لوزیانا دی خرید

وکیپیڈیا توں
Jump to navigation Jump to search

لوویزیانا دی خرید 1803ء وچ ہوئی سی جدوں فرانس نے امریکا وچ موجود اپنے اک بوہت وڈے علاقے توں امریکا دے حق وچ دستبرداری منظور کر لی سی تے اس دے عوض امریکا توں دیڑھ کروڑ ڈالر وصول کیے سن۔ اس وقت لوویزیانا دے علاقے دا رقبہ 828,000 مربع میل سی اوراس طرح امریکا نوں ایہ زمین صرف  3 سینٹ فی ایکڑ توں وی سستی پئی۔ اِنی ساری زمین ہن امریکا وچ شامل ہونے توں امریکا دا رقبہ  لگ بھگ دگنا ہو گیا۔ اس حاصل کردہ زمین نوں بعد وچ 15 امریکی تے دو کینیڈین ریاستاںوچ تقسیم کیتا گیا۔

Louisiana Purchase
Vente de la Louisiane
expansion - ریاستہائے متحدہ امریکا

1803–1804
 

Flag of Louisiana Purchase

Flag of the United States

Location of Louisiana Purchase
امریکہ دا اج دا نقشہ۔ 1803 وچ جو لوویزیانا دا علاقہ خریدیا گیا سی اوہ ایتھے ہرے رنگ نال ظاہر کیتا گیا ہے تے اوہ موجودہ لوویزیانا توں بہت ہی وڈا سی۔
تریخ
 -  قیام July 4
 -  Disestablished October 1
20 دسمبر 1803 نوں لوویزیانا دی امریکہ نوں منتقلی دی تقریب۔

فرانس 1699ء توں لوویزیانا دے اس علاقے اُتے قابض سی۔ 1762ء وچ ایہ علاقہ ہسپانیہ دے حوالے کر دتا گیا سی۔ نپولین بونا پارٹ نے 1800ء وچ اک خفیہ معاہدے دے تحت دوبارہ ایتھے دا کنٹرول سنبھالیا تا کہ شمالی امریکا وچ اک سلطنت بنائی جا سکے۔ فرانس دی امریکا دے وسط وچ موجودگی دی وجہ توں اس وقت دے مغربی تے مشرقی امریکا دے درمیان تجارت دی سخت مشکلات حائل سں۔ امریکی صدر تھامس جیفرسن نے فیصلہ کیتا کہ فرانسیسیاں توں لوویزیانا دا اک چھوٹا سا حصہ نیو اورلینس خرید لیا جائے تاکہ باندر گاہ تے دریائے مسیسیپی تک رسائی مل سکے۔
اس وقت فرانس اُتے برطانیہ توں جنگ دا خطرہ منڈلا رہا سی۔ ہیٹی وچ ہونے والی بغاوت نوں کچلنے وچ ناکامی دی وجہ توں فرانس دی کیریبیئن دی شوگر کالونیاں توں ہونے والی آمدنی ختم ہوندی جا رہی سی۔ امریکی نیو اورلینس تے بندرگاہ دے عوض اک کروڑ ڈالر ادا کرنے اُتے تیار سن مگر فرانس نے پیشکش کری کہ پورا لوویزیانا دیڑھ کروڑ ڈالر (یعنی 8 کروڑ فرانک) وچ خرید لوؤ۔ چونکہ اس بات دا خطرہ سی کہ فرانس اپنی پیشکش واپس لے سکتا اے اس لیے امریکی نمائندے روبرٹ لیونگ اسٹون نے صدر جیفرسن توں منظوری لینے دا انتظار نہیں کیتا تے 30 اپریل 1803ء نوں فرانسیسیاں توں خرید دا معاہدہ کر لیا۔ ایہ خبر دو مہینے بعد واشنگٹن ڈی سی پہنچی۔
فرانس توں لوویزیانا دی خرید دے بعد امریکا نے اسپین توں فلوریڈا، روس توں الاسکا تے ڈنمارک توں ورجن آئی لینڈ خریدے۔[1]

1804 دا زمین دا قنون[لکھو]

لوویزیانا دی خرید دے اک سال بعد 1804ء وچ امریکی حکومت نے عوام نوں کاشتکاری دے لیے زمین فروخت کرنا شروع کیتی۔ زمین دی قیمت دو ڈالر فی ایکڑ مقرر کیتی گئی۔ خریدار نوں گھٹ توں گھٹ 160 ایکڑ زمین لینا ضروری سی۔[2]

1810ء تک زمین دی قیمت دو ڈالر فی ایکڑ رہی۔ لیکن اسٹاک مارکیٹ وچ سٹے بازاں نے 1818ء تک اسنوں 80 ڈالر فی ایکڑ تک پہنچا دتا۔ دو سال بعد 1820ء وچ جدوں ایہ بُلبُلہ پھٹیا تے زمین دی قیمت گر کے دو ڈالر فی ایکڑ توں وی گھٹ ہو گئی۔ ایہ سب اُس کاغذی کرنسی دی بدولت ممکن ہویا جو اس زمانے دے بینک چھاپ کے قرض دے رہے سن۔
اسٹاک مارکیٹ وچ ایسے کریش (crash) وڈے تواتر توں آندے رہے۔ 1819 دے بعد 1837, 1857, 1873, 1907, 1921, تے 1929ماں وڈے کریش واقع ہوئے۔

مالیات[لکھو]

لوویزیانا دی خرید و فروخت تریخ وچ سب توں وڈی زمین دی خرید و فروخت اے۔ اُس زمانے وچ عوام اگرچہ ہارڈ کرنسی (سونا چاندی) استعمال کردے سن مگر لوویزیانا دی خرید و فروخت ہارڈ کرنسی وچ نہیں ہوئی سی۔
لوویزیانا دی خرید و فروخت دے لیے امریکی حکومت نے حکومتی قرضے (bonds) جاری کیتے۔ اس زمانے وچ مالیاتی لحاظ توں ایمسٹرڈیم لندن توں وی زیادہ محکم پوزیشن وچ سی۔ایمسٹرڈیم دے ہوپ بینک تے لندن دے بیرنگز بینک نے انہاں بونڈز نوں امریکی حکومت توں خریدنے تے یورپی عوام نوں ویچنے اُتے آمادگی ظاہر کر دتی۔ انہاں بونڈز اُتے 13.3 فیصد ڈسکاونٹ وی سی تے 6 فیصد سود وی جس دی ادائیگی شش ماہی سی۔[3]
فرانس پہلے ای توں امریکی حکومت دا مقروض سی۔ 37 لکھ 50 ہزار ڈالر دا ایہ قرضہ وی امریکا و توں ادا شدہ رقم من لیا گیا۔

ہور ویکھو[لکھو]

حوالے[لکھو]

  1. The Root Of The Crisis: Every $1 Of Debt Generates Just 44c Of Economic Output
  2. [ The Monetary Elite Vs. Gold's Honest Discipline By Vincent R. LoCascio]
  3. The Baring Archive

سانچہ:ریاستہائے متحدہ توسیع سانچہ:ریاستہائے متحدہ دے علاقے