تحصیل کلرسیداں

وکیپیڈیا توں
(لیایا گیا تصیل کلرسیداں)
Jump to navigation Jump to search
تصیل کلرسیداں
Tehsil Kallar Syedan
Bedi Mahal Veranda.JPG
Pakistan - Punjab - Rawalpindi.svg
دیس: پاکستانFlag of Pakistan.svg
صوبہ: پنجاب
ضلع: راولپنڈی
تصیل ہیڈ کواٹر: کلر
تھاں: 420 مربع کلومیٹر
لوک گنتی: 190,000
بولی: پوٹھوہاری
یونین کونسلاں: 11

تصیل کلر سیداں پاکستان پنجاب دے ضلع راولپنڈی دی اک تصیل اے۔ ایہ 1 جولائی 2004 نوں ضلع راولپنڈی دی 7ویں تصیل بنی ایس توں پہلاں اے تصیل کعوٹہ دا حصہ سی۔ ایہ تصیل 420 مربع کلومیٹر تھاں تے پھیلی ہوئی اے۔ تصیل کلر سیداں دیاں 11 یونین کونسلاں نیں۔ ایتھے 190,000 لوک وسدے نیں۔ کلر سیداں جینوں عام بولی وچ کلر وی کیندے نیں ایس دا راجگڑھ اے۔

کلر تصیل دے اتر چڑھدے ول ضلع راولپنڈی دی تصیل کہوٹہ لیندے ول تصیل راولپنڈی تے دکھن لیندے ول تصیل گجر خان اے۔ چڑھدے ول دریاۓ جیلم تے اوس توں پار ازادکشمیر اے۔ کانشی کس ایس تصیل دی وڈی ندی اے۔

یونین کونسلاں[لکھو]

تصیل کلر وچ 11 یونین کونسلاں نیں: غزن آباد، بشندوٹ، درکالی مہموری، گف، ساکوٹ، نالہ مسلماناں، منیاندہ، سموٹ، چوآ خالصہ، کنوہا تے یونین کونسل کلر سیداں۔

تریخ[لکھو]

ایہ تصیل ہزاراں وریاں توں انساناں دے رہن دی تھاں اے۔ ایتھے پڑیاں اپر نشاں نے جیہڑے دسدے نیں جے ایتھے انسان کناں پرانا وسدا ریا اے۔ ایتھوں دے ناں دسدے نیں جے ہندوواں بدھاں دی رہتل وچوں وی لنگیا اے۔ پنجاب دی گندھارا رہتل دا اک وڈا نشان مانکیالہ سٹوپا ایدے کول اے۔ جیہڑا کشان ویلے وچ بنیا۔ دسویں صدی وچ ایہ پنجاب دی انتویں ازاد سرکار کابل شاہی وچ سی۔ اوہدے مکن تے ایہ عزنی تے فیر دلی دیاں سلطنتاں نال جڑیا ریا۔ مغل سلطنت 18ویں صدی وچ اورنگ زیب دے مرن مگروں ماڑی پے گئی تے فیر ایران ولوں ایدے تے لٹمار کرن والے ہلے بولے گۓ۔ پنجاب نوں 1737 توں 1797 تک لٹمار دے ایس ویلے چوں لنگنا پیا۔ رنجیت سنگھ نے پنجاب تے ایس تصیل وچ امن تے کاروبار دا محول بنایا۔

1849 وچ پنجاب تے تے ایس تصیل تے انگریزاں نے مل ماریا۔ ایس تصیل وچ مسلماناں نال سکھ تے ہندو وی وسدے سن۔ کلر شہر وچ بیدی محل تے کرشن مندر اوس ویلے دی نشانی نیں۔ پاکستان بنن تے ہندو تے سکھ ایتھوں چلے گۓ۔

تصیل کلر سڑک راہیں گجر خان روات بیول کہوٹہ تے راولپنڈی نال جڑی ہوئی اے۔

کلر
Krishan Mandir, Kallar.JPG Bedi Mahal- a view.JPG
کرشن مندر بیدی محل
تصیل کلر
Punjabi Landscape.JPG Kanshi Kassi.JPG Two Old Trees in Rawalpondi District.JPG
اک دیس وکھالہ کانشی کس دو رکھ

بارلے جوڑ[لکھو]