ایوانووا اوبلاست

Wikipedia توں
جاؤ: پاندھ, کھوج
ایوانووا اوبلاست
روس دی اک وفاقی اکائی
Plyos.JPG
ایوانووا اوبلاست دا سیاحتی مرکز پلوس
Flag of Ivanovo Oblast.svg
Coat of Arms of Ivanovo oblast.png
جھنڈا
نشان
روس دے نقشے چ ایوانووا دا محل وقوع
سیاسی حثیت
دیس
روس
سرکاری بولی روسی
وفاقی ضلع وچکاولا
اقتصادی ضلع
وچکارلا
قیام 11 مارچ 1936ء
انتظامی مرکز
ایوانووا
حکومت
انتظامیہ دا سربراہ میخائل من
'
قنون ساز ادارہ
اوبلاست دوما
رقبہ آبادی
کل رقبہ
21،800 مربع کلومیٹر
رقبے چ نمبر 73واں
آبادی (2010ء) 10،62،629
'
آبادی دی گنجانی
49لوک فی مربع کلومیٹر
رقبے چ نمبر
49واں
ویلہ
ماسکو ویلہ (یو ٹی سی 4+)
سرکاری ویب سائیٹ
http://www.ivanovoob.ru/

روس اک وفاق اے تے 1 مارچ 2008ء توں اسدیاں 83 وفاقی اکائیاں نیں ۔ 1993ء چ اسدے وفاقی علاقےآں دی گنتی 89 سی ، پر 2008ء چ ایہہ گھٹ کے 83 ہوگئی ، اسدی وجہ مختلف علاقآں نوں ملا کے نویں علاقے بنانا اے ۔ روس دے صوبےآں نوں اوبلاست آکھیا جاندا اے ، اس ویلے روس دیاں 83 وفاقی اکائیاں چوں 46 اوبلاست نیں ۔ اوبلاست دا گورنر وفاق نامزد کردا اے تے پارلیمنٹ دا انتخاب مقامی طور اتے ہندا اے ایوانووا اوبلاست روس دے 46 اوبلاستاں چوں اک اوبلاست اے ، اسدا راجگڑھ ایوانووا شہر اے ۔


ایوانووا اوبلاست روس دی اک وفاقی اکائی (اوبلاست) اے ۔

اس دے تن وڈے شہر ایوانووا (انتظامی مرکز) ، کنیشما تے شوئیا نیں ۔

اس اوبلاست چ سیاحت دا مقام پلیؤس اے تے دریائے وولگا اوبلاست دے اتلے حصے توں لنگھدا اے ۔

ایوانووا صنعتی اوبلاست 14 جنوری 1929ء چ قائم کیتا گیا ۔ 11 مارچ 1936ء چ اسنوں اس دے ایوانووا اوبلاست تے یاروسلاول اوبلاست چ ونڈ دتا گیا ۔


کینیشمہ

جغرافیہ[لکھو]

ایوانووا اوبلاست دیاں سرحداں اتلے چ کوستراما اوبلاست ، چڑھدے چ نیژنی نووگورد اوبلاست ، دکھن چ ولادیمیر اوبلاست تے لہندے چ یاروسلاول اوبلاست نال ملدیاں نیں ۔

اس دا کل رقبہ 21،800 مربع کلومیٹر اے تے آبادی 11،48،329 اے ، جس چوں تقریبا 83٪ آبادی شہری اے ۔


تریخ[لکھو]

موسم[لکھو]

ایوانووا اوبلاست دا موسم براعظمی اے ، اس لئی ایتھے گرمیاں کافی گرمی تے سردیاں برفیلی ٹھنڈ ہندی اے ۔ عام طور اتے سبتوں ٹھنڈا مہینا جنوری نوں سمجھیا جاندا اے جس چ دن دا اوسط درجہ حرارت منفی 12 ڈگری سینٹی گریڈ ہندا اے تے سبتوں گرم مہینا جولائی دا ہندا اے جس چ دن دا اوسط درجہ حرارت 18+ ڈکری سینٹی گریڈ ہندا اے ۔

دریا جھیلاں[لکھو]

ایوانووا اوبلاست چ نکے وڈے 1700 دریا ، نالے تے ندی نالے وگدے نیں ۔ اوبلاست دی دھرتی اتے 150 توں ودھ جھیلاں نیں ۔ اینہاں دریاواں چوں سبتوں وڈا دریا وولگا اے ۔ دوجے وڈے دریاواں چ دریائے اوود اے جس دے کنڈےآں اتے ایوانووا اوبلاست دا راجگڑھ ایوانووا شہر آباد اے ۔

معیشت[لکھو]

