لازیستان

لازیستان (عثمانی ترک بولی:لازستان ؛ لازی بولی چ لازونا تے گرجستانی بولی چ لازیتی یاں چنیتی ) سلطنت عثمانیہ دے اک سنجاک (سنجق) دا ناں سی جہڑا ولایت ترابزون دے ماتحت سی تے کالا سمندر دے چڑھدے دکھن ج وسن آلی لازی یاں لازوری بولی بولن آلی آبادی تے مشتمل سی ۔ اگرچہ اسدیاں سرحداں لازی بولی بولن آلے علاقے دے مطابق نئیں سن ۔ اس چ اوس ویلے دا نالدا صوبہ ریز تے صوبہ آرتوین دا کجھ علاقہ وی شامل سی ۔

پرانے ویلےآں چ ایہہ علاقہ کولچیس بادشاہت دا حصہ سی ۔ گھبلے ویلےآں توں 1578ء تک ایہہ جارجیا (گرجستان) دا حصہ رہئیا جدوں اسنوں سلطنت عثمانیہ نے فتح کر لئیا ۔ 1878ء لازیستان دا مشرقی حصہ ، باتومی شہر سنے ، روسی سلطنت دا حصہ بن گئیا تے سنجاک دا مرکز باتومی توں ریز منتقل کر دتا گئیا ۔ بالشویک روس(1922ء تک) دے ڈیموکریٹک جمہوریہ جارجیا تے مل مارن دے مگروں ،ایہہ علاقہ ترکی تے سویت یونین دے وچکار ونڈئیا گئیا ۔ ترک جمہوریہ نے سنجاک تے ایہہ ناں (لازیستان) 1925ء چ ختم کر دتا ۔