لالا لاجپت رائے

وکیپیڈیا توں
Jump to navigation Jump to search
لالا راجپت رائے
 
 
عام جانکاری
پورا نام  
جنم 28 جنوری 1865

ڈھڈیکے ضلع موگا، پنجاب

موت 17 نومبر 1928 (عمر 63)

لہور، پنجاب

پیشہ انڈین نیشنل کانگرس، آریا سماج
ہور جانکاری
دھرم ہندو دھرم


لالا لاجپت رائے (28 جنوری 1865 - 17 نومبر 1928) پنجاب دا اک پرمکھ آزادی دا سپاہی سی۔ اوہناں نوں پنجاب کیسری وی کیہا جاندا اے ۔ اوہناں نے پنجاب نیشنل بینک تے لکشمی بیما کمپنی دا قیام وی کیتا ۔ ایہ انڈین نیشنل کانگرس وچ گرم دل دے 3 پرمکھ سیاستکاراں لال-بال-پال وچوں اک سن ۔ سن 1928 وچ اوہناں نے سائیمن کمیشن دے خلاف اک مظاہرے وچ حصہ لیا، جیہدے دوران ہوئے لاٹھی چارج وچ ایہ بری طرحاں زخمی ہو گئے تے آخر 17 نومبر سن 1928 نوں اوہناں دی موت ہو گئی ۔

جیونی[لکھو]

لالا لاجپت رائے دا جنم پنجاب دے ضلع موگا پنڈ ڈھڈیکے وچ ہویا سی ۔ اوہناں نے کچھ چِر ہریاݨا دے روہتک تے حصار شہراں وچ وکالت کیتی ۔ بال گنگادھر تلک تے بپن چندر پال دے نال اس ترمورتی نوں لال بال پال دے نام نال جانیا جاندا سی ۔ ایہناں تناں سیاستکاراں نے سبھ توں پہلاں وچ آزادی دی منگ کیتی سی بعد وچ سمچا دیش ایہناں دے نال ہو گیا ۔ اوہناں نے سوامی دیانند سرسوتی نال مل کے آریا سماج نوں پنجاب وچ لوکپرء بنایا ۔ لالا ہنسراج دے نال دیانند اینگلو ویدک ودیالیاں دا پرسار کیتا ۔ جیہناں نوں اج کل ڈیئیوی سکولز تے کالج دے نام نال جانیا جاندا اے ۔ 30 اکتوبر 1928 نوں اوہناں نے لہور وچ سائیمن کامیشن دے خلاف آئیوجت اک وشال پردرشن وچ حصا لیا ۔ جیہدے دوران ہوئے لاٹھی چارج وچ اوہ بری طرحاں زخمی ہو گئے ۔ اوس ویلے اوہناں نے کیہا سی: "میرے جسم اتے پئی اک اک لاٹھی برٹیش سرکار دے کفن دا کل بنو گی۔" تے اوہی ہویا وی؛ لالا جی دی قربانی دے 20 سال دے اندر ای برطانوی سامراج دا سورج ڈُب گیا ۔ 17 نومبر 1928 نوں ایہناں سٹاں دی وجہ نال ایہناں دا دہانت ہو گیا۔


حوالے[لکھو]