ایٹاکاما روہی

ایٹاکاما دا نقشہ

ایٹاکاما روہی دے کنڈے تے پان ڈی ازوکار نیشنل پارک چ اک بھورا لومڑ

ایٹاکاما

ایٹاکاما اتلے چلی دی روہی اے جیہڑی انڈیز تے وڈا سمندر اوقیانوس دے وچکار اک تنگ پٹی چ اے۔ ایہہ دنیا دی سب توں سکی تھاں اے تے جتھے کجھ تھاں ایسے وی نیں جتھے کئی سو سالوں تون مینہ نہیں وسیا۔

ایہہ روہی181300 مربع کلومیٹر دے تھاں تے کھلرئی ہوئی اے۔ اس دا وڈا حصہ چلی وچ اے تے کجھ حصے پیرو، بولیویا تے ارجنٹائن چ وی نیں۔ ایہہ کیلیفورنیا دی موت وادی توں وی 100 گنا رکڑ تے ڈیڑھ کروڑ سال پرانی اے۔

ایٹاکاما چ لوک نا ہون دے برابر نیں تے روہی دے وچکار اک نخلستان چ سان پیڈرو ڈی ایٹا کاما ناں دی بستی وسدی اے ، جس چ 1577ء چ ہسپانویاں نے اک گرجا بنائیا سی ۔

سپین دے راج ویلے 16ویں ، 17ویں تے 18ویں صدی چ کاناں چوں نکلن آلے کچے مال نوں لجان لئی اس دے سمندری کنڈیاں تے سمندری اڈے بناۓ گۓ۔ 19ویں صدی چ ایہہ روہی بولیویا دے ہتھ چ آ گئی۔ اگلی لڑائی وچ چلی نے ایہہ سارا علاقہ بولیویا کولوں کھو لئیا۔

ایٹا کاما چ تانبے تے دوجی معدنیات دے وڈے ذخیرے نیں تے دنیا دے سب توں وڈے سوڈیم نائٹریٹ دے ذخيرے وی ایتھے نیں۔