ایوانووا دے علاقے دی صنعت کئی شعبےآں چ ونڈی ہوئی اے ، جنہاں چ بجلی ، کیمیکل ، پیٹروکیمیکل ، غذائی اجناس ، لکڑی ، انجینیئرنگ تے دھاتاں دا کم ، توانائی تے تعمیراتی سامان دی صنعتاں شامل نیں ۔ ایتھے دیاں بنیادی تے زیادہ ترقی یافتہ صنعتاں چ کپڑا بنن ، نیٹینگ ، ٹیکسٹائل تے جوتے سازی دی صنعت اے ۔ اس شعبے چ کم کرن آلی کمپنیاں اس علاقے دے صنعتی مزدوراں دی ادھی گنتی نوں روزگار فراہم کر رہیاں نیں ۔ ٹیکسٹائل دی صنعت ، جہڑی ایتھے 17ویں صدی عیسوی دی آخری چوتھائی چ ترقی کرنا شروع ہوئی ، بنیادی اہمیت دی حامل اے ۔ اس علاقے دیاں ٹیکسٹائل کمپنیاں ، روس دی کل ٹیکسٹائل پیداوار دا ادھ بنا رہیاں نیں ۔ انجینئرنگ دا وی علاقے دی صنعت چ اہم مقام اے ۔ انجینئرنگ کمپنیاں موبائل کریناں ، لوماں تے مشینی پرزے ، ایکساویٹرز ، کومبنگ مشینری ، اوزار سازی تے کاراں دے پرزے بناندیاں نیں ۔ لکڑی دا کم تے پلپ پے کاغذ سازی دی صنعت وی علاقے دی معیشت چ اہم کردار ادا کردی اے ۔ علاقے دے جنگلات اینہاں صنعتاں لئی خام مال مہیا کردے نیں ۔ فوڈ انڈسٹری کافی شیواں دی تیاری کردی اے جنہاں دی روس دے دوجے علاقے تے باہر دے دیساں چ کافی مانگ اے ، اینہاں شیواں چ ساسیج ، مایونیز ، آٹا ، دالاں ، ڈبہ بند ددھ تے گوشت ، بیکری دیاں شیواں ، پاستا تے الکوحل شامل نیں ۔

ایوانووا اوبلاست دی فی کس آمدنی (ہزار روبل چ) ایداں اے:

1998 2000 2004 2006 2009
6,8 14,2 35,8 50,40 80,90

واہی بیجی[لکھو]

ایوانووا اوبلاست دا روس ج واہی بیجی چ وی اک مقام اے ، سن 2006ء چ ایتھے ، 80،500 ٹن اناج ، 2،78،900 ٹن آلو ، 1،23،100 ٹن سبزیاں ، 34،000 ٹن گوشت (زندہ وزن) ، 1،89،000 ٹن ددھ تے 30،48،00،000 (تقریبا ساڈھے 30 کڑوڑ) آنڈے پیدا ہوئے ۔

آبادی دی خصوصیات[لکھو]

  • ایوانووا اوبلاست دی کل آبادی (سن 2008ء موجب) 10،79،600 اے ۔
  • آبادی دی گنجانی 50 بندے فی مربع کلومیٹر اے ۔
  • شہری آبادی دا تناسب 80.8% اے ۔
5 ہزار توں ودھ آبادی آلیاں تھانواں
ایوانووا ودھ رہی 409,300 یوریوتس ودھ رہی 10,200
کینیشما گھٹ رہی88,100 ناوولوکی ودھ رہی10,200
شویا ودھ رہی58,5 نووا تالیسی 8,800 (2003)
ویچوگا گھٹ رہی37,600 کاسموملسک بغیر تبدیلی8,700
فورمانوف گھٹ رہی 36,100 پوچیژ گھٹ رہی 8,600
تیکووا گھٹ رہی35,000 لیژنیوا ودھ رہی8,000
کوخما ودھ رہی29,400 گبرائیل پوساد بغیر تبدیلی6,400
رادنیکی گھٹ رہی26,300 تالیتسی 6,200 (2003)
پریوولژیسک گھٹ رہی16,700 ساوینو گھٹ رہی5,500
یوژا گھٹ رہی14,200 پالیخ گھٹ رہی5,300
زاووولژسک ودھ رہی12,000 ستارایا ویچوگا گھٹ رہی5,300



ایوانووا اوبلاست چ وسن آلیاں مختلف قومیتاں دی گنتی ایہہ وے:

قوم گنتی (2002ء چ)
روسی 10،75،815
یوکرینی 10،629
تاتاری 8،205
ارمنی 4،012
بیلاروسی 3،483
آذری 3،166
جپسی 2،031
مودووی 1،948
چواش 1،648
مالدووی 1،246
ایتھے صرف1000 توں ودھ آبادی آلیاں قومتیاں لکھیاں گیاں نیں

،


ایوانووا اوبلاست چ سن 2008ء دے اک آنکڑے موجب جمن تے موتاں چ ایہہ تناسب اے :-

  • جم:11،138 (10.3 فی ہزار)
  • موتاں:20،801 (19.3 فی ہزار)

اوبلاست دی انتظامی ونڈ[لکھو]

ایوانووا اوبلاست دی انتظامی ونڈ

ایوانووا اوبلاست 21 رائیؤناں چ ونڈیا ہویا اے جنہاں چ 4 شہری رائیؤن (رائیؤن روسی اوبلاست دی انتظامی اکائی اے ، اسنوں اسیں اپنی انتظامی اکائی تحصیل برابر سمجھ سکدے آں) ، 6 شہر تے 11 قصبے شامل نیں ۔

