سویٹزرلینڈ

سویٹزرلینڈ
Switzerland
Schweizerische Eidgenossenschaft

چنڈا	نشان
راجگڑھ:	برن
تھاں:	41,284 مربع کلومیٹر
لوک گنتی:	7,700,200
بولیاں:	جرمن فرانسیسی اطالوی
کرنسی:	سوئس فرانک

سویٹزرلینڈ خشکی نال کعریا لیندے یورپ دا اک پہاڑی دیس اے۔ ایدی لوک گنتی 7.7 ملین تے رقبہ 41285 مربع کلومیٹر اے۔ اے اک لوک راج اے جدے وچ 26 نکے دیس جناں نوں کینٹن کیندے نے ہے گے نیں۔ برن ایدا دارلحکومت تے باسل زیورچ تے جنیوا وڈے نگر نے۔ سویٹزرلینڈ دنیا دا اک امیر دیس اے۔

سویٹزرلینڈ دے اتلے پاسے جرمنی لیندے فرانس دکھن چ اٹلی تے چڑدے پاسے آسٹریا تے لیختنشٹاین نیں۔ اے دیس کسے دا سنگی نئیں سویٹزرلینڈ چ 4 بولیاں جرمن فرانسیسی اطالوی تے رومینس بولیاں جاندیاں نیں۔

سویٹزرلینڈ چاکلیٹ، پنیر بنکنک پربندھ کعڑیاں تے پعاڑاں لئی مشہور اے۔

[لکھو] تریخ

1291 ج اری شوائز تے انٹروالڈن دیاں تھانواں نے اپن آپ نون آسٹریا توں اپنے آپ نوں وکھرا کرن لئی اک گٹھ جور کیتا۔ 1315 چ ایس گٹھ دی آسٹریا نال لڑائی ہوئی تے ایس جث نوں جت ہوئی۔ ہولی ہولی ایس جث نال ہور پاسے رلدے گۓ۔ 1648 دے ویسٹ فالیہ معاہدے چ یورپ دے سارے دیساں نیں سوئٹزر لینڈ دی ازادی نون منیا۔ 1798 چ فرانس نے سوئٹزر لینڈ تے ہلہ بول دتا پر 1815 سوٹزر لینڈ فیر ازاد ہوگیا تے سوثزر لینڈ نے اپنے نیوٹرل ہون دی دس دتی۔ پہلی تے دوجی وڈی لڑائی توں سوٹزر لینڈ وکھرا ریا۔ 1847 چ ایتھے اک نکی سول وار ہوئی جینے سوئس لوکاں نوں اک جٹ ہون ول موڈدتا۔ سویٹزرلینڈ والیاں نے امریکی ادھارن تے اک وفاقی آئین بنایا جیدے وچ کینٹنان نوں چوکھے حق ملے سن۔ سوئس پارلیمنٹ دو انکاں نال رل کے بندی اے۔ 1850 چ سوس فرانک سویٹزرلینڈ دی اک کرنسی بن گئی۔ ناپ تول دا وی اک پربندھ لاگو کیتا گیا۔ دونان وڈیاں لڑائیاں چ سویٹزرلینڈ تے کسے دیس نے ہلہ ناں بولیا۔ سویٹزرلینڈ لیگ آف نیشنز دا سنگی تے بنیا پر ایس شرط تے جے اوہ کسے لڑائی چ نیں جاؤگا۔ سوئس زنانیاں نوں ووٹ دا حق کینٹن وچ 1959 ج تے وفاق چ 1971 چ لبیا۔ 1963 چ سویٹزرلینڈ کونسل آف یورپ دا سنگی بنیا تے 2002 چ سویٹزرلینڈ یونائیٹڈ نیشنز دا سنگی بنیا۔ 2005 چ سویٹزرلینڈ شنجن ٹریٹی چ رل گیا۔

[لکھو] لوک

سویٹزرلینڈ چ 75 لکھ دے نیڑے لوک نیں تے ایناں جوں 64٪ لوکاں دی پہلی بولی جرمن اے۔ جرمن دیس دے اتلے تے وشکارلے پاسیاں چ ریندے نیں۔19٪ لوکاں دی بولی فرانسیسی اے حیڑے دیے دے لیندے پاسے ریندے نیں۔ 8٪ لوک اطالوی بولدے نین تے اے دیس دے دکھن چ وسدے نیں۔1% لوک رومانوی بولدے نیں جیڑے دیس دے دکھن جڑھدے ول ریندے نیں۔سویٹزرلینڈ دے 22٪ لوک بدیسی نیں تے ایتھے او کم کاج لئی آۓ نیں۔ سویٹزرلینڈ دے بعوتے لوک سعائی نیں تے 43٪ لوک کیتھولک نیں۔ 35٪ پروٹسٹنٹ نیں۔ 4.5٪ مسلمان نیں تے 2٪ ارتھوڈکس نیں۔