جپسی لوک

وکیپیڈیا توں
جاؤ: پاندھ, کھوج

جِپسی (Gipsy:انگریزی) یا رومانی یورپ چ اباد ٹپری واس لوک نیں۔ جیہناں دے متعلق پارکھاں دا خیال اے کہ ایہناں دے وڈارو 1000ء چ پنجاب چوں ترک وطن کرکے فارس ایران چلے گئے سن۔ ایتھے ایہ لوک 2 شاخاں چ تقسیم ہوگئے ۔ اک شاخ اُتلے افریقا چلی گئی تے دوسری نے یورپ دا رخ کیتا۔ اُتلے افریقہ چ ایہ مقامی ابادی چ گُھل مِل گئے پر یورپی سماج چ ایہناں نال چنگا برتاء نئیں کیتا گیا۔ دوجی وڈی لڑائی چ نازیاں نے ایہناں اُتے بہت ظُلم کیتا۔ 4 لکھ دے لگ بھگ رومانی، نازیاں دے ہتھوں جیلاں چ موت دے گھاٹ لاہے گئے۔ رومانی تقریبن سارے یورپی دیساں چ پائے جاندے نیں پر ایہناں دی بوہتی گݨتی چڑھدے یورپ چ اباد اے۔ چڑھدے یورپ چ سوشلسٹ انقلاب توں بعد ایہناں نوں مخلتف علاقیاں چ اباد کر دتا گیا۔ لہندے یورپ چ ایہ حلے تک ٹپری واساں آلی زندگی گزاردے نیں۔ 1971ء چ لہندے یورپ دے جِپسیاں دی لندن چ عالمی کانگرس منعقد ہوئی جیہدے چ اقوام متحدہ نوں مطالبہ کیتا گیا کہ جِپسیاں دی رومانی بولی تے ثقافت دے بچاء دا بندوبست کیتا جاوے۔ رومانی بولی پنجابی زبان دے بہت نیڑے اے۔

Antoni Kozakiewicz - Kartomantka.jpg
Romanis-historical-distribution.png
Emil Volkers Zigeunerlager vor Düsseldorf.jpg
August von Pettenkofen - Gipsy Children - WGA17393.jpg
Gypsies camping - probably Swansea (20740154331).jpg
Bihari Sándor Bíró előtt.jpg