آسٹریا

Wikipedia توں
جاو: مدد, کھوج
آسٹریا
Republic of Austria
Republik Österreich
Flag of Austria.svg
Austria Bundesadler.svg
چنڈا
نشان
راجگڑھ: ویآنا
تھاں: 83,855 مربع کلومیٹر
لوک گنتی: 8,404,252
کرنسی: یورو
بولی: جرمن
EU-Austria.svg
Oesterreich topo.png

آسٹریا وشکارلے یورپ دا سمندر توں پرے اک دیس اے ، جس دی لوک گنتی 83 لکھ دے نیڑے اے ۔ اسدیاں ولگناں اتر چ جرمنی تے چیک لوک راج، چڑھدے چ ہنگری تے سلواکیا ، لیندے چ سویٹزرلینڈ تے لیختنشٹاین تے دکھن چ اٹلی تے سلوینیا نال ملدیاں نیں ۔ آسٹریا دا رقبہ 83872 مربع کلومیٹر اے تے زیادہ تر علاقہ کوہ الپس دی موجودگی دی وجہ توں پہاڑی اے ، صرف 32 فیصد رقبہ سطح سمندر توں 500 میٹر توں گھٹ بلندی تے اے ۔ بلند ترین چوٹی 3797 میٹر بلند اے ۔ آبادی دی اکثریت تقریبا 90 فیصد لوک جرمن نسل نال تعلق رکھدے نین ۔ تے جرمن زبان بولدے نیں ۔ آسٹریا دی سرکاری بولی وی جرمن اے ۔

ناں[لکھو]

آسٹریا ناں جینوں جرمن چ اوسٹریش (Österreich) کیندے نیں اے پرانے اتلے جرمن بول (Ostarrîchi) توں بنیا اے جیدا مطلب اے چڑھدے پاسے دا دیس تے آسٹریا دوجے جرمن بولن والے دیساں چ چڑھدے پاسے چ اے۔ ایدا لاطینی بولی دے بول (auster) نال کوئی جوڑ نیں جیدا مطللب اے دکھنی تے جیدے توں بول آسٹریلیا بنیا اے۔ اے بول پہلی واری 996 چ ورتیا گیا۔

تریخ[لکھو]

آسٹریا دے تھانواں نوں 15 قبل مسیح چ رومی سلطنت نے فتح کیتا ، اوس ویلے ایتھے اک کیلٹک ریاست "نوریکم" قائم سی ۔ بعد چ پہلی صدی عیسوی چ آسٹریا رومی سلطنت دا اک صوبہ بن گئیا ۔ 786ء چ مقدس رومی سلطنت دے فرینک بادشاہ شارلیمان نے اس علاقے نوں فتح کیتا تے عیسائیت نوں متعارف کروائیا ۔آسٹریا دیاں سلطنت عٹمانیہ نال کئی ۂرائیاں ہویاں۔ دو واری عثمانی فوجاں نے آسٹریا دے راجگڑھ ویآنا دا کعیرا پایا پر ایدے تے مل نا مار سکیا۔ اگلے ویلیاں چ آسٹریا ترکاں نوں پچھے تکن تے اوناں دیاں تھاواں تے مل مارن چ وی جت دا ریا۔انیویں صدی دے ٹرن تے آسٹریا نوں فرانس دے نیپولین ہتھوں کنی واری ہار دا منہ ویکھنا پیا۔فرانس نوں ہراں مگروں آسٹریا یورپ دیان پنج وڈیاں طاقتاں چ منیا جاندا سی تے ای دنیا دی منی پرمنی طاقت سی۔ 1866 چ آسٹریا نوں پرشیا ہتھوں اک وڈی ہار ہوئی جیدے نتارے تے آسٹریا نوں جرمنی دے معاملیاں توں بار نکلنا پیا۔ 1867ء آسٹریائی سلطنت نے ہنگری دی سلطنت نال مل کے آسٹریا-ہنگری اتحاد نوں تشکیل دتا جہڑا 1918ء تک قائم رہیا۔

