عبداللہ شاہ غازی
| حضرت عبداللہ شاہ غازی رحمة الله عليه | |||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|
| ناں | عبداللہ شاہ غازی | ||||||||||||||||||
| لقب | شہنشاہِ کراچی، غازی بابا جی | ||||||||||||||||||
| تریخِ جم | 99ھ | ||||||||||||||||||
| تریخِ وفات | 151ھ | ||||||||||||||||||
| وجۂ شہرت | ولیاں وچوں سبھ توں قدیم دربار | ||||||||||||||||||
عبداللہ شاہ غازی (عربی: عبد الله شاه غازى) کراچی، پاکستان دے نہایت معروف تے برگزیدہ ولی اللہ منے جاندے نیں۔ اوہناں دا مزار کلفٹن، کراچی وچ واقع اے ۔[۱]
تریخ
[سودھو]عبداللہ شاہ غازی دی کنیت ابو محمد تے قب العشتر ہے۔ آپ دی ولادت واقعہ کربلا دے اٹھائی سال بعد سن اٹھانوے ہجری وچ مدینہ منورہ وچ ہوئی تے ایہ بنی امیہ دی حکومت دا آخری دور سی ۔
آپ دا شجرہ سید ابومحمد عبداللہ العشتر بن سید محمد ذوالنفس الزکیہ بن محمد سید عبداللہ بن سید حسن مثنی بن سیدنا امام حسنؑ بن حضرت سید نا امیرالمومنین علی ابن ابی طالب کرم اللہ وجہہ الکریم نال ملدا ہے۔ حضرت سید حسن مثنی دا ویاہ حضرت فاطمہ صُغرا بنت سید امام حسینؑ نال ہوئی، اسے وجہ توں آپ حسنی حسینی سید نیں ۔ آپ سن 138 ہجری وچ ایتھے تشریف لیائے ۔
آپ دے مزار اُپر آون والے زائرین وچ ہر مذہب دے لوک شامل ہندے نیں۔ زائرین دا کہنا اے کہ اوہناں نوں ایتھے آ کے دل نوں سکون ملدا اے تے مراداں پوریاں ہندیاں نیں ۔ حضرت عبدللہ شاہ غازی دی سبھ توں وڈی کرامت سمندر دے قریب مزار دے تھلے مِٹھے پانی دا چشما اے جیہڑا اوہناں دی چِلا گاہ وچ وی موجود اے ۔ لوک دور دور توں آوندے نیں تے ایہ پاݨی پی کے شفا یاب ہندے نیں ۔
عباسی دور حکومت دے زمانہ جنگ وچ حضرت عبداللہ شاہ غازی نوں سن 151 ہجری وچ شہید کردتا گیا آپ کدے خادمین تے عقیدت منداں نے آپ نوں ایتھے موجود پہاڑی اتے دفن کردتا جتھے اج وی آپ دا مزار موجود اے ۔
حوالے
[سودھو]- ↑ پاکستان وچ تصوف دی ترویج و اشاعت- بی بی سی