ایڈلوائیز

Wikipedia توں
جاو: مدد, کھوج
ایڈلوائیز
Leontopodium alpinum detail.jpg
پچھان
دیس: بوٹے
برادری: پھلوالے بوٹے
ٹولی: تارہ پھل
ٹبر: تارہ پھل
جنس: شینہ پنجہ
سائینسی ناں: Leontopodium alpinum

ایڈلوائیز یورپ دا اک مشہور پعاڑی پھل اے ایدا جوڑ تارہ پھل دے ٹبر نال اے تے ایہدی جنس شینہ پنجہ اے۔ اے 2000 تون 2900 میٹر دی انچائی تے ریتلے پتھراں وج ہوندا اے۔ ایڈلوائیز زریلا نہیں ہوندہ تے دیسی دوائیاں وچ سآ تے ٹڈ دے روگاں وچ ورتی دا اے۔ ایدے تے وال ایہنوں پالے تے اوکھی رت توں بچاندے نیں۔ دور پہاڑاں وچ تھوڑا چر رہنوالا ایہ پھل پہاڑاں تے چڑھن، الپس دی سہنپ تے صفائی، تے سویٹزرلینڈ تے آسٹریا تے ہور کغی نشاناں لئی وی ورتیا جاندا اے۔


ناں

ایڈلوائیز ناں جرمن بولی دا شبد اے۔ ایہ دو جرمن شبداں ایڈل + وا‎ئز نال رل کے بنیا اے جیدا مطلب اے ودھیا چٹا۔ ایہدا اک سوئس ناں بلی پیر وی ہے۔ اک پراناں ناں ان پھل وی ہے۔ ایہدی جنس دا ناں شینہ پنجہ اے جیہڑا ایہدے پھل پتیاں دی شیر تے پنجے ورگی بنتر نوں دسدا اے۔ ایہدا سائینسی ناں (Leontopodium) لاطینی اے جیہڑا یونانی توں بنیا اے جیدا مطلب اے شیر دا پنجہ۔


وکھالہ

ایہدے پھل تے پتے تے روں ورگے وال ہوندے نیں. پھل ٹاہنی 3–20 سینٹی میٹر تک لمی جاسکدی اے (پھلواری وچ 40 تک) ۔ پھل تھالی چٹے رنگ وچ دوہرے تارے دا وکھالہ دیندی اے تے ایہ چٹے روں وانگوں لگدی اے۔ ایہدے اندر ایہدے اندر 5 توں 7 تک نکے پیلے رنگے پھلاں دا گچھا ہوندا اے۔ پھل جولائی تے ستمبر وشکار کھڑ دے نیں۔

بچاؤ

ایس بوٹے نوں کئی دیسان وچ بجایا جاریا اے تے سویٹزرلینڈ وچ ایہ 1877 توں بچایا جاریا اے۔


اگائی


ایہدے نویکلے پھل تے چاندی ورگے پھل تھالیاں باہجوں ایہنوں پھلواریاں وچ اگایا جاندا اے تے بوٹے تھوڑا چر ای جیوندے نیں تے بی نال لگائیدے نیں۔

ورتن[لکھو]

  • آسٹریا دے 2 سینٹ دے سکے دے اتے ایڈلوائیز دی فوٹو اے۔
  • اے بلغاریہ دی ٹورسٹ یونین دا نشان اے۔
  • اے سویٹزرلینڈ دی نیشنل ٹورزم آرگنائیزیشن دا نشان وی اے۔
  • آسٹریا چ Edelweiß شراب دی اک ونڈ اے جیدا ناں اس پھل اتے رکھیا گیا اے۔
  • ایڈلوائیز سویٹزرلینڈ دا قومی پھل وی اے۔
  • ایڈلوائیز جرمنی تے آسٹریا دے الپائن کلباں دا لوگو وی اے۔
  • ایڈلوائیز ایئر اک انٹرنیشنل ایئر لائن اے جیڑی سویٹزرلینڈ چ چلدی اے۔ ایدا ناں ایڈلوائیز اے تے ایدا نشان وی ایڈلوائیز اے۔
  • ایڈلوائیز اک 1959 دے گانے دا ناں اے جیڑا کہ آسٹریا دے گلوکاراں روڑجرز تے ہیمرسٹین دی البم The Sound of Music توں لیا گیا اے۔
  • ایڈلوائیز اک گانے گان آلے گروپ دا ناں اے تے اس گروپ دا سب توں مشہور گانا Bring me Edelweiss اے۔
  • ایڈلوائیز جرمن، پولش تے آسٹریا دی الپائن فوجاں دا نشان اے۔
  • ایڈلوائیز اک گروپ دا نشان وی سی جیڑی تیجی ریش چ نازی پارٹی دے خلاف سی۔
  • دوجی وڈی لڑائی چ لفتوافے دا اک یونٹ 51 بمبر ونگ دا ناں ایڈلوائیز ونگ سی۔
  • سویٹزرلینڈ دے جرنلاں دے کندیاں اتے تاریاں دے بجاۓ ایڈلوائیز دے نشان ہوندے نیں۔

بارلے جوڑ[لکھو]