بلھے شاہ

وکیپیڈیا توں
جاؤ: پاندھ, کھوج
بلھے شاہ
BullehShah.jpg
جیون 1680-1757
دیس پنجاب
کم شاعری
گن {{{گن}}}

بلھے شاہ پنجابی دا اک مشہور شاعر سی۔ اوہ پنجاب دے ضلع قصور دے اک پنڈ پانڈو کے وچ 1680 وچ جمے۔ اوہدے پیو دا ناں شاہ محمد درویش سی۔ بلھے شاہ نوں اپنے ٹبر وچوں اپنی بھین نال بڑا پیار سی۔ بلھے شاہ نے مڈھلی پڑھائی اپنے پیو کولوں کیتی تے جہدے مگروں اگے ودھ پڑھن لئی اوہ نوں قصور گھلیا گیا جتھے اوہدے استاد غلام مرتضا تے محی الدین سن۔ شاہ عنایت بلھے شاہ دے مرشد سن۔ بلھے شاہ 1785ء وچ مریا۔

بلھے شاہ دا ویلہ[لکھو]

بلھے شاہ دے کلام وچ اونہاں دے ویلے دے سیاسی حلات وی اپنا رنگ وکھاندے نیں۔ اورنگ زیب دے مرن مگروں مغلاں دے راج تے بدیڑا ویلہ آندا وے۔ دلی سرکار ماڑی ہون مگروں ہر پاسے لڑائیاں تے چگڑے ہندے پئے نیں۔ گل اخیر کے پنجاب چ بے تفاقی پے گئی تے فساد شروع ھو گئے۔ ایس ساری گل دی خبر اوس ویلے دے جرنیل فوجی نادر شاہ نوں وی ھو گئی۔ تے اوہدے منہ چ پانی آگیا۔ آخر کار نادر شاہ نے 1739ءچ دلّی اُتے حملہ کردِتاتے بڑا خون خرابا کیتا۔ ھجے لوکی ایس گل نوں نہ بھلے سی کہ 1761ءچ نادر شاہ دے جانشیں احمد شاہ ابدالی نیں پنجاب اُتے حملہ کر دِتا تے پہلے توں ودھ ظلم ثے خون خرابہ کیتا۔ احمد شاہ ابدالی دے ظلم نیں دلّی نوں اُجاڑ کے رکھ دتا۔ سارا نظام تباہ ھو گیا تے خانہ جنگی دی صورت حال پیدا ھو گئی۔ ایس موقعے تے بلھے شاہ آکھدے نیں:

"در کھلا حشر عذاب دا برا حال ھویا پنجاب دا"






شاعری دا مڈھ[لکھو]

کسی سیانے دا قول اے کہ شاعر جمدیاں ای شاعر ہندا اے تے بنان نال نئ بندا اے۔ انج ای بلھے شاہ وچ شاعری دا وصف اوہناں دے جمن ویلے توں ھیگا سی۔

بلھے شاہ دا سنیہا[لکھو]

بلھیا کی جاناں میں کون[لکھو]

نہ میں مومن وچ مسیتاں، نہ میں وچ کفر دیاں ریتاں
نہ میں پاکاں وچ پلیتاں، نہ میں موسیٰ نہ فرعون
نہ میں اندر بھید کتاباں، نہ بھنگاں نہ وچ شراباں
نہ وچ رنداں مست خرباں، نہ وچ جاگن وچ سون
نہ وچ شادی نہ غمناکی، نہ میں وچ پلیتی پاکی
نہ میں آبی نہ میں خاکی، نہ میں آتش نہ میں پون
نہ میں عربی نہ لاہوری، نہ میں ھندی شہر نگوری
نہ ھندو نہ ترک پشوری، نہ ميں ریندا وچ چندوَن
نہ میں بھید مزہب دا پایہ، نہ میں آدم حوا جایا
نہ میں اپنا نام دھرایا، نہ وچ بھیٹن نہ وچ بھون
اول آحر آپ نوں جاناں، نہ کوئی دوجہ ہور پچھانہ
میتھوں ہور نہ کوئی سیانا، بلہا اوہ کھڑا اے کون?

بلھے شاہ دی شاعری۔ ٹوٹے[لکھو]

Bhulay Shah.jpg

بارلے جوڑ[لکھو]