جکارتہ

Wikipedia توں
جاو: مدد, کھوج
جکارتہ
Jakarta Skyline (Resize).jpg
Nusantarapolo.jpg
رقبہ: 991 مربع کلومیٹر
لوک گنتی: 328580
بولی: بھاشا انڈونیشیا

جکارتہ انڈونیشیا دا سب توں وڈا شہر تے راجگھر اے ۔ جزیرہ جاوا دے شمال مغربی ساحلاں تے واقع شہر جکارتہ 662 مربع کلومیٹر تے پھیلیا ہوئیا اے ، اسدی آبادی 2006ء دے مطابق 88 لکھ دے قریب اے ۔ جکارتہ شہر پچھلے 490 سالاں توں آباد چلیا آ رہیا اے تے اس وقت دنیا دا 9ویں گنجان آباد ترین شہر اے ، جتھے 4488283 افراد فی مربع میل رہندے نیں ۔


تریخ[لکھو]

تریخ چ جکارتہ دا پہلا نشان چوتھی صدی عیسوی چ اک ہندو آبادی دی حثیت نال ملدا اے ۔ 14ویں صدی عیسوی چ ایہہ ہندو سلطنت سنڈا دی اک اہم بندرگاہ سی ۔

سنہ 1513ء چ پہلا یورپی بحری بیڑہ ایتھے پہنچیا جہڑا کہ 4 پرتگیزی جہازراناں تے مشتمل سی ۔ سنڈا دی سلطنت نے وسطی جاوا دی مسلم سلطنت دیماک دے خلاف پرتگیزیاں نوں چی آياں نوں آکھیا تے اوہناں نوں گودام تے قلعے بنان دی اجازت دے دتی ۔ 1557ء چ مسلم سلطنت دیماک دے مسلماناں نے فتح اللہ دی قیادت چ سنڈا دی ریاست دے خلاف جنگ چھیڑ دتی تے سنڈا دے حکمران پرتگیزی بیڑے دے انتظار چ رہے ، جدان کہ دوناں دے وچکار معاہدہ ہوئیا سی پر پرتگیزی بیڑہ نا آئیا تے فتح اللہ دیاں فوجاں نے 22 جون 1557ء نوں جکارتہ نوں فتح کرلئیا تے فتح اللہ نے شہر دا ناں سنڈا کلاپا توں بدل کے " جے کارتہ" یعنی مکمل فتح رکھ دتا ۔

مورت نگری[لکھو]