شاہ عنایت قادری
شاہ عنایت اللہ قادری شطاری قصوری سانجھے پنجاب دے پرمکھ صوفی سن۔ اہنا ں مشہور پنجابی شاعراں بلھے شاہ اتے وارث شاہ دے استاد وجوں جانیا جاندا ہے۔[۱]
جیون
[سودھو]ابو المارف محمد عنایت اللہ حنفی قادری شطاری قصوری دا جنم قصور وچّ ہویا۔ آپ دے والد دا نام پیر محمد سی۔ آپ شاہ عنایت قادری دے نام نال جانے جاندے ہن۔
آپ دے وڈیکیاں دا تعلق لاہور نال ہے جو پشت در پشت اتھے آباد سن۔ اوہ ذات دے آرائیں سن، جو کاشتکاری اتے باغبانی نال جڑی قوم ہے ۔ حضرت شاہ عنایت قادری دے پرکھے لاہور دے علاقہ مزنگ وچّ اک وڈے رقبے تے کھیتی باڑی کردے سن۔ کھیتی باڑی اوہناں دا مکھ معاشی ذریعہ سی۔
شاہ عنایت نے مڈھلی تعلیم قصور وچّ حاصل کیتی اتے اس دے بعد لاہور پہنچ کے حضرت شاہ محمد رضا قادری الشتاری لاہوری دے ادھین شامل ہوئے اتے اوہناں راہیں ہی قادری سلسلے وچّ بیعت ہوئے اتے مرشد دی خدمت وچّ رہِ کے تکمیل سلوک اتے خرقہ خلافت حاصل کیتی۔ پھر مرشد دے حکم تے قصور آ گئے۔ اتھے اوہ کافی مقبول ہو گئے اتے اتھوں دے لوک ودیک اتے روحانی پیاس بجھاؤن لگے۔ قصور دے حاکم حسین خان خویشگی (افغان) نوں ایہہ گلّ رڑکن لگی تاں اسنے آپ نوں قصور توں نکل جان دا حکم دے دتا۔ آپ پھر لاہور آ گئے اتے اتھے اپنا پکا ٹکانا بنا لیا۔
رچناواں
[سودھو]شاہ عنایت قادری بلند پایہ مفسر‘ فقہیہ تے پنجاب دے اکابر علماء و صلحا وچ شمار ہوندے نیں۔ انہاں دیاں تصنیفات وچوں چند اک ایہ نیں:
- غایت الحواشی
- ملتقط الحقائق شرح کنز الدقائق
- تنقیح المرام فی مبحث الوجود
- لطائف غیبیہ
- اذکار قادریہ
- مجموعہ عرفانی شرح مجموعہ سلطانی
- رسالہ در مسئلہ حرب و دار الحرب
- ذیل ااغلاط فی مسائل الغصب فی الافراط
وفات
[سودھو]1141ھ محمد شاہ دے عہد وچ وفات پائی لاہور وچ مدفون نیں[۲][۳]
حوالے
[سودھو]- ↑ https://www.youtube.com/watch?v=axnjHn_BjGs
- ↑ اردو دائرہ معارف اسلامیہ جلد 14٫2 صفحہ 304 دانش گاہ پنجاب لاہور
- ↑ خزینۃ الاصفیاء جلد اول غلام سرور لاہوری،صفحہ 297مکتبہ نبویہ لاہور