مسقط

آزاد انسائیکلوپیڈیا، وکیپیڈیا توں

مسقط عمان دا راجگڑھ تے سبھ توں وڈا شہر اے ۔ 2005ء دے اعداد و شمار دے مطابق شہر دی آبادی 6 لکھ 50 ہزار اے ۔ مسقط 6 ولایتاں چ ونڈیا ہویا اے ۔

تریخ[سودھو]

مسقط لہندے ایشیا دے پراݨے شہران وچوں اک اے۔ ایہدے تریخی حوالے دوجی صدی عیسوی چ ملدے نیں ، جدوں ایہ روم (رومی سلطنت) تے چڑھدے وچکار تجارت دا مرکز سی ۔

مشہور جہاز راں واسکو ڈے گاما ہندستان دے سفر دے دوران ایتھے آیا سی۔ 1507ء چ پرتگیزیاں نے شہر تے مَل مار لیا ۔ 1649ء چ امام سلطان بن یوسف نے پرتگیزیاں نوں شکست دے کے مسقط چوں کڈھ دتاا۔

پرتگیزیاں نوں شکست دیݨ مگروں سلطان نے سمندری بیڑے راہیں زنجبار توں گوادر تک اک وڈی سلطنت قائم کیتی۔ ایہ سلطنت اومان تے مسقط دا سنہرا دور سی۔

1679ء چ امام سلطان دے مرن مگروں سلطنت مسائل دا شکار ہو گئی۔ 1737ء چ فارسیاں نے جارحیت کیتی تے بالآخر شکست کھادی ۔


1803ء چ سعودی عرب دے وہابیاں نے اومان اتے حملہ کیتا۔ جیہنوں سید سعید بن سلطان نے ناکام بنا دتا۔ 1853ء چ سلطان نے راجگڑھ اومان توں زنجبار منتقل کر دتا۔ ایہدے نال ای مسقط تے اومان دا زوال شروع ہو گیا۔

1913ء چ سلطان تیمور بن فیصل سلطان بݨیا تے علاقے نوں مسقط تے اومان دا ناں دتا۔ 1947ء چ ہندستان دی ونڈ مگروں سلطان نے برطانیہ دی مدد نال امام نوں شکست دتی تے اومان نوں اکٹھا کر دتا۔


باہرلے جوڑ[سودھو]

ایشیائی دیساں دے راجگڑھ خطے دے حساب نال
چڑھدا ایشیا
دکھنی ایشیا
وشکارلا ایشیا
دکھن چڑھدا ایشیا
لہندا ایشیا