عبادی سلطنت

وکیپیڈیا توں
Jump to navigation Jump to search

عبادی سلطنت، ہسپانیہ دی اک عرب سلطنت سی۔ جس نے ۱۰۲۳ء توں لے کے ۱۰۹۱ء تک اشبلیہ اُتے حکومت کیتی۔ جدوں خلافتِ قرطبہ چ انتشار تے کمزوری پیدا ہوئی تاں اشبیلیہ دے گورنر ابوالقاسم نے اپنی خود مختاری دا اعلان کرکے عبادی سلطنت دی بنیاد رکھی۔ ۱۰۴۴ء چ اس دا پترابو عمر عباد، معتصد دے لقب نال تخت نشین ہویا۔ جس نے ۴۴۵ھ چ قرطبہ اتے قبضہ کرکے اک مضبوط حکومت قائم کیتی۔

۴۶۱ھ/۱۰۴۹ء ج اس دی وفات دے بعد عباد سوم، معتمد دے لقب نال تخت نشین ہویا۔ا وہ شاعری تےآرٹ تے فن دا بوہت دلدادہ سی، پر اک کمزور حکمران سی۔[1] جدوں الفانسو ششم نے اس اُپر حملہ کیتا تے اس نے مراکش دے حاکم یوسف بن تاشفین توں امداد منگی۔ جس نے آکے الفانسو نوں ذلاقہ دے مقام اتے شکست دتی (اس لڑائی نوں تریخ چ جنگ ذلاقہ دے ناں توں جانیا جاندا اے) تے واپس چلا گیا، پر جدوں معتمد دی بداطواریاں حد توں ودھ گئیاں تے یوسف نے اس نوں پھڑ کے مراکش دے اک شہر چ قید کردتا۔ جتھے چار سال دے بعد اوہ مر گیا تے 68 سال حکومت کرن دے بعد ہسپانیہ توں عبادی سلطنت دا خاتمہ ہوگیا۔

بنو عباد دے حکمران[لکھو]

نمبر شمار حاکم راج ویلہ
۱ ابو القاسم محمد بن عباد ۱۰۲۳ء - ۱۰۴۲ء
۲ ابو عمر معتمد ۱۰۴۲ء - ۱۰۶۹ء
۳ معتمد بن عباد ۱۰۶۹ء - ۱۰۹۱ء

حوالے[لکھو]

  1. بعض تریخی کتاباں، جیسے خلافتِ اندلس، مصنف: نواب ذولقدر جنگ، چ اسے اک بوہت عقلمند تے طاقتور حمران قرار دیا گیا اے، جو صرف اس کتاب چ ہی نہیں بلکہ دوجی تے تریخی کتاباں چ وی لکھیا اے تے ایہ بلکل ٹھیک وی اے۔