سبط جعفر زیدی

سبط جعفر زیدی
جم	7 مارچ 1957  کراچی
وفات	18 مارچ 2013 (56 سال)  لیاقت آباد
طرز وفات	مردم کشی
شہریت	پاکستان
عملی زندگی
مادر علمی	کراچی یونیورسٹی
تعلیمی اسناد	سی ایس ایس
پیشہ	لکھاری،  پرنسپل

سبط جعفر زیدی ( 1957 - 2013 ) پاکستان کے نامور شاعر، معلم، ماہرتعلیم، سوز خوان اور سماجی کارکن تھے ۔

سید سبط جعفر زیدی (اردو: سيد سبط جعفر زيدى) جاں عام طور اُتے استاد سبتے جعفر (اردو: اُستاد سبطِ جعفر) (جم 1957) وجوں جانے جاندے اکّ پاکستانی پروفیسر، شاعر، وکیل، پرنسپل، مذہبی پاٹھک، لکھاری اتے سماج سیوک سن۔

اکّ پرنسپل، اکّ استاد، اکّ شاعر اتے صلاح کار دے طور تے اسنے اندرونی سندھ وچ 7 ​​کالج شروع کیتے، ہریک دی لاگت لگبھگ 60 لکھ روپئے اے۔ اس نے تعلیمی مرکز بنائے ہوئے سن۔ لگبھگ 5 بھلائی ادارےآں دے تعلیمی ونگاں دی دیکھ بھال کرن توں علاوہ، اوہ کئی چیرٹی ادارےآں اتے یتیم آشرماں دی نگرانی کر رہا سی۔ اسنے ہارورڈ یونیورسٹی توں آنریری انعام حاصل کیتا۔ اسنے ٹانڈو آدم وچ اکّ سکول چلایا جتھے مسلمان اتے ہندو مفت وچ پڑھدے سن۔ اوہ اکّ شاعر، اکّ دانشور، اکّ کالج وچ اکّ پرنسپل سی۔ اس نوں ادوں گولی مار دتی گئی جدوں اوہ اپنے سائیکل اُتے کالج توں واپس آ رہا سی۔

ابتدای زندگی اور تعلیمی سفر

سید سبط جعفر حسن زیدی المعروف استاد سبط جعفر زیدی 7 مارچ 1957ءکو ملک جہانگیرآباد ضلع بجنور، یوپی ہندوستان میں پیدا ہوئے۔ ان کے والد مولانا سید احمد میاں زیدی ایک عالم دین تھے۔ سبط جعفر زیدی نے 1971ء میں گورنمنٹ بوائز ہائی اسکول لیاقت آباد کراچی سے میٹرک کیا اور گورنمنٹ اسلامیہ کالج، کراچی میں داخلہ لیا جہاں سے 1975ء میں گریجویشن مکمل کی۔ گورنمنٹ کالج آف ایجوکیشن کراچی سے بی ایڈ کیا، پھر 1977ء میں کراچی یونیورسٹی سے ایم اے اسلامیات کی ڈگری حاصل کی۔ فیڈرل لا کالج کراچی سے ایل ایل بی کیا۔ 1979ء میں کراچی یونیورسٹی سے اردو ادب میں ایم اے کیا۔ ایک عالم دین کے فرزند ہونے کی حیثیت سے استاد سبط جعفر زیدی نے مذہبی تعلیم میں بھی اسناد، مدرسہ الواعظین، جامعہ امامیہ ناظم آباد کراچی سے حاصل کی۔

