فریحہ پرویز

فریحہ پرویز
جم	سنہ 1974 (عمر 48–49 سال)  لہور، پنجاب، پاکستان
وفات
شہریت	پاکستان
عملی زندگی
پیشہ	گلوکارہ
دور فعالیت	1996-Present

فریحہ پرویز (انگریزی: Fariha Pervez) ایک پاکستانی پنجابی گلوکارہ، اداکارہ، نغمہ نگار، تے میوزک پروڈیوسر نیں۔

اوہ خاص طور تے مختلف مقبول تے مشہور غزلاں لئی مشہور نیں۔ اوہناں نے پی ٹی وی وچ بہت کم عمری توں ہی اینکرنگ تے اداکاری دا آغاز کیتا۔ اوہناں نے نیاݨےآں دے اک مشہور میوزک پروگرام "آنگن آنگن تارے" دی شریک میزبانی وی کیتی۔ اوہناں دا پہلا ایلبم "نائس اینڈ ناٹی" ریلیز ہوݨ توں بعد اوہناں دا گاݨا "پتنگ باز سجݨا" ہٹ ہوگیا تے اوتھوں میوزیکل کیریئر شروع ہویا تے اوہناں نے صرف گاݨے اُتے توجہ مرکوز کرن دا فیصلا کیتا۔

مُڈھلی زندگی

فریحہ پرویز 2 فروری 1974 نوں لہور، پنجاب وچ پیدا ہوئیاں۔ اوہناں دا کہݨا اے کہ اوہناں نوں گلوکاری دا ہُنر اپݨے والد توں وراثت وچ مِݪیا۔ 1995 وچ فریحہ نے کلاسیکی موسیقی دی تربیئت واسطے ماسٹر فیروز گل نوں جوائِن کیتا۔ اوہناں دا تعلق پاکستانی شوبز دے فنکار گھرانے توں اے۔ اوہ دو پعھراواں دی کلی پعھیݨ نیں۔ اداکارہ عارفہ صدیقی اوہناں دی کزن نیں۔

کیریئر

فریحہ پرویز نے اپݨے کیرئیر دا آغاز 90 دی دہائی دے شروع وچ اینکرنگ تے اداکاری ناݪ کیتا۔ لیکن فیر 90 دی دہائی دے وسط وچ اوہناں نے موسیقی ول رخ کیتا۔ اوہناں نے اپݨے کیرئیر دا آغاز بطور اداکارہ] کیتا تے نیاݨےآں دے مشہور ڈرامے عینک والا جن سمیت کئی ڈراما سیریئلز وچ کم کیتا۔

فریحہ نے اپݨا پہلا میوزک ایلبم 1996 وچ ریلیز کیتا، جیہدا نام Nice & Naughty سی۔ اوہ ہُݨ تک سَت ایلبمز ریلیز کرچکیاں نیں تے ہر ایلبم وچ اوہناں دے کئی ہٹ گاݨے نیں۔ اپݨے میوزیکل کیریئر دے دوران اوہناں نے پاکستانی فلماں، جِداں چیف صاحب (1996)، سیلاب، گھونگھٹ، سنگم، انتظار تے موسا خان لئی گیت گائے۔

گلوکارہ دے طور تے اپݨے ابتدائی دِناں وچ فریحہ پی ٹی وی دے مشہور پروگراماں وچ ای نظر آئیاں جیہناں وچ امیر خسرو کے صوفیانہ گیت، وہ بہار آئی تے چلمن شامل نیں۔ فریحہ پرویز نے عارفہ صدیقی، ارم حسن، سیمی زیدی، شبنم مجید تے سائرہ نسیم دے ناݪ گیت گائے نیں۔ اس توں علاوا فریحہ نے پی ٹی وی دے کئی ڈرامیاں دے ٹائٹل گیت تے سِنگلز دے ناݪ ناݪ متعدد گاݨے گائے نیں۔

ایوارڈز

Awards

No.	Award Giving Body	Award	Year	Result
1	1st Indus Music Awards	Best Song (Kokla Chapaaki) Fariha Pervez - Best female pop artist	2004	Won
2	1st Indus Music Awards	Best Female Singer of the Year	2004	Nominated
3	1st The Musik Awards	Best Ballad (Yaad Piya Ki Aaye)	2006	Won
4	1st The Musik Awards	Most Wanted Female	2006	Nominated
5	3rd Indus Music Awards	Best Female Singer of the Year	2007	Won
6	1st MTV Pakistan Music Awards	Best Female Singer of the Year	2009	Won
7	1st Pakistan Media Awards	Best Female Singer	2010	Nominated
8	2nd Pakistan Media Awards	Best Female Singer of the Year	2011	Won
9	PTV National Awards	Best Female Singer of the Year 2010	2011	Nominated
10	4th Dynamic Women's Day Awards	Special Award for Achievements in Music	2015	Won

حوالے