ددپتر

ددپتر
Dandelion

پچھان
سائنسی ناں:	Taraxacum officinale
دیس :	گلے گرم تھاں
پھلاں دی رت	بسنت

ددپتر (Dandelion) اسٹریشیا ٹبر دی اک ہر ورے بسنت چ ہون والی جنگلی بوٹی اے۔ ایدا پھل پیلے رنگ دا ہوندا اے۔ اے اپنے آپ ہون والی بوٹی دے پتے لمے تے زمین تے بچھے ہوندے نیں تے اپر وی اٹھے ہوندے نیں۔ پتیاں چ کٹ لگے ہوندے نیں اے بوٹی کج گرم تے وتر والیاں تھاواں تے کھلیاں ویڑیاں، سڑکاں دے کنڈیاں تے تے خالی تھاواں تے اگدی اے۔

[لکھو] ناں

پنجابی چ اینوں ددپتر کیندے نیں۔ ایدا اے ناں اینج پیا جے ایدے پتر نوں اگر توڑو تے اودے چوں دد نکلدا اے۔ جرمن چ اینوں (Loewenzahn) کیندے نیں یعنی شیر دے دند۔ ایدے پتراں تے لگے کٹ شیر دے دنداں ورگے اوندے نیں۔ انگریزی ناں ڈنڈیلین وی دند توں بنیا۔

اے چترال وچ وی پایا جاندا اے، کھوار بولی وچ اینوں پھووو کیندے نیں