لورین بوتھ

لورین بوتھ
جنمستھان :	اِسلِنگٹن، لندن, انگلستان
جمن دیہاڑا :	22 جولائی 1967
مذہب :	اسلام
کم :	صحافی
ماں :	پامیلا سمِتھ
پیو :	انٹونی بوتھ
نیاݨے :	2

لورین بوتھ اک انگریزی صحافی نیں۔ اوہ اک آزاد لکھاری تے میڈیا کنسلٹنٹ دے طور تے وی کم کر دی اے۔ اوہناں نے شمالی لندن چ تعلیم حاصل کیتی۔ لورین بوتھ سابق برطانوی وزیر اعظم ٹونی بلیئر دی گھر آلی چیری بلیئر دی متیر بھیݨ نیں۔

میڈیا کیریئر

لورین بوتھ نے صحافتی کیریئر دا آغاز 1997 چ کیتا۔ اوہناں نے مُڈھلا تحریری تجربہ لندن ایونگ سٹینڈرڈ توں 'ٹاؤن اباؤٹ کالم لِکھ کے حاصل کیتا۔ اوہناں نے 1999 چ سیاسی میگزین دی نیو سٹیٹسمین لئی لِکھنا شروع کیتا۔ جتھے اوہ چار سال تک منسلِک رہی۔ اوہناں نے ایہدے نال نال بحیثیت کالم لکھاری میل آن سنڈے واسطے فیچرز تے کالمز لکھنے شروع کر دِتے۔ 2006 توں 2008 دے وچکار برطانیہ دے اسلام چینل تے پروگرام اِن فوکس پیش کیتا۔ ایرانی ملکیتی پریس ٹی وی نال اوہناں دی لمبی وابستگی رہی۔ اوہناں نے 2014 چ نویں برطانوی مسلم ٹی وی اُتے اپنی سیریز ٹاکنگ بوتھ لانچ کیتی۔ 2014 چ اوہناں نے قطر دے راجگڑھ دوحہ چ الجزیرہ ٹی وی دی سینیئر پروڈیوسر دی پوسٹ سنبھالی۔

اسلام قبول کرنا

لورین بوتھ نے 2010 چ اسلام قبول کیتا۔ اوہناں نے 2010 وچ سہیل احمد نال بیاہ کیتا۔ لورین بوتھ نے 23 اکتوبر 2010 نوں اسلام چینل دے ایونٹ اسلامی امن تے اتحاد وچ حجاب تےڈھیلے ڈھالے کپڑیاں چ ملبوس ہو کے ایہ اعلان کیتا کہ میرا ناں لورین بوتھ اے تے میں مسلمان آں۔ اوہناں نے اپنی اسلامی بیداری نوں اک صحافی دے طور تے ایران چ شیعہ مزار دے دورے دے دوران 'مقدس تجربے' نال منسوب کیتا۔