باشکیرستان

باشکیرستان
روس دی وفاقی جمہوریہ
روسی صدر پوتن باشکیرستان دے مذہبی آگوآں نال
باشکیرستان روس دے نقشے چ
جھنڈا	نشان
قومی ترانہ	جمہوریہ باشکیرستان دا قومی ترانہ
سیاسی حثیت
دیس	روس
حثیت	وفاقی جمہوریہ
وفاقی ضلع	وولگا
معاشی علاقہ	یورال
راجگھر	اوفا
سرکاری بولیاں	روسی تے باشکیر بولی
مذہب	اسلام
اعداد و شمار
لوک گنتی	41 لکھ 4 ہزاز 336 افراد
روس چ درجہ بلحاظ آبادی'	7واں
گنجانی	29 لوک فی مربع کلومیٹر
شہری	64 فیصد
دیہی	36 فیصد
رقبہ	1،43،600 مربع کلومیٹر
روس چ درجہ بلحاظ رقبہ'	27واں
قیام	1555ء
ٹائم زون	ییکیترنبرگ ٹائم (یو ٹی سی 5+)
حکومت (اکتوبر 2008ء دے مطابق)
صدر	رستم حمیدوف
قنون ساز ادارہ	ریاستی مجلس ۔ قرولتائی
آئین	جہموریہ باشکیرستان دا آئین
سرکاری ویب سائیٹ	www.bashkortostan.ru

اک باشکیر زنانی روایتی لباس چ

جمہوریا باشکیرستان ، (باشکیر بولی چ باشقورتوستان ریسپوبلیکاہی) روس دی اک وفاقی جمہوریہ اے ۔ باشکیرستان دریائے وولگا تے کوہ یورال دے وجکار واقع اے ۔ اسدا راجگھر اوفا شہر اے ۔

ابتدائی تریخ

اج دے باشکیرستان دی بھوئیں تے پہلی انسانی آبادی ابتدائی پالیولیتھک دور چ ہوئی سی ، پر کانسی دے دور چ ایہہ علاقہ آباد ہویا ۔ جدوں اباشیوو رہتل دے لوک ایتھے آباد ہونا شروع ہوئے ۔ اوہ لوک تانبے دے اوزار ، ہتھیار تے آرائشی شیواں بنان چ مہارت رکھدے سن ۔ ایہہ اوہ پہلے لوک سن جنہاں نے دکھنی یورال چ مستقل آبادیاں قائم کیتیاں ۔ ناں باشکیر پہلا واری 9ویں صدی عیسوی چ جانیا جان لگا ۔

روسی سلطنت چ شمولیت

10ویں صدی عیسوی چ باشکیراں چ اسلام پھیلنا شروع ہویا تے 14ویں صدی عیسوی چ ایہہ علاقے دا اکثریتی مذہب بن گیا ۔ 16ویں صدی عیسوی تک اج دے باشکیرستان دا علاقہ خانان قازان ، خانان سائبیریا تے نگوئے اردو وچکار ونڈیا ہویا سی ۔ اودوں ایتھے رہن آلے قبیلےآں دی قیادت بی (قبائلی سردار) کردے سن ۔ خانان قازان دے روسی زار ایوان گروزنی ہتھوں خاتمے دے بعد 1554ء - 1555ء چ لہندے تے اتلے لہندے باشکیر قبیلے زار کول رضاکارانہ طور تے ماسکوی روس چ شمولیت دی درخواست لے کے پہنچے ۔

16ویں صدی عیسوی دے دوجے ادھ توں ، باشکیرستان دے علاقے نے روسی سلطنت دے حصے دا روپ اختیار کرنا شروع کیتا ۔ 1798ء چ روس دے مسلماناں دی روحانی مجلس قائم کیتی گئی ، جہڑا اشارہ سی کہ روسی حکومت نے باشکیر ، تاتاری تے دوجے [مسلمان|مسلماناں]] دے اسلام نوں منن تے مذہبی رسماں دی ادائگی دے حق تسلیم کر لئے ۔ 1865ء چ اوفا گوبرنیا (گورنوریٹ) دا قیام عمل چ آیا ، جہڑا علاقائی شناخت ول دوجا قدم سی ۔

سویت اقتدار چ

1917ء دے روسی انقلاب دے مگروں 1919ء چ روسی اشتراکی وفاقی سویت جمہوریہ دے اندر باشکیر خودمختار سویت اشتراکی جمہوریہ قائم کیتی گئی ، بعد چ پورا اوفا گورنوریٹ اس نویں جمہوریہ چ شامل کر دتا ۔ سویت دور چ باشکیریہ ، باقی روسی علاقہ وچکار پہلا علاقہ سی ، جسنوں وسیع خودمختار آحتیار دتے گئے سن ۔ باشکیر اے ایس ایس آر دا انتظآمی ڈھانچہ سویت یونین دیاں دوجیاں خودمختار جمہوریاوآں ورگے اصولاں تے مبنی سی ۔

باشکیرستان توں خام معدنی تیل کڈن دا کم 1932ء چ شروع ہویا ۔ 1943ء چ تیل دے وڈے ذخیرے لبھے ۔ دوجی جنگ عظیم دے دوران باشکیرستان سویت یونین دے علاقےآں چون اک اہم علاقہ سی جتھے لہندے روس لیائے گئے کارخانے تے فیکٹریاں لایاں گیاں ۔

سویت یونین دے مگروں

11 اکتوبر 1990ء چ جمہوریہ دی سپریم سویت نے باشکیر اے ایس ایس آر دے اقتدار اعلی دا اعلان کر دتا ۔ 25 فروری 1992ء چ باشکیر اے ایس ایس آر نوں جمہوریہ باشکیرستان دا ناں دے دتا گیا ۔

سیاست

باشکیرستان دی حکومت دا سربراہ صدر ہندا اے ، جس نوں روسی صدر 4 سال لئی نامزد کردا اے ۔

معیشت

جغرافیہ

دریا

باشکیرستان چ 13،000 ہزار توں ودھ دریا نیں ۔ بوہت سارے دریا یورپی روس دے گہرے پانی دے آمد و رفت دے نظام دا حصہ نیں ، جنہاں راہیں بحیرہ قزوین توں بحیرہ اسود تے بحیرہ بالٹک دیاں بندرگاہاں تک جایا چا سکدا اے ۔

حوالے

باہرلے جوڑ

• باشکیرستان دی سرکاری ویب سائیٹ
• باشکیرستان دی حکومتی ویب سائیٹ
• جمہوریہ باشکیرستان دا قومی ترانہ
• باش انفو ، خبر رساں ایجنسی
• جمہوریہ باشکیرستان تے اوفا شہر دیاں انگریزی بولی چ ویب سائیٹاں دے لنک
• باشکیرستان دی روسی سلطنت چ شمولیت دی 450 سالگرہ تے سرکاری ویب سائیٹ
• جمہوریہ باشکیرستان دی باہردے دیاساں نال معاشی تعلقات تے تجارت دی وزارت دی ویب سائیٹ
• باشکیرستان ایکسپورٹ پورٹل

روسی لوک راج

 · ادیگیا · ماری ال · کومی · ورونزخ · انگشتیا · چوواشیا · چیچنیا · بریاتیا · باشکیرستان · التائی · کباردینو بلکاریہ · کلمایکیہ · کاراچے چرکیسیا · کریلیا · خاکاسیا · موردوویا · اتلا اوسیتیا · یاکوتیا · ادمرتیا · تاتارستان · تووا