رابرٹ فراسٹ

وکیپیڈیا توں
Jump to navigation Jump to search

رابرٹ فراسٹ (1874–1963)

انگریزی ساہت وچّ رابرٹ فراسٹ (Robert Frost) اک پرسدھ امریکی کوی ہویا ہے جس نے پریوگواد دے یگ وچّ وی پرمپراگت کاوَ رچ کے پرسدھی اتے پیار جتیا ہے۔ جدوں کویتا انتر- راشٹری اتے تکنیکی پریوگاں دے کھیتر وچّ وچر رہی سی اودوں فراسٹ نے سمیں دے وہن نال وہن دی تھاں امریکی شعری سروتاں نال جڑے رہن نوں پہل دتی اتے اپنی کویتا وچّ اوہناں پاتراں اتے درشاں نوں پیش کیتا جہڑے امریکی سماج اتے آتما نال اک-سر ہن۔ بھاویں فراسٹ دیاں کویتاواں امریکی سبھیاچار وچّ کیندرت ہن پر ایہناں وچّ سمچی جانکاری دیاں تانگھاں اتے سپنے، فکر اتے چنتاواں دی پیشکاری وشال پدھر تے ہوئی ہے۔

رابرٹ فراسٹ بھارت دے پہلے پردھان-منتری جواہر لال نہرو دا من-بھاؤندا کوی سی اتے اس کوی دیاں سخت محنت کرن والیاں شعری سطراں پردھان منتری نے اپنے کم-قاضی میز اتے لائیاں ہوئیاں سن۔

رابرٹ فراسٹ دا جنم سان فرانسسکو وچّ 26 مارچ 1874 نوں ہویا۔ اس دے پیؤ نے خانہ جنگی دی کروپتا اتے بھیانکتا ویکھی سی۔ اس دا پیؤ استاد سی اتے اس نے اک استانی نال ویاہ کرن اپرنت اوہ دوویں سان فرانسسکو آ گئے جتھے فراسٹ دا جنم ہویا۔ فراسٹ دا پیؤ 1884 وچّ مر گیا اتے اپنی وصیت وچّ اس نے دور اپنی جنم بھوں وچّ دفنائے جان دی اچھا پرگٹائی جس دی پورتی لئی فراسٹ دی ماں اپنے دو بچیاں نوں لے کے پورب ولّ چل پئی۔ اوہناں کول کیلیفورنیا واپس آؤن دے مالی سادھن نہیں سن سو اوہ ادھر ہی ٹک گئے۔

رابرٹ فراسٹ دا بچپن کیلیفورنیا وچّ گزریا سی، اوہ شہر دا جم-پل سی۔ نیو انگلینڈ دے علاقے وچّ جیون دے وکھریویاں نے اس نوں سنویدنشیل(حساس) بنا دتا۔ لارینس سکول توں اس نے پڑھائی مکمل کیتی اتے طالب علمی جیون وچّ ہی اوہ کویتاواں لکھن لگّ پیا۔ 1894 وچّ اس نے اپنی ‘میری تتلی’ ناں دی اک کویتا نیویارک انڈیپینڈینٹ اخبار نوں ویچ کے اتیئنت خوشی محسوس کیتی۔ کویتا دے چھپن نال اس دا اتشاہ ودھیا۔ اتھے ہی اس نوں النر ناں دی کڑی نال پیار ہو گیا جس نوں بھیٹ کرن لئی اس نے اپنا اک شعری مجموعہ چھپوایا۔ اس دیاں دو پرتیاں ہی چھپوائیاں گئیاں-اک النر نوں دین لئی اتے اک اپنے لئی۔ جدوں النر ولوں کویتاواں سنبندھی کوئی پرتکرم نہ ملیا تاں فراسٹ بڑا نراش ہویا اتے اپنی پرتی پاڑ کے اوہ اکلا ہی دکھن ولّ گھمدا رہا۔ اس نے آتمگھات کرن بارے وی سوچیا۔ اگلے ہی سال 1895 وچّ اس دا النر نال ویاہ ہو گیا اتے فراسٹ نے اک استانی دا کتہ دھارن کرن دا نرنا کیتا۔ اس نے اپنی ماں لئی اک سکول ستھاپت کرن وچّ وی مدد کیتی۔ ایہناں دناں وچّ ہی اس دا پہلا پتر جنمیا۔ فراسٹ نے دو سال ہارورڈ وچّ وی گزارے پر اتھوں دا واتاورن اس دے راس نہ آیا۔ اس عرصے وچّ اس دے گھر اک دھی جنمی۔ چار ویکتیاں دے نرباہ لئی فراسٹ نے مرغی خانہ کھولھیا۔ جدوں فراسٹ دا کاہلاپن تپدق دی اگاؤں سوچنا گھوشت کیتا گیا تاں فراسٹ اپنے مرغیخانے نوں نویں تھاں تے لے گیا جتھے اس دے پہلے پتر دی موت ہو گئی۔ 1906 وچّ فراسٹ نوں نمونیا ہویا اتے اوہ مردا- مردا بچیا۔ اک سال مگروں اس دی چوتھی دھی وی مر گئی ۔ دکھاں، مایوسیاں، ہاراں اتے اسپھلتاواں نے فراسٹ نوں کویتا وچوں دھرواس اتے اوٹ لین لئی پریریا۔ فراسٹ دا ایہہ بدقسمتی سی کہ اس دے سارے بچے اس دے ویکھدیاں- ویکھدیاں چل وسے۔

