چیانگ کائی شیک

Wikipedia توں
جاو: مدد, کھوج

جنم:1887ء

انتقال:1975ء

چیانگ کائی شیک

قوم پرست چینی لیڈر ۔ جاپان دی فوجی اکیڈمی توں ڈگری حاصل کیتی اور کجھ چر جاپان دی فوج چ ملازمت کیتی ۔ 1911ء دے انقلاب چ معمولی خدمات انجام دتیاں ۔ 1913ء چ یون شہ کائی دی حکومت دا تختہ الٹن چ سرگرم حصہ لئیا ۔ 1917 ء چ سن یات سین نے کانٹن حکومت قائم کیتی تے چیانگ نے اسدی فوجی مدد کیتی ۔ 1923ء چ سن یات سین نے اسنوں روس توں امداد لین لئی ماسکو بھیجئیا ۔ واپسی تے ایہہ فوجی اکیڈیمی دا کمانڈنٹ مقرر ہوئیا ۔ سن یات سین دے مرن مگروں اسنوں اہمیت ملی ۔

1926ء چ اسدی فوج نے ہنکو ، شنگھائی تے نانکنگ تے مل مار لئیا ۔ اس نے سین دی پالیسی تے چل کے کیمونسٹاں نال تعاون کرکے روس تون امداد لئی ۔ 1927ء چ اسدی پالیسی چ ڈرامائی تبدیلی آ گئی تے کومنتاننگ تے کیمونسٹاں چ طویل خانہ جنگی شروع ہوگئی ۔

1928ء چ اوہ نانکنگ چ قومی حکومت دا سربراہ بن گئیا ۔ 1936ء چ اسنوں اغوا کر کے مجبور کیتا گئیا کہ اوہ جاپان دے خلاف جنگ دا اعلان کرے تے کومنتانگ حکومت چ کیمونسٹاں نوں شامل کرے ۔ جدوں جاپان نے نانکنگ تے ہنکوتے قبضہ کر لئیا تے اسنے اپنا صدر مقام چنگ کنگ بنا لئیا ۔ دوجی جنگ عظیم چ چیانگ اک اہم شخصیت سی ۔ 1943ء چ قاہرہ چ صدر روزویلٹ تے چرچل وچکار کانفرنس ہوئی تے چیانگ نے وی اس چ شرکت کیتی ۔ جنگ دے خاتمے تے چین چ خانہ جنگی شروع ہوگئی ، 1948ء چ چیانگ چین دا پہلا آئینی صدر منتخب ہوئیا ۔ 1950ء چ کیمونسٹاں نے ماؤزے تنگ دی زیر قیادت چیانگ دیاں فوجاں نوں شکست دتی تے اس نے امریکہ دی مدد نال فارموسا (تائیوان) چ اپنی حکومت قائم کر لئی۔