اکٹھا عرب لوکراج

وکیپیڈیا توں
Jump to navigation Jump to search
اکٹھا عرب لوکراج دا جھندا
اکٹھا عرب لوکراج چ شامل دیس

اکٹھا عرب لوکراج (عربی: الجمھوریۃ العربیہ المتحدہ) 1958ء چ مصر تے شام دے اتحاد نال بنن آلی ریاست سی ۔ ایہہ 1961ء چ شام دے علیحدہ ہوون تک قائم رہی پر مصر 1971ء تک اس ناں نوں ورتدا رہئیا ۔

1956ء چ سوئز بحران دے مگروں مصر دے صدر جمال عبد الناصر دی مقبولیت تے عرب قوم پرستی توں متاثر ہو کے شام دے سیاسی تس عسکری رہنماواں دے اک گروہ نے دونہاں دیساں دے اتحاد دی اک تجویز پیش کیتی جس تے یکم فروری 1958ء چ عملدرآمد کیتا گئیا ۔

دونہاں دیساں دے صدراں جمال عبد الناصر تے شکری القوتلی نے مصر تے شام چ ریفرنڈم دے بعد 22 فروری 1958ء چ اتحاد دے معاہدے تے دستخط کیتے ۔ صدر جمال نوں ایس نویں لوکراج دا صدر منتخب کیتا گئیا تے قاہرہ راجگھر قرار دتا گئیا ۔ اک نواں وفاقی آئین وی تشکیل دتا گئیا ۔

اکٹھا عرب لوکراج دے جھنڈے تے دو تارے دونہاں ریاستاں دی نمائندگی کردے سن ۔ ایہہ پرچم اج وی شام ورت رہئیا اے ، جدوں کہ عراق چ وی ایسے قسم دا جھنڈا استعمال کیتا جاندا اے تاہم اس چ تن تارے نیں ۔