  • ویرخنی لاندیخ رائیؤن
  • ویچوگا رائیؤن
  • گبریلوف پوساد رائیؤن
  • زاوولژسک رائیؤن
  • ایوونوا رائیؤن
  • ایلئنسکوئے خوبانسکوئے رائیؤن
  • کینشمہ رائیشن
  • کاسمومولسک رائیؤن
  • لیژنیوو رائیؤن
  • لوخ رائیؤن
  • پالاخ رائیؤن
  • پیستیاکی رائیؤن
  • پریوولژسک رائیؤن
  • پوچیژ رائیؤن
  • رادنیکی رائیؤن
  • ساوینو وائیؤن
  • تیکووا رائیؤن
  • فورمانوف رائیؤن
  • شویا رائیؤن
  • يوژا رائیؤن
  • یوریوتس رائیؤن

تعلیم[لکھو]

ایوانووا اوبلاست چ تے خاص طور اتے ایوانووا شہر چ کافی چنگے تعلیمی ادارے نیں جنہاں چوں کجھ ایہہ نیں :

  • ایوانووا سٹیٹ یونیورسٹی
  • ایوانووا سٹیٹ انرجی یونیورسٹی
  • یاوانووا سٹیٹ کیمیل ٹیکنالوجی یونیورسٹی
  • شویا سٹیٹ پیڈاگوگی (معلمانہ) یونیورسٹی
  • ایوانوا سٹیٹ ٹیکسٹائل اکیڈمی
  • ایوانووا سٹیٹ میڈیکل اکیڈمی
  • ایوانووا سٹیٹ سول تے آرکیٹیکچر یونیورسٹی
  • ایوانووا سٹیٹ زرعی اکیڈمی
  • روسی سٹیٹ ٹریڈ اکنامکس یونیورسٹی دا ایوانووا کیمپس ۔

ہور ویکھو[لکھو]


باہرلے جوڑ[لکھو]



روس دا جھنڈا روس دی انتظامی ونڈ روس دا نشان
وفاقی اکائیاں
لوک راج ادیگیا  · التائی  · باشکیرستان · بریاتیا  · چیچنیا  · چوواشیا  · داغستان  · انگوشتیا  · کباردینو بلکاریہ  · کریلیا  · خاکاسیا · کومی · کلمیکیا  · کراچاۓ چرکیسیا  · ماری ال · موردوویا · اتلا اوسیتیا  · یاکوتیا(ساخا) · تاتارستان  · تووا  · ادمرتیا
کرائیاں التائی کرائی  · خبارووسک کرائی  · کراسنودر کرائی  · کراسنویارسک کرائی  · پریمورسکی کرائی  · ستاوروپول کرائی  · پرم کرائی  · کمچاتکا کرائی  · زابیکالسکی کرائی
اوبلاست آمور اوبلاست  · آرخانگلسک اوبلاست · استراخان اوبلاست  · بلگورد اوبلاست · بریانسک اوبلاست  · چیلیابنسک اوبلاست  · ارکتسک اوبلاست  · ایوانووا اوبلاست  · کلینن گراد اوبلاست  · کلوگا اوبلاست  · کیمیروو اوبلاست  · کیروو اوبلاست  · کوستراما اوبلاست  · کورسک اوبلاست  · لینن گراد اوبلاست  · لپتسک اوبلاست  · ماگادان اوبلاست  · ماسکو اوبلاست  · مورمنسک اوبلاست  · نیژنی نووگورد اوبلاست  · نووگورد اوبلاست  · نووسیبیرسک اوبلاست  · اومسک اوبلاست  · اورنبرگ اوبلاست  · اوریول اوبلاست  · پنزا اوبلاست  · پسکوو اوبلاست  · روستوو اوبلاست  · ریازان اوبلاست  · سخالین اوبلاست  · سمارا اوبلاست  · ساراتوو اوبلاست · سمالنسک اوبلاست  · سوردلووسک اوبلاست  · تمبوو اوبلاست  · تومسک اوبلاست  · تویر اوبلاست  · تولا اوبلاست · تیومن اوبلاست · اولیانووسک اوبلاست  · ولادیمیر اوبلاست  · وولگوگراد اوبلاست  · وولوگدا اوبلاست  · ورونژ اوبلاست  · یاروسلاول اوبلاست
وفاقی شہر ماسکو  · سینٹ پیٹرزبرگ
روس دے خودمختار اوبلاست یہودی خودمختار اوبلاست
خود مختار اوکروگ چوکوتکا خودمختار اوکروگ  · خانتی مانسی خودمختار اوکروگ · نینتس خودمختار اوکروگ  · یامالو نینتس خودمختار اوکروگ
خانتی مانسی تے یامالو نینتسٔ تیومن اوبلاست دے تحت نیں تے نینتس خودمختار اوکروگ آرخانگلسک اوبلاست دے تحت اے