1914 نوں سراجیوو چ آسٹریا دے آرچڈیوک فرانز فرڈیننڈ نوں سربیا دے اک بندے نیں مار دتا۔ ایس گل تے آسٹریا نے سربیا نال لڑائی چھیڑدتی۔ سربیا نال روس رلگیا اینج اے لڑائی پہلی وڈی لڑائی چ پلٹ گئی۔ ایس لڑائی دے نتارے چ سلطنت آسٹریا ہنگری ٹٹ گئی۔ ایس لڑائی چ سلطنت آسٹریا ہنگری دے دس لکھ دے نیڑے لوک مارے گۓ۔ 21 اکتوبر 1918 نوں شائی آسٹریا دے پارلیمنٹ دے جرمن سنگی کٹھے ہوۓ تے اوناں نین 30 اکتوبر نوں جرمن اسٹریا دی نیو رکھی۔ اینان نیں اٹلی نال ہون والی صلح بارے آسٹریا دے شہنشاہ دی گل ناں منی تے آسٹریا چ لوک راج دی مانگ کیتی۔ 12 نومبر نوں آسٹریا اک نواں دیس بن گیا۔ پر سلطنت دے ٹٹن نال 30 لکھ دے نیڑے جرمن آسٹرین آسٹریا توں بار دوجے دیساں چ رہ گۓ۔ جرمن آسٹریا جرمنی نال رلنا چاندا سی پر بار دیاں طاقتاں نیں آسٹریا دی گل ناں منی نال ای آسٹریا تے زور پایا جے اوہ اپنے ناں نالوں جرمن دا بول ہٹادیوے۔ تے اینج 1919 دے انت تک اے لوک راج آسٹریا بن گیا۔

لڑائی دے مگروں آسٹریا دی کرنسی دا مل ڈگ پیا لیگ آف نیشنز نوں اگے ود کے ایدا ہتھ وٹانا پیا۔ کرنسی دا ناں کرون توں پلٹ کے شلنگ رکھ دتا گیا۔

12 مارچ 1938 نوں جرمن فوج نیں آسٹریا تے مل مار لیا تے اینج آسٹریا جرمنی نال جڑ گیا۔ اپریل چ آسٹریا دے لوکاں نیں چوناں چ جرمنی نال جرمنی نال جوڑ چ ہاں کر دتی۔ دوجی وڈی لڑائی چ آسٹریا دے 260000 دے نیڑے بندے مارے گۓ۔ آسٹریا نوں چار وڈیاں طاقتاں نیں آپس چ ونڈ لیا۔ 26 اکتوبر 1955 نوں ـسٹریا توں سارے بار دے فوجی ٹر گۓ آسٹریا ازاد ہوگیا تے اینے اپنے نیوٹرل ہون دی دس دتی۔ 1995 چ اسٹریا یوپی جٹ دا سنگی بنیا۔

آسٹریا اک پارلیمانی لوک راج اے تے 9 صوبیاں تے مشتمل اے ۔ ایہہ اوہناں 6 یورپی ملکاں چوں اک اے جنہاں نے مستقل طور تے غیرجانبدار رہن دا اعلان کیتا ہوئیا اے ۔ اسدا راجگھر ویانا اے جسدی آبادی 16 لکھ اے ۔ آسٹریا دنیا دے امیر ترین ملکاں چوں اک اے اسدی فی کس آمدنی 50098 ڈالر اے ۔ ملک چ لوکاں دا میعار زندگی بہت بلند اے تے 2006ء اسدا انسانی ترقی دا اعشاریہ دنیا چ 14ویں نمبر تے سی ۔ آسٹریا 1955ء چ اقوام متحدہ تے 1995ء یورپی یونین دا رکن بنیا ۔ آسٹریا 1999ء توں یورپی یونین دی کرنسی "یورو" استعمال کر رہیا اے۔

سیاست[لکھو]

آسٹریا دی پارلیمنٹ ویآنا چ بیٹھدی اے۔ ایدے دو انگ نیں۔ آسٹریا دا صدر سدے سدے ووٹاں نال چنیا جاندا اے۔ سرکار نوں فیڈرل چانسلر چلاندا اے جینوں صدر چندا اے۔

