حمزہ یوسف ہینسن (پیدائیش 1960ء واشنگٹن بطور مارک ہینسن) نوں مغرب ج نفیس ترین مسلم علماء چوں اک سمجھیا جاندا اے ۔ اینہاں دی پرورش شمالی کیلیفورنیا دے اک بنیادپرست یونانیعیسائی خاندان چ ہوئی ۔ 1977ء چ ہینسن 17 سال دی عمر چ سانتا باربرا کیلیفورنیا چ مسلمان ہوگئیا ، اسنے مشرق وسطی چ متحدہ عرب امارات تے دوجے ملکاں چ 4 سال حصول علم چ گزارے ۔ فیر اسنے مغربی افریقہ دا سفر اختیار کیتا تے کئی سال تک ماریطانیہ ، الجزائر تے مراکش چ بہت سارے علماء توں علم حاصل کردا رہیا ۔ باہر دے ملکاں چ حصول تعلیم دے اس دس سالہ سفر دے بعد اوہ امریکہ واپس آگئے تے امپیریل ویلی کالج توں نرسنگ تے سان ہوزے سٹیٹ یونیورسٹی توں دینیات دیاں ڈگریاں حاصل کیتیاں ۔
سنہ1996ء چ ہینسن نے ہےورڈ کیلیفونیا چ زیتونہ انسٹی ٹیوٹ دی بنیاد رکھی جس دا مقصد اسلامی علوم دا احیاء تے تدریس دے روائتی طریقیاں نوں محفوظ کرنا اے ۔ مختلف ملکاں دے بہت سارے مشہور علماء نے مختلف اسلامی مضامین دی تدریس لئی اینہاں نوں اجازت دے رکھی اے ۔ اوہ اسلامی روحانیت تے زمانی مسائل تے لیکچر دین لئی دنیا بھر دا سفر کرچکے نیں ۔ ہینسن عربی دیاں بہت ساریاں نابغہ روزگار کتاباں دا ترجمہ کرچکے نیں تے ہ ن ہےورڈ کیلیفورنیا چ اک اسلامی مدرسہ قائم کرن دی کوشش کر رہے نیں ۔
اوہ مراکش دی قدیم تے معتبر ترین جامعہ قیروانفاس چ درس دین والے پہلے امریکی نیں ۔
