راشد قریشی

وکیپیڈیا توں
Jump to navigation Jump to search
راشد قریشی
جنمستھان: سرگودھا, پنجاب, پاکستان
جمن دیہاڑ:
ملازمت دا ادارا : پاکستان آرمی
ملازمت دا چِر : 17 اپریل 1971 -31 دسمبر 2005
رینک : میجر جنرل
جنگاں : پاک بھارت لڑائی 1971، کارگل دی لڑائی 1999، پاک بھارت کشیدگی 2001-2002
اعزاز : ستارہ امتیاز، ستارہ بسالت

میجر جنرل راشد قریشی 31 دسمبر 2005 نوں دو ستارہ جنرل ریٹائر ہوئے۔ اوہ پرویز مشرف دے بہت نیڑے سی۔

فوجی کیریئر[لکھو]

راشد قریشی نے پاک آرمی وچ 17 اپریل 1971 نوں 44 ویں پی۔ ایم۔ اے لونگ کورس وچ کمیشن لیا۔ 1971پاک بھارت لڑائی 1971 وچ راشد قریشی نوں لہور سیکٹر وچ متعین کیتا گیا۔ جنگ توں مگروں اوہناں دی کمپنی نوں راولپنڈی سیکٹر وچ متعین کیتا گیا جتھے اوہ جی۔ ایچ۔ کیو وچ سٹاف افسر بݨے۔ 1987 وچ پرموٹ ہوکے لیفٹینیٹ کرنل بݨ گئے تے 10 ویں بٹالیئن دے کمانڈنگ افسر بݨادتے گئے۔ 1991 وچ کرنل بݨ گئے تے جوائنٹ چیف آف سٹاف کمیٹی سیکرٹریئیٹ وچ ملٹری سیکرٹری لادتے گئے۔

انٹر سروسز پبلک ریلیشنز[لکھو]

راشد قریشی 1996 وچ آرمی دے شعبہ تعلقات عامہ(آئی۔ایس۔پی۔آر) نال منسلک ہوگئے۔ 1997 وچ ترقی پاکے برگیڈیئر بݨ گئے۔ 1998 وچ انٹر سروسز پبلک ریلیشنز دے شعبے دے ڈایریکٹر جنرل لا دتے گئے۔ اوہ پرویز مشرف دے پرنسپل ملٹری سیکرٹری وی رہے۔ راشد قریشی کارگل دی لڑائی 1999 دے دناں چ کانفرنساں چ تے میڈیا تے آؤݨ پاروں شہرت دی چمک وچ آ گئے۔ ایہی ایہناں دے فوجی کیریئر دا سِر چڑھت سما سی۔


باہرلے جوڑ[لکھو]