1912 وچّ، جدوں فراسٹ چالھی سالاں دا سی، اس دیاں کجھ کویتاواں ہی چھپیاں سن۔ اس نے اپنا مرغیخانا ویچ دتا اتے اپنے دادے توں ملے کجھ پیسیاں نال اوہ انگلینڈ گیا اتے اپنا سارا سماں اتے شکتی کویتا دے لیکھے لا دین دا پرن کیتا۔ اتھے فراسٹ ایزرا پاؤنڈ نوں ملیا جہڑا جنم توں امریکی سی پر انگلینڈ رہِ رہا سی۔ پاؤنڈ نے فراسٹ نوں اپنیاں کویتاواں چھپواؤن وچّ مدد دتی پر کیونکہ پاؤنڈ اس دیاں کویتاواں دی کانٹ- چھانٹ بہت کردا سی سو ایہہ مترتا بہتا چر نہ چل سکی۔

فراسٹ نے 1913 وچّ اے بوائیز ول کاوَ-سنگریہہ چھاپیا جس دی پرسنسا ہوئی۔ ایہہ کویتاواں بھاویں چھندابندی اتے شیلی دے پکھوں پرمپراوادی ہن پر ایہناں وچلی انتر-درشٹی نویں سی۔ ایہناں کویتاواں وچّ اکانت اتے چنتن نوں گایا گیا ہے اتے یتھارتھ دے سہپن نوں اجاگر کیتا گیا ہے۔ اک ہور کاوَ-سنگریہہ نارتھ آف بوسٹن 1914 وچّ چھپیا۔ اس سنگریہہ وچّ کھلھی کویتا اتے برتانتک کویتا دے نمونے پیش کیتے گئے ہن۔ ایہناں کویتاواں وچّ گیتاں والی لیاتمکتا ہے۔ اس سنگریہہ دیاں پرسدھ کویتاواں ‘دا ڈیتھ آف اے ہائیرڈ مین’ اتے ‘اے سروینٹ آف دا سروینٹ’ ہن۔ اس دوجے سنگریہہ نال فراسٹ دا پہلا کاوَ- سنگریہہ وی ہور ہرمنپیارا ہو گیا۔ ایہہ دو سنگریہہفراسٹ دی کاو-کلا دیاں دو ولکھن ونگیاں ہن۔

جدوں فراسٹ امریکہ مڑیا تاں امریکہ وچّ اوہ اک کوی وجوں ستھاپت ہو چکیا سی۔ اپنی پرسدھی توں فراسٹ حیران وی ہویا اتے پریشان وی کیونکہ اوہ چپّ دا ابھلاشی اتے اکانت دا اچھکّ ویکتی سی جہڑا بھیڑاں توں ڈردا سی۔ اس نے پھرینکونیا وکھے اک فارم- ہاؤس وچّ رہنا ارمبھ کیتا پر اپجیوکا دیاں مجبوریاں نے اس نوں وبھنّ کالجاں اتے یونیورسٹیاں وچّ کارج کرن لئی مجبور کیتا۔ ہاروڈ وکھے رہندیاں اس نے اپنے شرماکلپنے اتے جت پراپت کر لئی اتے اوہ اکتاں وچّ کھلھ کے وچرن لگّ پیا۔ اس نے لکچر دتے، نبندھ لکھے، لوکاں نوں ملیا اتے اس سارے کجھ کارن اوہ امریکہ وچّ اک جانیا-پچھانیا ویکتی ہو نبڑیا۔

1923 وچّ فراسٹ دیاں چونویاں کویتاواں دا سنگریہہ چھپیا۔ ایہناں دناں وچّ ہی فراسٹ نوں چار واری ملن والا پلٹزر سنمان پہلی وار ملیا جس کر کے اس دی پرسدھی ودواناں اتے آلوچکاں وچّ وی پھیلی اتے ساریاں یونی- ورسٹیاں اس نوں اپنے کیمپس تے رہن اتے ودیارتھیاں نوں سنبودھت ہون لئی بلاوے بھیجن لگّ پئیاں۔ فراسٹ 1928 وچّ انگلینڈ اتے فرانس گیا اتے 1930 وچّ نواں کاوَ-سنگریہہ چھپوایا۔ 1934 وچّ اس دی پیاری دھی جہڑی اپنے پتا لئی اک وڈی ٹیک سی، سرگواس ہو گئی۔ اپنیاں کویتاواں وچّ رابرٹ فراسٹ نے اپنے جیون دے انوبھواں نوں سرب-سدھارن لوکائی دے انوبھوَ بنا کے پیش کیتا ہے۔ 1938 وچّ رابرٹ فراسٹ دی تینویں مر گئی۔ ستھتی دا وینگ ایہہ سی کہ جیوں-جیوں فراسٹ نوں مان-ستکار ملنا ودھ رہا سی تؤں-تؤں اس دے اپنے نجی جیون وچّ اپروتھلی درگھٹناواں اتے دکھانت واپر رہا سی۔ فراسٹ دیاں ساریاں کویتاواں دا سنگریہہ 1949 وچّ چھپیا اتے اگلے ورھے امریکہ دے سدن نے اس پنجترھویں جنم دن تے سنمانت کیتا۔ 1961 وچّ جان ایف کینیڈی دے صدر وجوں سونہ چکن دے اوسر تے فراسٹ نے اپنی کویتا پڑھی۔ اس دے پچاسیویں جنم دن تے سینیٹ نے پھر اس نوں سنمانت کیتا۔

اک اپریشن دیاں الجھناں کارن 29 جنوری 1963 نوں اجوکے یگ دی مہان کویتا دا سروت، رابرٹ فراسٹ مر گیا۔