چینا مچھی مار

آزاد انسائیکلوپیڈیا، وکیپیڈیا توں
چینا مچھی مار
دیس: جنور
برادری: کورڈیٹ
ٹولی: پنچھی
پتی: مچھی مار
ٹبر : سیریلیڈا
سائینسی ناں: Ceryle rudis
آنڈے

چینا مچھی مار سیریلیڈا دے ٹبر دا اک مچھی مار اے۔ ایہ افریقہ تے ایشیاء دا واسی اے۔

وکھالہ[سودھو]

ایہ 17 سینٹی میٹر لما ہوندا اے۔ ایہدے کالے چٹے پر، کلغی تے پانی اتے کھلو کے اڈن تے فیر پانی وج جبھی مارن دا ول ایہنوں دوجیاں توں وکھرا کردا اے۔ نر دی چھاتی تے دوہری پٹی ہوندی اے جد کے مادھ تے اک تے ٹٹی ہوئی۔ ایہدے چینے پراں توں ایہنوں چینا ناں رکھیا گیا اے۔ ایہ جوڑے یا ٹولی وچ ریندا اے تے کسے اچی وکھری تھاں تے بیٹھا سر تے پوچھل ہلاندا ریندا اے۔

پسار[سودھو]

ایہ تھلویں صحرائی افریقہ توں لے کے ترکی، پاکستان، ہندستان تے چین تک پھیلیا ہویا اے۔ اپنے تھاں توں ایہ گھٹ ای پرے باندا اے۔


مچھی پھڑن ول

ویہار[سودھو]

ایہ مچھیاں دا شکاری اے۔ پانی اتے ایہ اک تھاں تے اڈدا ریندا اے تے شکار لبدا اے، لبھن تے پانی وچ جھال ماردا اے تے چنج پہلے پانی وچ جاندی اے۔ ایہ رل مل کے رہنوالا مچھی مار اے۔ فروری توں اپریل نسل ودھائی دا ویلہ اے۔ ایہدا آلنہ پانی توں 5 فٹ اتے مٹی وچ 5 فٹ لما مگورا ہوندا اے جیدے انت تے کھلی تھاں ہوندی اے۔ اک تھاں تے کئی پنچھیاں نے مگورے بناۓ ہوندے نیں۔ ایہ 3–6 تک آنڈے دیندے نیں۔

بارلے جوڑ[سودھو]