سرزمین شام

آزاد انسائیکلوپیڈیا، وکیپیڈیا توں
لیونت

شام یا لیونت (انگریزی:The Levant) مشرق وسطٰی دے اک وڈے علاقے لئی ورتی جان والی اک غیر واضح تریخی اصطلاح اے۔ ایہ علاقہ مغرب چ بحیرہ روم، مشرق چ صحرائے عرب دے شمالی حصےآں تے اتلے بین النہرین تے شمال میں کوہ ثور ے درمیان واقع اے۔ لیونت چ قفقاز، جزیرہ نما عرب یا اناطولیہ دا کوئی حصہ شامل نہیں سمجھیا جاندا۔

ایہ اصطلاح انگریزی چ پہلی بار 1497 میں استعمال ہوئی جس دا مطلب "وینیٹیا دے مشرق چ بحیرہ روم دی سرزمین" نوں واضح کرنا سی۔ لیونت قرون وسطٰی دی فرانسیسی دے لفظ توں نکلا اے جس دا مطلب "ابھرنا" اے تے اس ضمن چ اس خطے نوں ابھردے سورج دا علاقہ سمجھیا جاسکدا اے تے اسنوں عربی دے لفظ مشرق دا متبادل سمجھیا جا سکدا اے یعنی اوہ علاقہ جتھوں سورج طلوع ہوندا اے۔

19 ویں صدی دے سفرنامےآں چ ایہ اصطلاح سلطنت عثمانیہ دے زیر نگیں مشرقی علاقےآں لئی استعمال ہون لگی۔

لیونتیائی باشندےآں دی اصطلاح خاص طور اتے اطالویاں لئی استعمال ہوندی اے خصوصاً وینس تے جینووا، فرانسیسی تے ہور جنوبی یورپی نسل دے باشندےآں لئی استعمال ہوندی اے جو صلیبی جنگاں، بازنطینی سلطنت تے عثمانی سلطنت دے ویلےآں چ ترکی یا بحیرہ روم دے مشرقی ساحلاں اتے رہندےسن۔ انہاں لوکاں دے پرکھے دراصل بحیرہ روم دی بحری سلطنتاں دے رہن والے تاجر سن۔

1920 توں1946 تک فرانس دے زیر قبضہ شام تےلبنان لیونت ریاستیں (بلاد شام) کہلاندے سن۔

آجکل لیونت دی اصطلاح ماہرین آثار قدیمہ تے تریخ دان خطے دی قبل از تاریخ، قدیم قرون وسطٰی دی تریخ دے حوالے نال استعمال چ رہندی اے خصوصاً جدوں اوہ صلیبی جنگاں دا ذکر کردے نیں۔

علاقے[سودھو]

متعلقہ لیکھ[سودھو]