قرطبہ

وکیپیڈیا توں
Jump to navigation Jump to search
قرطبہ
Cordova
Mezquita Orange Tree Courtyard.jpg
Karte-es.png
دیس: سپین Flag of Spain.svg
صوبہ : قرطبہ
لوک گنتی: 325,453
بولی: ہسپانوی

قرطبہ سپین دا اک تریخی شہر تے صوبہ قرطبہ دا گڑہ اے ۔ ایہ دکھنی سپین دے علاقے اندلس وچ دریائے گواڈالکویر دے کنڈے تے وس ریا اے۔ قرطبہ مسلم سپین ویلے بنو امیہ دا راجگڑھ رہیا تے اسلامی رہتل دا وڈا گڑھ سی ۔ اجکل اے مڈلے ناپ دا شہر اے پر بنو امیہ دے ویلے اے یورپ تے خورے دنیا دا سب توں وڈا شہر سی۔

تریخ[لکھو]

قرطبہ دے دوالے انسان نیاندرتھال ویلے توں 32000 م پ ورے پہلے ہے سی۔ 8ویں صدی م پ وچ تاریسوس ویلے ایتھے اک نگری سی۔ ایتھوں دے لوک ہولی ہولی تانبے تے چاندی دا ورتن سکھدے نیں۔ لکھتاں وچ آنوالی پہلی نگری قرطاجنہ دے لوکاں نے دریا دے دوالے وسائی جیدی نیو اوہنان دے جرنیل ہملکار بارکا نے قار جوبہ دے ناں نال رکھی قار جوبہ دا مطلب سی جوبہ دی نگری قار اوہناں دا اک سردار سی لاگے اک لڑائی وج ماریا گیا سی۔ قرطبہ تے رومیاں نے 206 م پ وچ مل ماریا۔ جولیس سیزر ویلے قرطبہ رومی صوبے ہسپانیہ بیٹیکا دا راجگڑھ سی۔

قرطبہ دی نیوں رومن ویلے مارکس اورلیاس نے رکھی۔ اے رومی سلطنت دے ہسپانیہ دا گڑھ سی۔ اموی خلیفہ ولید بن عبدالملک دے ویلے طارق بن زیاد نے 712 چ ایدے تے مل مار لیا۔ 9ویں تے 10ویں صدی عیسوی چ قرطبہ بنو امیہ دے راجگھر دی حثیت نال یورپ دا سب توں وڈا ، ترقی یافتہ ، تہذیب یافتہ تے علم و ادب دا مرکز سی تے دنیا دے چند وڈے شہراں چوں اک سی ۔ اس ویلے شہر چ کئی ہزار مسجداں ، مدرسے ، کتب خانے ، حمام تے مختلف قسم دے کارخانے موجود سن ۔ 8ویں صدی چ ای تعمیر ہون والی مسجد قرطبہ اس شہر دی پہچان بنی تے 1238ء چ قرطبہ سپین دیاں شمالی سعائی ریاستاں نے مسلماناں توں کھون دے بعد گرجے چ تبدیل کردتا ۔