ادیگیا

ادیگیا
روس دی وفاقی جمہوریہ
نقشہ	جھنڈا
روس دے نقشے چ ادیگیا
راجگھر	مائیکوپ
بولیاں	روسی ، ادیگے بولی
مذہب	اسلام
حثیت	روس دی خودمختار جمہوریہ
قیام	27 جولائی 1922ء
رقبہ	7،600 مربع کلومیٹر
رقبے دے لحاظ نال روس چ درجہ	80واں
آبادی (2002ء دے مطابق)
آبادی	4،47،109 افراد
روس چ آبادی دے لحاظ نال درجہ	74واں
کثافت آبادی	59 افراد فی کلومیٹر
شہری :	ساڈھے 52 فیصد
دیہی:	ساڈھے 47 فیصد
صدر :	اسلان تخاکوشینوف

جمہوریہ ادیگیا روس دی اک وفاقی اکائی اے ۔ جہڑی کراسنودر کرائی چ واقع اے ۔ اس دا رقبہ 7،600 مربی کلومیٹر اے تے آبادی ساڈھے 4 لکھ اے ۔ اے جمہوریہ دا راجکھر مائیکوپ شہر اے ۔

جغرافیہ

ادیگیا چڑھدے دکھنی یورپ چ کوہ قفقاز دے اتلے اخیرلے حصے چ واقع اے ۔ اس دے اتلے چ میدانی علاقہ تے دکھن چ پہاڑ نیں ۔ اس دے کل رقبے دے 40 فیصد حصے تے جنگلات نیں ۔

• رقبہ:7،600 مربع کلومیٹر

• سرحداں: ادیگیا مکمل طور تے کراسنادر کرائی چ گھیریا (کعیریا) ہویا اے

• سبتوں اچی تھاں:چوگوش پہاڑ (3،238 میٹر)

دریا

دریائے کوبان قفقاز دے علاقے دا اک اہم دریا اے تے جہازرانی دے قابل اے۔ ایہہ ادیگیا تے کراسنادر کرائی دی اتلی سرحد دا کجھ حصہ تشکیل دیندا اے ۔

قدرتی وسائل

جمہویہ قدرتی وسائل نال مالامال اے ، جس چ قدرتی گیس تے معدنی تیل شامل اے ۔ دوجے معدنیات چ سونا ، چاندی ، ٹنگسٹن تے لوہا شامل اے ۔

موسم

ادیگیا چ سردیاں چ جنوری چ اوسط درجا حرارت منفی 5 ڈگری سینٹی گریڈ رہندا اے تے گرمیاں چ جولائی دا اوسط درحہ حرارت 23 ڈگری سینٹی گریڈ رہندا اے ۔

تریح

ادیگے لوک اتلے لہندے قفقاز دے قدیم باسی نیں ، اینہاں نوں 13ویں صدی عیسوی توں گئی وار چرکیسی وی آکھیا جاندا اے ۔

چرکیس (ادیگے) خودمختار اوبلاست ، روسی ایس ایف ایس آر چ ادیگے لوکاں دے اکثریتی علاقے کوبان بحیرہ اسود اوبلاست چ 27 جولائی 1922ء چ قائم کیتا گیا ۔ اوس ویلے اسدا انتظامی مرکز کراسنادر شہر سی ۔ اس دا ناں 24 اگست 1922ء چ بدل کے ادیگے (چرکیس) خودمختار اوبلاست رکھ دتا گیا ۔ اپنے قیام دے پہلے دو سال ایہہ خودمختار صوبہ روسی ایس ایف ایس آر دا حصہ رہیا ، پر 17 اکتوبر 1924ء اسنوں آر ایس ایف ایس آر' (روسی اشتراکی جمہوریہ) چ نویں بنائی گئی اتلا قفقاز کرائی چ شامل کر دتا گیا ۔

روسی لوک راج

 · ادیگیا · ماری ال · کومی · ورونزخ · انگشتیا · چوواشیا · چیچنیا · بریاتیا · باشکیرستان · التائی · کباردینو بلکاریہ · کلمایکیہ · کاراچے چرکیسیا · کریلیا · خاکاسیا · موردوویا · اتلا اوسیتیا · یاکوتیا · ادمرتیا · تاتارستان · تووا