امارت سسلی

آزاد انسائیکلوپیڈیا، وکیپیڈیا توں
(امارت صقلیہ توں مڑجوڑ)
امارت سسلی
سانچہ:نام صفحہ
سانچہ:نام صفحہ
پرچم

 

رقبہ تے آبادی
متناسقات 37°38′33″N 14°11′34″E / 37.6425°N 14.1928°E / 37.6425; 14.1928  ویکی ڈیٹا اُتے (P625) د‏‏ی خاصیت وچ تبدیلی کرن
راجگڑھ پلرمو  ویکی ڈیٹا اُتے (P36) د‏‏ی خاصیت وچ تبدیلی کرن
سرکاری زبان صقلی عربی  ویکی ڈیٹا اُتے (P37) د‏‏ی خاصیت وچ تبدیلی کرن
حکمران
طرز حکمرانی بادشآئی  ویکی ڈیٹا اُتے (P122) د‏‏ی خاصیت وچ تبدیلی کرن
قسم امارت،  سابقہ ملک  ویکی ڈیٹا اُتے (P31) د‏‏ی خاصیت وچ تبدیلی کرن
قیام تے اقتدار
تاریخ
یوم تاسیس ۰۸۳۱  ویکی ڈیٹا اُتے (P571) د‏‏ی خاصیت وچ تبدیلی کرن
خاتمہ ۱۰۷۲  ویکی ڈیٹا اُتے (P576) د‏‏ی خاصیت وچ تبدیلی کرن
ویلے دیاں حدبندیاں
Map

امارات سسلی جزیرہ سسلی (صقلیہ) ، جہڑا اج کل دکھنی اٹلی اے ، چ ۹۶۵ء توں ۱۰۷۲ء تک قائم رہن آلی اک اسلامی ریاست سی ۔

سسلی تے پہلی عرب چڑھائی[سودھو]

سن ۵۳۵ء چ بازنطینی سلطنت دے شہنشاہ جسٹینین I نے سسلی تے قبضہ کر کے اسنوں اک بازنطینی صوبہ بنا لئیا تے سسلی دی تریخ چ یونانی بولی دوجی واری پورے جزیرے چ جانی جان لگی ۔ جداں ای بازنطینی سلطنت دی سسلی تے گرفت کمزور ہوئی ، خلیفہ عثمان دیاں عرب فوجاں نے ۶۵۲ء چ سسلی تے چڑھائی کر دتی ۔ پر ایہہ پہلا حملہ تھوڑے چر دا سی تے چھیتی ای عرب واپس پرت گئے ۔ ستویں صدی عیسوی دے اخیر چ بنو امیہ دی اتلے افریقہ چ فتوحات چ قرطاجنہ دے شہر تے بندرگاہ تے مسلماناں دے قبضے نال ایتھے اینہاں نے بحری جہاز بنان دے کارخانے قائم کیتے تے نالے اینہاں نوں اگلے حملےآں لئی اک ودھئیا تھاں لبھ گئی ۔

سن ۷۰۰ء دے آلے دوالے عرباں نے پنٹیلیریا دے جزیرے تے مل مار لئیا ، جہڑا کہ اینہاں دے وچکار نااتفاقی دی وجہ بنئیا تے اس نال سسلی عرباں دے اگلے حملےآں توں بچئیا رہئیا ۔ تے حملےآں دی بجائے سسلی دے بازنطینیاں حکمراناں نال تجارتی معاہدے کیتے گئے تے عرب تاجراں نوں سسلی دی بندرگاہاں تے مال لیجان دی اجازت مل گئی ۔ سسلی تے اسلامی بحری بیڑے نے ۷۰۳ء ، ۷۲۸ء ، ۷۲۹ء ، ۷۳۰ء ، ۷۳۱ء ، ۷۳۳ء تے ۷۳۴ء چ کیتے تے آخری دو حملےآں چ ایتھے دے بازنطینی گورنر نال مذاکرات کیتے گئے ۔

سسلی نوں فتح کرن دی پہلی حقیقی مہم ۷۴۰ء چ ترتیب دتی گئی ، ایس سال مسلمان شہزادے حبیب ، جس نے ۷۲۸ء آلے حملے چ وی حصہ لئیا سی ، نے سیراکوس شہر تے قبضہ کر لئیا تے پورے جزیرے نوں فتح کرن لئی تیار سی کہ اسنوں تیونس چ بربر بغاوت پاروں واپس پرتنا پئیا ۔ ۷۵۲ء چ سسلی تے اک دوجے حملے دا مقصد صرف سیراکوس شہر دی حفاظت سی ۔

ایفیمیئس دی بغاوت[سودھو]

