ابراہیم خان دوم
ابراہیم خان دؤم (وفات: 1713ء) صوبیدار بنگال صوبہ سی۔ اوہ نواب علی مردان خان دا فرزند سی۔ مغل شہنشاہ اورنگزیب عالمگیر دے عہد دا بنگال صوبہ دا آخری صوبیدار سی۔
سوانح[سودھو]
ابراہیم خان نواب علی مردان خان دا وڈا بیٹا سی۔ بنگال صوبہ دی تقرری توں پہلے اُسنوں لاہور، کشمیر تے بہار دی نظامت سپرد کیتی گئی سی۔ ابراہیم خان دا اک بیٹا زبردست خان ناں دا سی۔
عہدِ نظامت[سودھو]
اولاً 1654ء وچ ابراہیم خان مغل شہنشاہ شاہ جہاں دے دربار وچ دیوان دے عہدے اُتے فائز ہویا سی۔ دیوان دا عہدہ تا دمِ مرگ قائم رہیا۔ 1689ء وچ مغل شہنشاہ اورنگزیب عالمگیر نے ابراہیم خان نوں لاہور، کشمیر تے بہار دا صوبیدار مقرر کیتا۔ اُس دے عہدِ نظامت وچ انگریز تاجراں نے بنگال صوبہ وچ متعدد شاہی فرامین حاصل کیتے تاکہ تجارتی راستے ہموار ہوسکاں۔ 1695ء/1696ء وچ اُس نے چندراکونا زمیندار تے شوبھا سنگھ دی بغاوتاں نوں کچل ڈالا۔ 1697ء وچ اورنگزیب عالمگیر نے بنگال صوبہ دی عملداری توں معزول کر دے ہوئے اپنے پوتے عظیم الشان نوں صوبیدار مقرر کر دتا۔[۱]
آخری ویلہ[سودھو]
1707ء وچ مغل شہنشاہ اورنگزیب عالمگیر دی وفات دے بعد مغلیہ سلطنت انتشار تے زوال دا شکار ہوئی تے بالآخر 1713ء وچ فرخ سیر مغل شہنشاہ بن گیا۔ ابراہیم خان بدستور دیوان دے عہدے اُتے فائز سی لیکن فرخ سیر دے حکم توں ابراہیم خان نوں قتل کر دتا گیا۔
ہور ویکھو[سودھو]
حوالے[سودھو]
- ↑ Jamal, Ahmed A. Banglapedia: National Encyclopedia of Bangladesh (Second ed.). Asiatic Society of Bangladesh.
| پیشرو خان جہاں بہادر |
صوبیدار بنگال صوبہ 1689ء – 1697ء |
جانشین عظیم الشان |