Jump to content

شالیمار ٹاؤن

آزاد انسائیکلوپیڈیا، وکیپیڈیا توں

شالیمار ٹاؤن لہور دا اک پرانا علاقہ اے۔ اے مشہور جی ٹی روڈ اتے وسدا اے۔ اے مغل بادشاہ شاہجہان دے بنائے گئے شالیمار باغ دے نیڑے ای ھیگا اے تے ایسی مناسبت نال ایدا ناں شالیمار ٹاؤن پے گیا۔ 1958 چ ایوب خان دے حکم توں پہلاں مشہور میلہ چراغاں اسی باغ چ منایا جاندا سی۔

تریخ[سودھو]

ایس علاقے دی تریخ 1400 چ مغل دور حکومت تکر جاندی اے۔ ایس علاقے چ سنیاریاں دی دکاناں تے بڑی رونق ھندی سی۔ 1947 چ پاکستان دے قیام توں پچھوں ایتھوں دے سارے ھندو انڈیا اپڑ گئے تے اے تھاں اتے مسمان آباد ہو گئے۔ 1962 چ شالیمار باغ دے قومیانے ویلے ایس علاقے نوں حکومت ولوں باقاعدہ ٹاؤن شپ دا درجہ دتا گیا۔

صحت عامہ[سودھو]

شالیمار ہسپتال لہور دے وڈے تے مشہور ہسپتالاں چوں اک منیا جاندااے۔ اے ہسپتال علاقے دے کھاندے پیندے تاجراں دی امداد توں شروع کیتا گیا سی۔ 1960 توں مگروں حکومت وی امداد دین لگ پئی۔ ایتھے لہور دے واسیاں نوں سستے علاج دی سہولت فراہم کیتی جاندی اے۔ ایس توں علاوہ ایس علاقے چ وڈی گنتی چ کلینک ھیگے نیں۔

صنعت[سودھو]

شالیمار ٹاؤن دی وڈی صنعت پلاسٹک دیاں شیواں دی اے تے صابن، تیل تے بسکٹ دوجے نمبر تے آندے نیں۔ ایناں چوں مشہور تھلے دتے نیں:

  • میپکو پرائیویٹ لیمیٹڈ
  • انجکشن مولڈنگ کمپنی
  • سفینہ سوپ