خواجہ عبداللہ انصاری

وکیپیڈیا توں
Jump to navigation Jump to search
خواجہ عبداللہ انصاری
مذہب اسلام
فرقہ سنی
فقہ جنبلی[1]
مکتب فکر فرید الدین عطار[2]
تحریک صوفی[3]
تاجکستان دیاں ٹکٹاں، 2010

پیر ہرات حضرت شیخ ابو اسمٰعیل عبداللہ ہیراوی انصاری (1006-1088) 11ویں صدی وچّ ہرات (خراسان، موجودہ صوبہ ہرات افغانستان) دا رہن والا فارسی بولی دا مشہور صوفی شاعر سی۔ آپ پنجویں صدی ہجری/ گیارہویں صدی عیسوی وچّ ہرات دی اک نادر شخصیت، مفسرّ قرآن، راوی، مناظر اور شیخ طریقت سی جو عربی اتے فارسی زباناں وچّ اپنی تقریر دی کلا اتے شاعری دے صدقہ جانیا جاندا سی۔

زندگی[لکھو]

خواجہ عبداللہ انصاری دا جنم 4 مئی 1006 نوں ہرات دے قدیم قلعہ خندژ وچّ ہویا۔ اس دا باپ ابو منصور اک دوکاندار سی جو جوانی وچّ کئی سال بلخ وچّ گزار چکیا سی۔ عبداللہ، شیخ ابوالحسن خرقانی دا مرید سی اتے اپنے شیخ تے یعقین اتے اس دا بہت ستکار کردا سی جویں کہ اس نے بیان کیتا عبداللہ اک لکیا ہویا خزانہ سی، اتے اس دی کنجی ابوالحسن خرقانی دے ہتھاں وچّ سی۔

اوہ سنی فقہ حنبلی دا پیرو سی۔ اسدا تیموری زمانے وچّ تعمیر ہون والا مزار مشہور زیارت گاہ ہے۔

اس نے اسلامی تصوف اتے فلسفہ اتے فارسی اتے عربی زبان بہت ساریاں کتاباں لکھیاں۔ اس دی سبھ توں مشہور لکھت مناجات نامہ ہے جو فارسی ساہت دا شاہکار منی جاندی ہے۔ اس دی موت دے بعد اس دیاں لکھتاں دے علاوہ اس دے شگرداں اتے دوجے لوکاں ولوں اس دے بہت سارے اقوال روائت ہوئے جو تفصیر میبودی، کشف الاسرار وچّ شامل کیتے گئے۔ ایہہ قرآن کریم دی قدیم ترین مکمل اوہناں تفسیراں وچوں ہے اتے کئی مرتبہ 10 جلداں وچّ شائع ہو چکی ہے۔

اس نے علم حدیث، تاریخ اتے علم النسب اتے مہارت حاصل کیتی۔ اوہ امیر، طاقتور اتے با-اثر لوکاں دی صحبت توں دور رہا کردا سی۔ اس دی مجلس بازس وچّ شمولیت لئی لوک دور دراز توں آؤندے سن۔ جدوں وی اس دے پیروکار اس نوں کوئی تحفہ پیش کردے اوہ غریباں اتے ضرورت منداں دے حوالے کر دتا جاندا۔

ہرات دے خواجہ عبداللہ انصاری دا سلسلہ نسب نویں پشت وچّ مشہور صحابی حضرت ابو ایوب انصاری رضی اﷲ عنہ نال جا ملدا ہے۔

فارسی کتاباں[لکھو]

  • کشف الاسرار او اد الابرار
  • مناجات نامہ
  • نسائیہ
  • زاد العارفین
  • کنز السالکین
  • ہفت ہسار
  • اعلیٰ نامہ
  • محبت نامہ
  • قلندر نامہ
  • رسالہ دل و جان
  • رسالہ واردات
  • صد میدان
  • رسالہ مناقب امام احمد بن حنبل

عربی کتاباں[لکھو]

  • انوار التحقیق
  • زیم الکلم
  • منازل السیرین
  • کتاب الفاروق
  • کتاب الاربئین

حوالے[لکھو]

  1. Halverson, Jeffry R. (2010). Theology and Creed in Sunni Islam. Pelgrave Macmillan, 37. ISBN 9781137473578. 
  2. Halverson, Jeffry R. (2010). Theology and Creed in Sunni Islam. Pelgrave Macmillan, 47. ISBN 9781137473578. 
  3. Halverson, Jeffry R. (2010). Theology and Creed in Sunni Islam. Pelgrave Macmillan, 48. ISBN 9781137473578. 
  4. (2000) The Invocation of God. Islamic Texts Society, 4. ISBN 0946621780. 
  5. Ovamir Anjum. Sufism without Mysticism: Ibn al-Qayyim's Objectives in Madarij al-Salikin. University of Toledo, Ohio. pp. 164. http://www.academia.edu/2248220/Sufism_without_Mysticism_Ibn_al-Qayyims_Objectives_in_Madarij_al-Salikin. 
  6. Livnat Holtzman. Ibn Qayyim al-Jawziyyah. Bar Ilan University. pp. 219. http://www.academia.edu/1057824/Ibn_Qayyim_al-Jawziyya.