں اک ایہو جہیا ملک بنانا چاہندے سن جس چ حکومتی نظام نوں دین دیاں بنیاداں تے استوار ن کیتا گئی ہوۓ ۔ اوہ فوجی تے اقتصادی امور چ ترکی نوں مغربی ملکاں دے ہم پلہ دیکھنا چاہندے سن ۔ ایہہ اقوام متحدہ ، موتمر عالم اسلامی ، او ای سی ڈی تے او ایس سی دا بانی رکن ملک اے ۔ 1949ء نوں یورپی کونسل تے 1952ء نیٹو دا رکن بنیا تے اس وقت یورپی یونین دی رکنیت دا امیدوار اے ۔

اتاترک ترکی دے پہلے صدر سن ، اوہ 1938ء چ انتقال کرگئے ۔ ترکی دی مسلح افواج خود نوں اتاترک دے تصورات دا اصل محافظ سمجھدیاں نیں تے سیاسی استحکام بحال کرن لئی 3 مرتبہ 1960ء ، 1971ء تے 1980ء چ ملک دے سیاسی نظام چ براہ راست مداخلت کر چکی اے ۔