بھنڈر

وکیپیڈیا توں
Jump to navigation Jump to search

بھنڈر : اس گوت دا موڈھی بھنڈر ہی سی۔ ایہہ تنوربنسی ہن۔ ایہہ وسطی ایشیا توں آیا جٹاں دا بہت ہی پرانا قبیلہ ہے۔ ایہناں دا مکھیا رائے تانار پنجاب وچّ آ کے آباد ہویا۔ ایہہ بہتے سیالکوٹ وچّ سن۔ کجھ بھنڈر سیالکوٹ توں گورداسپور دے علاقے وچّ آئے سن۔

تلونڈی بھنڈر پنڈ گورداس پور وچّ بھنڈر گوت دا بہت ہی پرانا تے پرسدھ پنڈ ہے۔ گورداس پور دے بٹالا کھیتر وچّ بھنڈر جٹّ کافی وسدے ہن۔ امرتسر وچّ وی بھنڈر کلاں ایہناں دا اک بہت ہی اگھا پنڈ ہے۔ ماجھے وچّ وی بھنڈر گوت دے جٹّ کافی وسدے ہن۔ ایہناں دا پچھوکڑ وی راجپوت ہے۔ ساندل بار وچّ ماڑی بھنڈراں پنڈ، بھنڈر برادری دا ہی سی۔ پاکستان بنن نال ایہناں لوکاں نوں اجڑنا پیا سی۔ پاکستان توں آکے بہتے بھنڈر ہریانے دے ملکپر، کرنال، کھیتر وچ آباد ہو گئے سن۔

جگراؤں پاس مالوے دا پرسدھ پنڈ بھنڈراں ہے۔ سنت کرتار سنگھ خالصہ بھنڈراں والے مہان سکھ مشنری سن۔ لدھیانے تے موگے دے علاقے وچّ وی کجھ پنڈاں بھنڈر بھائیچارے دے لوک رہندے ہن۔ اک بھنڈراں پنڈ سنگرور وچّ وی ہے۔ پنجاب وچّ بھنڈر ناں دے کئی پنڈ ہن۔ سنگرور، بٹھنڈہ، مانسا آدی کھیتراں وچّ وی بھنڈر کافی وسدے ہن۔

بھنڈر گوت دے لوک بہتے مالوے وچّ ہی ہن۔ ماجھے وچّ گھٹّ ہن۔ سیالکوٹ علاقے وچّ بہتے بھنڈر مسلمان بن گئے سن۔

بنڈر گوت دے لوک یورپ وچّ وی ہن۔ ایہہ مدھ ایشیا توں ہی اتری یورپ وچّ گئے ہن۔ وسطی ایشیا توں وی وکھ وکھ سمیں پنجاب وچّ وی کئی جٹّ قبیلیاں دے گوت آپس وچّ رلدے ملدے ہن۔ پنجاب وچّ کجھ جٹ قبیلے راجستان ولوں آئے ہن اتے کجھ ملتان ولوں آئے ہن۔ بھنڈر بھائیچارے دی گنتی پنجاب وچّ بہت ہی گھٹّ ہے۔ موگے اتے لدھیانے دے جٹاں دا اگھا تے چھوٹا گوت ہے۔ ایہہ تنور جٹاں دا ہی اک اپگوت ہے۔ ایہہ بزنور ضلعے دے ہازیپر کھیتر وچّ وی کافی سمیں توں وس رہے ہن۔ ایہہ محنتی تے سنجمی جٹ ہن۔

ہور ویکھو[لکھو]