ملازمت کا آغازاور سول سروسز

سبط جعفر زیدی نے 1977ء سے 1981ءتک سید صغیر حسین جعفری ایڈووکیٹ اینڈ کمپنی کے ہمراہ وکیل کی حیثیت سے کام کیا۔ وکالت کے پیشے کو ترک کرنے کے بعد انہوں نے 1981ء میں سی ایس ایس کا امتحان پاس کیا اور ان کی سب سے پہلے گورنمنٹ کالج لطیف آباد، حیدرآباد میں تعیناتی ہوئی۔ نومبر 1981ء میں انکا تبادلہ گورنمنٹ ڈگری کالج، لیاقت آباد میں ہوا جہاں وہ اسلامیات، مطالعہ پاکستان اور اردو ادب کے مضامین پڑھاتے تھے۔ 2010ء میں انہیں اسی کالج کے پرنسپل کا عہدہ ملا۔

سماجی خدمات

پروفیسر سبط جعفر زیدی ہمہ جہت شخصیت کے مالک تھے۔ انہوں نے بحیثیت معلم قوم کے مستقبل کے معماروں کی تربیت کے لیے عملی طور پر بہت سے اقدامات کیے جو اب ہمیشہ ان کے نام سے ہی وابستہ رہیں گے ۔

• ادارہ ترویجِ سوز خوانی

پروفیسر سبط جعفر زیدی ادارہ ترویجِ سوز خوانی کے بانی تھے۔ یہ سوز خوانی کی ترویج و ترقی کے لیے ایک بین الاقوامی آرگنائزیشن ہے جس نے سوز خوانی کی بقا اور ارتقا میں بہت اہم کردار ادا کیا ہے۔

• جے ڈی سی

استاد سبط جعفر زیدی جے ڈی سی (جعفریہ ڈیسازٹر مینیجمنٹ سیل )کے فعال رکن اور بانیوں میں سے تھے۔

کتب

1. مطالعہ پاکستان برائے انٹر میڈیٹ
2. سوشیالوجی برائے بیچلر اور ڈگری کلاسز – سالِ دوم
3. نشان راہ
4. زاد راہ۔ ( حجاج کے لیے رہنما کتاب )
5. منتخبات نظم و نثر ( ان کی مذہبی شاعر کا انتخابی مجموعہ )
6. صوت علوم و فنون اسلامی
7. بستہ ( سوز خوانی کی رہنما کتاب )Archived 2017-06-22 at the وے بیک مشین

نمونہ کلام

منقبت کے اشعار

پنجتن سے وابستہ الفتوں کا کیا کہنا		اِن کے دشمنوں کے لیے نفرتوں کا کیا کہنا
آل کی مودت ہی اجر ہے رسالت کا		سرور دو عالم سے قربتوں کا کیا کہنا

منظوم عریضہ کے اشعار

حالِ غم سنائیں گے جب امام آئیں گے		زخمِ دل دکھائیں گےجب امام آئیں گے
جب امام آئیں گے جب امام آئیں گے

جھوٹ بولنے کو ہم مشغلہ سمجھتے ہیں		بات بات پر بے جا مصلحت برتتے ہیں
اور منافقت کو بھی مصلحت ہی کہتے ہیں		لہو و لعب کے ساماں ہم گھروں میں رکھتے ہیں
کس طرح چھپائیں گے جب امام آئیں گے

نعمتِ شریعت کو بوجھ ہی سمجھتے ہیں		لہو و لعب کو ہی ہم زندگی سمجھتے ہیں
صاحبانِ زر کو بڑا آدمی سمجھتے ہیں		تنگ دست مومن کو بس یونہی سمجھتے ہیں
کیا مقام پائیں گے جب امام آئیں گے

العجل جو کہتے ہیں آ گئے تو کیا ہو گا		کیا ہے اپنی تیاری پیش ہم کریں گے کیا
سبط جعفر اپنا تو ، کل یہی ہے سرمایہ		سوز وحمد و نعت و سلام اور منقبت نوحہ
ہم یہی سنائیں گے جب امام آئیں گے

وفات

استاد سبط جعفر زیدی کو 18 مارچ 2013ء کو کراچی میں دہشت گردوں نے فائرنگ کر کے شہید کر دیا۔ ان کی تدفین کراچی کے قبرستان وادی حسین میں ہوئی۔

حوالہ جات