سمیترا نندن پنت

وکیپیڈیا توں
Jump to navigation Jump to search


Nuvola apps ksig.png
سُمِترا نندن پنت
सुमित्रा नन्‍दन पंत
جم 20 مئی 1900
28 دسمبر 1977
کم کِتہ لکھاری، شاعر
قومیت بھارتی
شہریت بھارت
وڈے اغزاز گیانپیٹھ
نہرو امن انعام
نیانے اکلوتی دھی، سمترا جوشی

سُمِترا نندن پنت (ہندی: सुमित्रा नंदन पंत; 20 مئی 1900 – 28 دسمبر 1977) اک اجوکی ہندی شاعر سی۔ اسنوں ہندی ساہت دے چھایاوادی(Romanticism) سکول دے پرمکھ شاعراں وچوں منیا جاندا ہے۔ پنت زیادہتر سنسکرتک ہندی(سنسکرت زدہ ہندی) وچّ لکھدا سی۔ اوہناں نے شاعری ، ناٹک اتے مضمون نگاری رچناولیاں سمیت اٹھائی لکھتاں شائع کیتیاں۔

چھایاوادی نظماں دے علاوہ پنت نے سماجی اتے انسانیت (شری اربندو توں متاثر) فلسفیانہ اتے ترقی پسند نظماں وی لکھیاں۔

پنت 1968 وچّ، گیانپیٹھ انعام حاصل کرن والے اوہ پہلا ہندی شاعر سی۔ اس نوں ایہہ چدمبرا سرلیکھ نے اپنے سبھ توں مشہور شعری مجموعے ، لئی ملیا سی۔[1]

جیون[لکھو]

جنم[لکھو]

اس دا جنم کماؤں پہاڑاں دے باگیشور ضلعے دے کوسانی پنڈ وچّ ہویا۔ اسدے جنم توں کجھ گھنٹیاں بعد ہی اسدی ماں دی موت ہو گئی۔

مڈھلا جیون[لکھو]

شاعر دے بچپن دا نام گسائیں دتّ سی۔ پربت دی گود وچّ منموہے چوگردے نے گسائیں دتّ نوں بچپن توں ہی کوی من بنا دتا سی۔ ماں جنم دے چھ ستّ گھنٹیاں وچّ ہی چل وسی سی سو قدرت دی ایہی رمنیکتا اوہناں دی ماں بن گئی۔ گسائیں دتّ جلد ہی اتھے دی خوبصورتی نوں کاغذ تے اتارن لگا۔ پتا گنگادتّ اس سمیں کوسانی چاہ بغیچے دے منیجر سن۔ اوس دا بھرا سنسکرت اتے انگریزی دا چنگا جانکار سی، جو ہندی اتے کمانؤنی وچّ نظماں وی لکھیا کردا سی۔

گسائیں دتّ دی پرائمری تکّ دی سکھیا کوسانی دے مقامی سکول وچّ ہوئی۔ اس دے کویتا پاٹھ توں متاثر ہوکے سکول انسپیکٹر نے اس نوں انعام وچّ اک کتاب دتی سی۔ گیاراں سال دی عمر وچّ اس نوں اگلیری پڑھائی لئی الموڑا دے سرکاری ہائی سکول وچّ بھیج دتا گیا۔ 1918 وچّ اوہ اپنے منجھلے بھرا دے نال کاشی آ گیا اتے کوینس کالج وچّ پڑھن لگا۔۔ اتھوں مڈل پاس کر اوہ الہٰ آباد چلا گیا۔ اوس نوں اپنا نام پسند نہیں سی، اسلئی اوس نے اپنا نواں نام سُمِترا نندن پنت رکھ لیا۔ اتھے میور کالج وچّ اوس نے بارویں وچّ داخلہ لیا۔ 1921 وچّ غیر تعاون تحریک دے دوران مہاتما گاندھی دے بھارتیاں نوں انگریزی کالجاں، یونیورسٹیاں، کورٹ کچہریاں اتے ہور سرکاری دفتراں دا بائیکاٹ کرن دے اعلان تے اوہناں نے کالج چھڈّ دتا اتے گھر ہی ہندی، سنسکرت، بنگلا اتے انگریزی بولی-ساہت دا مطالعہ کرن لگا۔

الہٰ آباد وچّ اوہ کچہری دے کول قدرتی سہپن نال بھرپور اک سرکاری بنگلے وچّ رہندا سی۔ اوس نے الہٰ آباد آکاشوانی دے شروعاتی دناں وچّ صلاح کار وجوں وی کارج کیتا۔ اس نوں مدھومیہ ہو گیا سی۔ اس دی موت 28 دسمبر 1977 نوں ہوئی۔

حوالے[لکھو]