مذہب[لکھو]

20ویں صدی دے انت تے آسٹریا دی 74٪ لوک رومن کیتھولک سن تے 5٪ لوکاں نیں اپنے آپ نوں پروٹسٹنٹ گنوایا۔ آسٹریا دے سعائیاں نوں اپنی آمدنی دا 1٪ گرجے نوں لازمی دینا پیندا اے۔ 12٪ لوکاں نیں کیا جے اوہ کسے مذہب نوں نیں مندے۔ آسٹریا چ 340000 دے نیڑے لوک مسلمان نیں۔ 180000 دے نیڑے آرتھوڈکس نیں۔ چوکھے سارے یہودی دوسری وڈی لڑائی چ دیس توں نس گۓ تے ہزاراں نوں ہولوکاسٹ چ مار دتا گیا۔ 1983 چ بدھ مت نوں وی اک مت لي منیا گیا۔ 1912 چ اسلام نون وی سرکاری طور تے اک مذہب منیا گیا جدوں 1908 چ بوسنیا ہرزیگوینیا تے آسٹریا نے مل ماریا۔ دوجی وڈی لڑائی دے مگرون سختی نال سیکولرزم نوں چلیا گیا تے کسی مذہب نوں کوئی خاص رعایت نیں دتی گئی۔

فوج[لکھو]

آسٹریا دے ہر جنے نوں جدوں اوہ 18 وریاں دا ہوندا اے تے اونوں کج معینیان دی لزمی فوجی سکھلائی کرنی پیندی اے۔ اسٹریا دی فوج چ 45000 فوجی نیں۔

جغرافیہ[لکھو]

آسٹریا الپس دے پعاڑی سلسلے چ ہون باجوں اک پعاڑی دیس اے۔ ایدا صرف چوتھا پاسہ میدانی اے 32٪ تھاں 500 میٹر توں تھلے اے۔ آسٹریا نوں 5 انگاں چ ونڈیا جاسکدا اے۔ چڑھدے الپس آسٹریا دا 62٪ نیں۔ آسٹریا دے 6 پعاڑ 11700 فٹ توں اچے نیں۔

ایکانومی[لکھو]

آسٹریا دنیا دا 12 واں امیر دیس اے۔ آسٹریا اک کارخانیاں دا دیس اے پر اے ٹرن پھرن لئ وی دنیا چ اگے اے۔ کاروبار چ جرمنی آسٹریا دا وڈا سنگی اے۔ یورپی جٹ دا سنگی ہون تے آسٹریا دے دوجے دیساں نال وی کاروباری جوڑ ہے نیں۔ آسٹریا چ 1 جنوری 2002 نوں یورو ورتیا گیا۔ آسٹریا اینج یوروزون چ آندا اے۔

لوک[لکھو]

جنوری 2009 نوں آسٹریا دی گنتی 8,356,707 سی۔ راجگڑھ ویآنا دی گنتی 16 لکھ توں ود اے۔ وی آنا دیس دا سب توں وڈا نگر اے ایس دے مکروں گراز اندا اے جیدی گنتی 250,099 اے۔ لنز سالزبرگ تے اننزبرک ایس دے مگروں آندے نیں۔

بولی[لکھو]

جرمن اسٹریا دی سرکاری بولی اے تے اے 88٪ توں ود لوکاں دی بولی اے۔ ایس دے مکروں ترک آندی اے۔

تریخ[لکھو]



Burgenland Landesflagge.PNG برگنلینڈ · Flag of Carinthia (state).svg کارنتھیا · Flag of Lower Austria.svg تھلواں آسٹریا ·
Tirol Dienstflagge (Variation).png ٹیرول · Flag of Vorarlberg (state).svg وورےرلبرگ · Flag of Wien.svg ویآنا · Flag of Styria (state).svg سٹیریا · Flag of Salzburg (state).svg سالزبرگ · Flag of Upper Austria (state).svg اتلا آسٹریا ·