۸۲۶ء چ سسلی دے بازنطینی بیڑے دے کمانڈر ایفیمیئس نے اک نن نال زبردستی ویاہ کیتا ۔ شہنشاہ مشائیل II نوں اس گل دا پتہ لگا تے اسنے جنرل کونسٹنٹائن نوں حکم دتا کہ اوہ ایس ویاہ نوں ختم کروائے تے ایفیمیئس دی نک کٹے ۔ ایفیمیئس بغاوت تے اتر آئیا تے کونسٹنٹائن نوں قتل کر کے سیراکوس شہر تے مل مار لئیا ، تے بعد چ شکست کھا کے اتلے افریقہ ول نس گئیا ۔ اس نے جان دی امان تے جنرل دے عہدے دے بدلے تیونس دی اغالبہ حکومت دے امیر ذیادۃ اللہ نوں سسلی دی حکومت دی پیشکش کیتی ۔ تے عرب ، بربر ، اندلسی ، کریٹی تے فارسی مسلماناں تے مشتمل فوج اس مہم تے بھیجی گئی ۔

امیر ذیادۃ اللہ نے سسلی دی فتح تے امادگی ظاہر کیتی تے ایہہ مہم اک ۷۰ سالہ بڈھے قاضی اسد ابن الفرات دے سپرد کیتی تے وعدہ کیتا کہ اوہ سالانہ خراج دے بدلے سسلی دی حکومت ایفیمیئس دے حوالے کر دے گا ۔

قاضی اسد نے ایتھے آکے جزیرے دا دکھنی حصہ فتح کر لئیا تے سیراکوس شہر دا محاصرہ کر لئیا ۔ اک سال دے محاصرے مگروں اسدے دستے پالرمو توں بھیجی گئی وڈی فوج نوں شکست دین دے قابل ہو گئے ، جس نوں ونیتی بیڑے دی مدد وی حاصل سی ۔

امارت دے طور تے ویلا[سودھو]

سسلی تے تیونس دے بنو غالب ٹبر تے مصر دی سلطنت فاطمیہ نے وارو واری حکومت کیتی ۔ بازنطینیاں نے اک وقتی نااتفاقی دا فیدہ چکدے ہوئے جزیرے دے چڑھدے حصے تے کئی سال تک مل ماری رکھئیا ۔

ایتھے دی اک مقامی بغاوت توں ختم کرن دے بعد فاطمی خلیفہ اسماعیل المنصور نے حسن الکلبی (۹۶۴ء-۹۴۸ء) نوں سسلی دا امیر مقرر کر دتا ۔ اسنے مسلسل بغاوت کردے بازنطینیاں نوں کامیابی نال قابو کیتا تے ایتھے کلبی ٹبر دی حکومت دی نیہہ رکھی ۔

دکھنی اٹلی تے کلبی حکومت دے حملے ۱۱ویں صدی عیسوی تک جاری رہے تے ۹۸۲ء چ اس حکومت نے مقدس رومی سلطنت دے شہنشاہ آٹو II دی قیادت ہیٹھ جرمن فوج نوں کلابریا چ کروٹون دے لاگے شکست دتی ۔ امیر یوسف الکلبی (۹۹۸ء-۹۹۰ء) دے ویلے توں امارت سسلی دا ہولی ہولی زوال شروع ہو گئیا ۔ الاخل (۱۰۳۷ء-۱۰۱۷ء) دے عہد چ کلبی ٹبر چ اختلافات شدید ہو گئے تے ٹبر دے مختلف گروہ اپنے آپ نوں کدی بازنطینی سلطنت تے کدی تیونس دی زیری حکومت نال منسلک کر لیندے ۔ امیر جسن الشمس (۱۰۵۳ء-۱۰۴۰ء) دے ویلے جزیرہ سسلی کئی نکیاں نکیاں حریف ریاستاں چ ونڈ ہو گئیا ۔

ہور ویکھو[سودھو]

امارت سسلی
سلطنت فاطمیہ دی اک ریاست
۹۶۵ء توں ۱۰۷۲ء
جھنڈا
اٹلی دے سن ۱۰۰۰ء دے نقشے چ امارت اٹلی ہلکے ہرے رنگ چ
راجگھر
بالہارم
بولی عربی
مذہب اسلام شیعہ
طرز حکومت
بادشاہت
امیر
۹۴۸ء توں ۹۶۴ء حسن الکلبی (پہلا)
۹۹۰ء توں ۹۹۸ء یوسف الکلبی
۱۰۱۷ء توں ۱۰۳۷ء
الاخل
۱۰۴۰ء توں ۱۰۵۳ء حسن السمسم
تریخ
قیام
۹۶۵ء
خاتمہ ۱۰۷۲ء
اٹلی سن۱۰۰۰ء چ ،امارت سسلی ہلکے رنگ وچ

حوالے[سودھو]

  • ڈینس مارک سمتھ (۱۹۶۸ء) سسلی دی تریخ:قرون وسطی دی اٹلی ؛ لندن ۔
  • راجر دوم ۔ انسائیکلوپیڈیا برٹانیکا ۔