عماد الدین زنگی

Wikipedia توں
جاؤ: پاندھ, کھوج
عماد الدین زنگی
عمادالدین اتابک زنگی ملک المنصور
موصل دا اتابک
راج ویلہ 1127–1146
تاج پوشی 1127, موصل
پورا ناں عمادالدین اتابک زنگی ملک المنصور
پیشرو محمود II سلجوقی
جانشین سیف الدین غازی I
ٹبر زنگی ٹبر
پیؤ آق سنقر الحاجب


عماد الدین زنگی سلجوق سلطنت ولوں موصل دا حاکم سی ۔ جدوں سلجوقی حکومت کمزور ہو گئی تے اس نے زنگی سلطنت قائم کر لئی تے عیسائیاں نوں شکستاں تے شکستاں دے کے انہاں دی چراں توں اک صلیبی ریاست اڈیسا دا خاتمہ کر دتا جہڑی صلیباں نے پہلی صلیبی جنگ دے بعد قائم کیتی سی ، ختم ہون آلی اس ریاست دا صدر مقام الرہا سی جسنوں اج کل اورفا آکھئیا جانداا ے تے ایہہ نکے ایشیاء ( ایشیائے کوچک) چ واقع اے ۔

پہلی صلیبی جنگ دے مگروں بیت المقدس تے فلسطین دے کئی علاقےآں تے عیسائیاں دا قبضہ ہوگئیا سی تے بیت المقدس عیسا‏یاں تے یہودیاں وانگوں مسلماناں لئی وی بوہت مقدس تھاں اے تے مسلماناں دا قبلہ اول وی اے ۔ ایتھے موجود مسجد اقصی جتھوں حضرت محمد صلی اللہ علیہ و آلہ و سلم صلی اللہ علیہ و آلہ و سلم معراج دے سفر تے گے نیں وی مسلماناں تیجی مقدس تھاں اے ۔ اس لئی مسلماناں لئی ایہہ ممکن نئیں سی کہ اوہ فلسطین تے عیسائیاں دا قبضہ گوارا کر لیندے مسلماناں نے عیسائیاں دا مقابلہ کرن دی کوشش کیتی ۔ جنہاں لوکاں نے عیسائیاں نال مقابلے چ ناں کڈھئیا اوہناں چوں عمادالدین زنگی پہلا مشہور بندا سی ۔


پہلا جیون[لکھو]

عماد الدین 1085ء چ قاسم الدولہ ابو سعید دے گھر جمئیا جہڑا سلجوقی سلطان ملک شاہ اول دی حکومت چ حلب دا گورنر سی ۔ 1094ء چ بغاوت دے الزام چ اس دے پیؤ دا سر لاہ دتا گئیا جس دے مگروں عماد الدین موصل دے گورنر دے گھر پلئیا ۔ عماد 1127ء چ موصل تے 1128ء چ حلب دا اتابق بنئیا تے دوناں شہراں نوں اپنے اقتدار چ لے آئیا ۔


کارنامے[لکھو]

عماد الدین زنگی دا سب توں وڈا کارنامہ 1144ء چ صلیبی ریاست اڈیسا دا خاتمہ سی ۔ زنگی نے 24 دسمبر 1144ء چ اس تے قبضہ کر لئیا ۔ اڈیسا دا خاتمہ دوجی صلیبی جنگ دی وجہ بنئیا ۔

انتقال[لکھو]

دمشق فتح کرن دی کوششاں دے دوران 1146ء چ اک فرانسیسی غلام نے عماد الدین نوں قتل کر دتا ۔ عماد الدین زنگی سلطنت دا بانی سی ۔ اس دے مرن دے بعد اسدا وڈا پتر سیف الدین غازی موصل چ تے دوجا پتر نورالدین زنگی حلب چ اس دے جانشین بنے ۔

شاہی القاب
پیشرو
محمود II سلجوقی
ہمدان دا سلطان
موصل دا امیر
1127–1146
جانشین
سیف الدین غازی I

حوالے[لکھو]

Template:Ibid

  • Amin Maalouf, The Crusades Through Arab Eyes, 1985
  • Steven Runciman, A History of the Crusades, vol. II: The Kingdom of Jerusalem. Cambridge University Press, 1952.
  • The Damascus Chronicle of the Crusades, Extracted and Translated from the Chronicle of Ibn al-Qalanisi. H.A.R. Gibb, 1932 (reprint, Dover Publications, 2002).
  • William of Tyre, A History of Deeds Done Beyond the Sea, trans. E.A. Babcock and A.C. Krey. Columbia University Press, 1943.
  • An Arab-Syrian Gentleman and Warrior in the Period of the Crusades; Memoirs of Usamah ibn-Munqidh (Kitab al i'tibar), trans. Philip K. Hitti. New York, 1929.
  • The Second Crusade Scope and Consequences Edited by Jonathan Phillips & Martin Hoch, 2001.
  • The Chronicle of Michael the Syrian - (Khtobo D-Makethbonuth Zabne) (finished 1193-1195)